ഇന്ത്യക്കെതിരായ രണ്ടാം ടി20യില് ന്യൂസിലന്ഡിന് മികച്ച തുടക്കമാണ് ലഭിച്ചത്. ആദ്യ ഓവറുകളില് തകര്ത്തടിച്ചെങ്കിലും ഡെവോണ് കോണ്വെ, ടിം സീഫെര്ട്ട് എന്നിവരുടെ വിക്കറ്റുകള് പെട്ടെന്ന് നഷ്ടമായി.
റായ്പൂര്: ഇന്ത്യക്കെതിരായ രണ്ടാം ടി20യില് ന്യൂസിലന്ഡിന് മികച്ച തുടക്കത്തിന് ശേഷം രണ്ട് വിക്കറ്റ് നഷ്ടം. റായ്പൂര്, വീര് നാരായണ് സിംഗ് ഇന്റര്നാഷണല് സ്റ്റേഡിയത്തില് ടോസ് നഷ്ടപ്പെട്ട് ബാറ്റിംഗിനെത്തിയ ന്യൂസിലന്ഡ് ഒടുവില് വിവരം ലഭിക്കുമ്പോള് എട്ട് ഓവറില് രണ്ടിന് 84 എന്ന നിലയിലാണ്. രചിന് രവീന്ദ്ര (35), ഗ്ലെന് ഫിലിപ്സ് (5) എന്നിവരാണ് ക്രീസില്. ഡെവോണ് കോണ്വെ (19), ടിം സീഫെര്ട്ട് (24) എന്നിവരുടെ വിക്കറ്റുകളാണ് ന്യൂസിലന്ഡിന് നഷ്ടമായത്. ഹര്ഷിത് റാണ, വരുണ് ചക്രവര്ത്തി എന്നിവര്ക്കാണ് വിക്കറ്റുകള്.
ആദ്യ മൂന്ന് ഓവറില് തന്നെ ന്യൂസിലന്ഡ് 43 റണ്സ് നേടിയിരുന്നു. എന്നാല് നാലാം ഓവറില് റാണ ബ്രേക്ക് ത്രൂമായെത്തി. റാണയുടെ സ്ലോവര് കോണ്വെയ്ക്ക് മനസിലാക്കാന് സാധിച്ചില്ല. മിഡ് ഓഫില് ഹാര്ദിക് പാണ്ഡ്യക്ക് ക്യാച്ച്. തൊട്ടടുത്ത ഓവറില് സീഫെര്ട്ടിനെ വരുണ്, ഇഷാന് കിഷന്റെ കൈകളിലേക്കയച്ചു. എന്നാല് പവര് പ്ലേയിലെ അവസാന ഓവറില് റാണയ്ക്കെതിരെ രചിന് രവീന്ദ്ര 19 റണ്സ് അടിച്ചെടുത്തു. അര്ഷ്ദീപ് സിംഗ് രണ്ട് ഓവറില് 36 റണ്സാണ് വഴങ്ങിയത്.
നേരത്തെ ടോസ് നേടിയ ഇന്ത്യന് ക്യാപ്റ്റന് സൂര്യകുമാര് യാദവ് ന്യൂസിലന്ഡിനെ ബാറ്റിംഗിന് അയക്കുകയായിരുന്നു. രണ്ട് മാറ്റങ്ങളുമായിടാണ് ഇന്ത്യ ഇറങ്ങുന്നത്. പരിക്കിനെ തുടര്ന്ന് അക്സര് പട്ടേല് പുറത്തായി. ജസ്പ്രിത് ബുമ്രയ്ക്ക് വിശ്രമം അനുവദിച്ചു. ഹര്ഷിദ് റാണ, കുല്ദീപ് യാദവ് എന്നിവര് തിരിച്ചെത്തി. ന്യൂസിലന്ഡ് മൂന്ന് മാറ്റം വരുത്തി. ടിം സീഫെര്ട്ട്, സക്കാറി ഫൗള്ക്സ്, മാറ്റ് ഹെന്റി എന്നിവര് ടീമിലെത്തി. ടിം റോബിന്സണ്, ക്രിസ്റ്റിയന് ക്ലാര്ക്ക്, കെയ്ല് ജാമിസണ് എന്നിവരാണ് വഴി മാറിയത്. ഇരു ടീമുകളുടേയും പ്ലേയിംഗ് ഇലവന് അറിയാം.
ന്യൂസിലന്ഡ്: ഡെവണ് കോണ്വേ, ടിം സീഫെര്ട്ട് (വിക്കറ്റ് കീപ്പര്), രചിന് രവീന്ദ്ര, ഗ്ലെന് ഫിലിപ്സ്, മാര്ക്ക് ചാപ്മാന്, ഡാരില് മിച്ചല്, മിച്ചല് സാന്റ്നര് (ക്യാപ്റ്റന്), സക്കാറി ഫൗള്ക്സ്, മാറ്റ് ഹെന്റി, ഇഷ് സോധി, ജേക്കബ് ഡഫി
ഇന്ത്യ: സഞ്ജു സാംസണ് (വിക്കറ്റ് കീപ്പര്), അഭിഷേക് ശര്മ, ഇഷാന് കിഷന്, സൂര്യകുമാര് യാദവ് (ക്യാപ്റ്റന്), ഹാര്ദിക് പാണ്ഡ്യ, ശിവം ദുബെ, റിങ്കു സിംഗ്, ഹര്ഷിത് റാണ, അര്ഷ്ദീപ് സിംഗ്, കുല്ദീപ് യാദവ്, വരുണ് ചക്രവര്ത്തി.
