ദക്ഷിണാഫ്രിക്കയ്ക്കെതിരായ അഞ്ചാം ടി20യിൽ ടോസ് നഷ്ടപ്പെട്ട് ബാറ്റിംഗിനിറങ്ങിയ ഇന്ത്യക്ക് മികച്ച തുടക്കം. പരിക്കേറ്റ ശുഭ്മാൻ ഗില്ലിന് പകരം ടീമിലെത്തിയ സഞ്ജു സാംസണും അഭിഷേക് ശർമ്മയും ചേർന്നാണ് ഇന്ത്യക്ക് മികച്ച സ്കോർ സമ്മാനിച്ചത്.
അഹമ്മദാബാദ്: ദക്ഷിണാഫ്രിക്കയ്ക്കെതിരായ അഞ്ചാം ടി20യില് ഇന്ത്യക്ക് മികച്ച തുടക്കം. അഹമ്മദാബാദ്, നരേന്ദ്ര മോദി സ്റ്റേഡിയത്തില് ടോസ് നഷ്ടപ്പെട്ട് ബാറ്റിംഗിനെത്തിയ ഇന്ത്യ ഒടുവില് വിവരം ലഭിക്കുമ്പോള് ആറ് ഓവറില് ഒരു വിക്കറ്റ് നഷ്ടത്തില് 67 റണ്സെടുത്തിട്ടുണ്ട്. സഞ്ജു സാംസണ് (13 പന്തില് 27), തിലക് വര്മ (4) എന്നിവരാണ് ക്രീസില്. അഭിഷേക് ശര്മയുടെ (21 പന്തില് 34) വിക്കറ്റ് ഇന്ത്യക്ക് നഷ്ടമായി. രണ്ട് മാറ്റങ്ങളുമായിട്ടാണ് ഇന്ത്യ ഇറങ്ങിയത്. പരിക്കേറ്റ ശുഭ്മാന് ഗില്ലിന് പകരം സഞ്ജു സാംസണ് ടീമിലെത്തി. കുല്ദീപ് യാദവിന് പകരം വാഷിംഗ്ടണ് സുന്ദറും കളിക്കും. ദക്ഷിണാഫ്രിക്ക രണ്ട് മാറ്റം വരുത്തിയിട്ടുണ്ട്. ആന്റിച്ച് നോര്ജെയ്ക്ക് പകരം ജോര്ജ് ലിന്ഡെയും ട്രിസ്റ്റണ് സ്റ്റബ്സിന് പകരം ഡേവിഡ് മില്ലറും ടീമിലെത്തി.
പരിക്കേറ്റ ശുഭ്മാന് ഗില്ലിന് പകരം ടീമിലെത്തിയ സഞ്ജു അവസരം മുതലാക്കുന്ന കാഴ്ച്ചയാണ് അഹമ്മദാബാദില് കണ്ടത്. ഇതുവരെ ഒരു സിക്സും നാല് ഫോറും നേടാന് സഞ്ജുവിന് സാധിച്ചു. അഭിഷേക് ഒരു സിക്സും ആറ് ഫോറുമാണ് നേടിയത്. സഞ്ജുവിനൊപ്പം 63 റണ്സ് ചേര്ത്ത ശേഷമാണ് അഭിഷേക് മടങ്ങിയത്. കോര്ബിന് ബോഷിന്റെ പന്തില് വിക്കറ്റ് കീപ്പര് ക്വിന്റണ് ഡി കോക്കിന് ക്യാച്ച്. നേരത്തെ, ടോസ് നേടിയ ദക്ഷിണാഫ്രിക്കന് ക്യാപ്റ്റന് എയ്ഡന് മാര്ക്രം ഇന്ത്യയെ ബാറ്റിംഗിന് അയക്കുകയായിരുന്നു. ഇരു ടീമുകകളുടേയും പ്ലേയിംഗ് ഇലവന് അറിയാം.
ദക്ഷിണാഫ്രിക്ക: ക്വിന്റണ് ഡി കോക്ക് (വിക്കറ്റ് കീപ്പര്), റീസ ഹെന്ഡ്രിക്സ്, ഐഡന് മാര്ക്രം (ക്യാപ്റ്റന്), ഡിവാള്ഡ് േ്രബവിസ്, ഡേവിഡ് മില്ലര്, ഡൊനോവന് ഫെരേര, ജോര്ജ് ലിന്ഡെ, മാര്ക്കോ ജാന്സെന്, കോര്ബിന് ബോഷ്, ലുങ്കി എന്ഗിഡി, ഒട്ട്നീല് ബാര്ട്ട്മാന്.
Related Articles
ഇന്ത്യ: അഭിഷേക് ശര്മ, സഞ്ജു സാംസണ്, തിലക് വര്മ, സൂര്യകുമാര് യാദവ് (ക്യാപ്റ്റന്), ഹാര്ദിക് പാണ്ഡ്യ, ശിവം ദുബെ, ജിതേഷ് ശര്മ (വിക്കറ്റ് കീപ്പര്), വാഷിംഗ്ടണ് സുന്ദര്, വരുണ് ചക്രവര്ത്തി, ജസ്പ്രീത് ബുമ്ര, അര്ഷ്ദീപ് സിംഗ്.
അഞ്ച് മത്സര പരമ്പരിലെ നാലാം ടി20 പുകമഞ്ഞ് മൂലം ഉപേക്ഷിച്ചപ്പോള് പരമ്പരയില് ഇന്ത്യ 2-1ന് മുന്നിലാണ്. അഹമ്മദാബാദില് ജയിച്ച് പരമ്പര നേടുകയാണ് ഇന്ത്യയുടെ ലക്ഷ്യം. അതേസമയം, ഇന് ജയിച്ചാല് ടെസ്റ്റ് പരമ്പര നേട്ടത്തിന് പുറമെ ടി20 പരമ്പര സമനിലാക്കാന് ദക്ഷിണാഫ്രിക്കക്ക് കഴിയും. തുടര്ച്ചയായ പതിനാലാം ടി20 പരമ്പര നേട്ടമാണ് ഇന്ത്യ ലക്ഷ്യമിടുന്നത്.
