തിലക് വര്മ (0), സൂര്യകുമാല് യാദവ് (0) എന്നിവര് ഇതേ ഓവറില് തന്നെ മടങ്ങിയിരുന്നു. എങ്കിലും പരിഹാസം മുഴുവന് സഞ്ജുവിനാണ്.
പൂനെ: ഇംഗ്ലണ്ടിനെതിരെ തുടര്ച്ചയായ നാലാം ടി20യിലും നിരാശപ്പെടുത്തിയതിന് പിന്നാലെ ഇന്ത്യന് വിക്കറ്റ് കീപ്പര് സഞ്ജു സാംസണെ ട്രോളി സോഷ്യല് മീഡിയ. പൂന, മഹാരാഷ്ട്ര ക്രിക്കറ്റ് അസോസിയേഷന് സ്റ്റേഡിയത്തില് നടന്ന മത്സരത്തില് ഒരു റണ്ണിനാണ് സഞ്ജു പുറത്തായത്. സാകിബ് മെഹ്മൂദിന്റെ ഷോര്ട്ട് ബോളില് പുള് ഷോട്ടിന് ഷോട്ടിന് ശ്രമിച്ച് സ്ക്വയര് ലെഗില് ജോഫ്ര ആര്ച്ചര്ക്ക് ക്യാച്ച് നല്കുകയായിരുന്നു സഞ്ജു. കഴിഞ്ഞ മൂന്ന് മത്സരങ്ങളിലും ഇതേ രീതിയില് തന്നെയാണ് സഞ്ജു പുറത്തായത്. ഇന്നും മാറ്റമൊന്നുമുണ്ടായില്ല.
പിന്നാലെയെത്തിയ തിലക് വര്മ (0), സൂര്യകുമാല് യാദവ് (0) എന്നിവര് ഇതേ ഓവറില് തന്നെ മടങ്ങിയിരുന്നു. എങ്കിലും പരിഹാസം മുഴുവന് സഞ്ജുവിനാണ്. ആദ്യ മൂന്ന് ടി20 മത്സരങ്ങളില് നിന്നായി 34 റണ്സ് മാത്രമാണ് സഞ്ജു നേടിയത്. മൂന്ന് മത്സരങ്ങളിലും അഞ്ച് ഓവറിനപ്പുറം സഞ്ജു ബാറ്റ് ചെയ്തിട്ടില്ല. കൊല്ക്കത്തയില് നടന്ന ആദ്യ ടി20യില് 26 റണ്സ് നേടിയ സഞ്ജു, ചെന്നൈയില് രണ്ടാം ടി20യില് അഞ്ച് റണ്സിനും പുറത്തായി. നടന്ന മൂന്നാം ടി20യില് ആറ് പന്തില് മൂന്ന് റണ്സുമായി സഞ്ജു മടങ്ങിയിരുന്നു. ഇന്നും പവര്പ്ലേ പൂര്ത്തിയാക്കാന് സഞ്ജുവിന് സാധിച്ചില്ല. ഇതോടെ ട്രോളുകളില് നിറയുകയാണ് സഞ്ജു. ചില പോസ്റ്റുകള് വായിക്കാം...
മൂന്ന് മാറ്റങ്ങളുമായിട്ടാണ് ഇന്ത്യ ഇറങ്ങുന്നത്. റിങ്കു സിംഗ്, ശിവം ദുബെ, അര്ഷ്ദീപ് സിംഗ് എന്നിവര് ടീമില് തിരിച്ചെത്തി. വാഷിംഗ്ടണ് സുന്ദര്, ധ്രുവ് ജുറല്, മുഹമ്മദ് ഷമി എന്നിവരാണ് പുറത്തായത്. ഇംഗ്ലണ്ട് രണ്ട് മാറ്റം വരുത്തിയിട്ടുണ്ട്. മാര്ക്ക് വുഡിന് പകരം സാക്കിബ് മെഹ്മൂദ് ടീമിലെത്തി. പരിക്ക് മാറിയ ജേക്കബ് ബേഥല് തിരച്ചെത്തിയപ്പോള് ജാമി സ്മിത്ത് പുറത്തായി. ഇരു ടീമുകളുടേയും പ്ലേയിംഗ് ഇലവന് അറിയാം.
ഇന്ത്യ: സഞ്ജു സാംസണ് (വിക്കറ്റ് കീപ്പര്), അഭിഷേക് ശര്മ, സൂര്യകുമാര് യാദവ് (ക്യാപ്റ്റന്), തിലക് വര്മ, ഹാര്ദിക് പാണ്ഡ്യ, ശിവം ദുബെ, റിങ്കു സിംഗ്, അക്സര് പട്ടേല്, അര്ഷ്ദീപ് സിംഗ്, രവി ബിഷ്ണോയ്, വരുണ് ചക്രവര്ത്തി.
ഇംഗ്ലണ്ട്: ഫിലിപ്പ് സാള്ട്ട് (വിക്കറ്റ് കീപ്പര്), ബെന് ഡക്കറ്റ്, ജോസ് ബട്ലര് (ക്യാപ്റ്റന്), ഹാരി ബ്രൂക്ക്, ലിയാം ലിവിംഗ്സ്റ്റണ്, ജേക്കബ് ബേഥല്, ജാമി ഓവര്ട്ടണ്, ബ്രൈഡണ് കാര്സെ, ജോഫ്ര ആര്ച്ചര്, ആദില് റഷീദ്, സാഖിബ് മഹ്മൂദ്.
