- Home
- Sports
- Cricket
- ടി20 റാങ്കിംഗ്: സഞ്ജുവിനും ഗില്ലിനും സൂര്യക്കും സ്ഥാന നഷ്ടം, ബുമ്രയുടെ റെക്കോര്ഡ് തകര്ത്ത് വരുണ് ചക്രവര്ത്തി
ടി20 റാങ്കിംഗ്: സഞ്ജുവിനും ഗില്ലിനും സൂര്യക്കും സ്ഥാന നഷ്ടം, ബുമ്രയുടെ റെക്കോര്ഡ് തകര്ത്ത് വരുണ് ചക്രവര്ത്തി
പുതിയ ടി20 റാങ്കിംഗിൽ ഇന്ത്യൻ താരങ്ങളായ വരുൺ ചക്രവർത്തി, അർഷ്ദീപ് സിംഗ്, തിലക് വർമ എന്നിവർ നേട്ടം കൊയ്തു. റെക്കോർഡ് റേറ്റിംഗ് പോയിന്റുമായി വരുൺ ഒന്നാം സ്ഥാനം നിലനിർത്തിയപ്പോൾ, സൂര്യകുമാർ യാദവിനും ശുഭ്മാൻ ഗില്ലിനും റാങ്കിംഗിൽ തിരിച്ചടി നേരിട്ടു.
നേട്ടം കൊയ്ത് അര്ഷ്ദീപും വരുണ് ചക്രവര്ത്തിയും തിലക് വര്മയും
പുതിയ ടി20 റാങ്കിംഗില് നേട്ടം കൊയ്ത് ഇന്ത്യൻ താരങ്ങളായ അര്ഷ്ദീപ് സിംഗും വരുണ് ചക്രവര്ത്തിയും തിലക് വര്മയും
റെക്കോര്ഡ് തിരുത്തി വരുണ് ചക്രവര്ത്തി
പുതിയ റാങ്കിംഗിലും ബൗളര്മാരില് ഒന്നാം സ്ഥാനം നിലനിര്ത്തിയ വരുണ് ചക്രവര്ത്തി ഒന്നാ സ്ഥാനത്ത് ഒരു ഇന്ത്യൻ ബൗളര്ക്ക് കിട്ടുന്ന ഏറ്റവും ഉയര്ന്ന റേറ്റിംഗ് പോയന്റ്(818) സ്വന്തമാക്കി. 2017ല് ബുമ്ര നേടിയിരുന്ന 783 റേറ്റിംഗ് പോയന്റിന്റെ റെക്കോര്ഡാണ് ചക്രവര്ത്തി മറികടന്നത്.
നേട്ടവുമായി അര്ഷ്ദീപും
ദക്ഷിണാഫ്രിക്കക്കെിരായ ടി20 പരമ്പരയില് മികവ് കാട്ടിയതോടെ ബൗളര്മാരുടെ റാങ്കിംഗില് നാലു സ്ഥാനം ഉയര്ന്ന ഇന്ത്യൻ പേസര് അര്ഷ്ദീപ് സിംഗ് പതിനാറാം സ്ഥാനത്തെത്തി.
വമ്പന് കുതിപ്പുമായി യാന്സന്
ബൗളിംഗ് റാങ്കിംഗില് 14 സ്ഥാനം മെച്ചപ്പെടുത്തി 25-ാം സ്ഥാനത്തെത്തിയ ദക്ഷിണാഫ്രിക്കയുടെ മാര്ക്കോ യാന്സനാണ് ഏറ്റവുമധികം നേട്ടം കൊയ്ത മറ്റൊരു ബൗളര്.
തിലകിനും തിളക്കം
ദക്ഷിണാഫ്രിക്കക്കെതിരായ രണ്ടാം ടി20യില് അര്ധസെഞ്ചുറിയുമായി തിളങ്ങിയ ഇന്ത്യൻ താരം തിലക് വര്മ രണ്ട് സ്ഥാനം ഉയര്ന്ന് ബാറ്റിംഗ് റാങ്കിംഗില് നാലാം സ്ഥാനത്തെത്തി.
അഭിഷേക് തലപ്പത്ത് തന്നെ
ദക്ഷിണാഫ്രിക്കക്കെതിരായ പരമ്പരയില് വലിയൊരു ഇന്നിംഗ്സ് കളിക്കാനായില്ലെങ്കിലും 909 റേറ്റിംഗ് പോയന്റുമായി അഭിഷേക് ശര്മ ഒന്നാം സ്ഥാനം നിലനിര്ത്തി.
ക്യാപ്റ്റന് തിരിച്ചടി
മോശം ഫോം തുടരുന്ന ഇന്ത്യൻ ക്യാപ്റ്റൻ സൂര്യകുമാര് യാദവ് ഒരു സ്ഥാനം താഴേക്കിറങ്ങി പത്താം സ്ഥാനത്താണ്. മോശം ബാറ്റിംഗ് തുടര്ന്നാല് മുന് ഒന്നാം റാങ്കുകാരനായ സൂര്യകുമാര് വൈകാതെ ടോപ് 10ല് നിന്ന് പുറത്താവും.
വൈസ് ക്യാപ്റ്റനും താഴേക്ക്
ഓപ്പണറെന്ന നിലയില് മോശം പ്രകടനം തുടരുന്ന ഇന്ത്യൻ വൈസ് ക്യാപ്റ്റൻ ശുഭ്മാന് ഗില് രണ്ട് സ്ഥാനം താഴേക്കിറങ്ങി 30-ാം സ്ഥാനത്തേക്ക് വീണു. ദക്ഷിണാഫ്രിക്കക്കെതിരായ ആദ്യ രണ്ട് മത്സരങ്ങളിലും ഗില് പൂജ്യത്തിന് പുറത്തായിരുന്നു.
ദക്ഷിണാഫ്രിക്കന് നായകനും തിരിച്ചടി
ഇന്ത്യക്കെതിരായ മൂന്നാം ടി20യില് മാത്രം തിളങ്ങിയ ദക്ഷിണാഫ്രിക്കന് നായകന് ഏയ്ഡന് മാര്ക്രം പുതിയ റാങ്കിംഗില് എട്ട് സ്ഥാനം താഴേക്കിറങ്ങി 29-ാം സ്ഥാനത്തെത്തി.
അവസരമില്ല, സഞ്ജുവിനും തിരിച്ചടി
പ്ലേയിംഗ് ഇലവനില് നിന്ന് തുടര്ച്ചയായി അവഗണിക്കപ്പെടുന്ന മലയാളി താരം സഞ്ജു സാംസണും റാങ്കിംഗില് തിരിച്ചടി നേരിട്ടു. പുതിയ റാങ്കിംഗില് മൂന്ന് സ്ഥാനം താഴേക്കിറങ്ങിയ സഞ്ജു 46-ാം സ്ഥാനത്താണ്.
ഏഷ്യാനെറ്റ് ന്യൂസ് മലയാളത്തിലൂടെ Cricket News അറിയൂ. നിങ്ങളുടെ പ്രിയ ക്രിക്കറ്റ്ടീ മുകളുടെ പ്രകടനങ്ങൾ, ആവേശകരമായ നിമിഷങ്ങൾ, മത്സരം കഴിഞ്ഞുള്ള വിശകലനങ്ങൾ — എല്ലാം ഇപ്പോൾ Asianet News Malayalam മലയാളത്തിൽ തന്നെ!
