നാലാം ടെസ്റ്റ് സമനിലയില് അവസാനിച്ചിരുന്നു. രണ്ടാം ഇന്നിംഗ്സ് ആരംഭിച്ച ഓസ്ട്രേലിയ അവസാന ദിനം രണ്ട് വിക്കറ്റ് നഷ്ടത്തില് 175 റണ്സെടുത്തിരിക്കെ മത്സരം അവസാനിപ്പിക്കുകയായിരുന്നു
അഹമ്മദാബാദ്: ഓസ്ട്രേലിയക്കെതിരെ നാലാം ടെസ്റ്റില് വിരാട് കോലിയുടെ (186) സെഞ്ചുറിയാണ് ഇന്ത്യയെ മികച്ച സ്കോറിലേക്ക് നയിച്ചത്. മൂന്ന് വര്ഷങ്ങള്ക്ക് ശേഷമാണ് കോലി ടെസ്റ്റില് സെഞ്ചുറി നേടുന്നത്. 2019 നവംബറില് ബംഗ്ലാദേശിനെതിരെ കൊല്ക്കത്തയിലായിരുന്നു ഇതിന് മുമ്പത്തേത്. ആദ്യ മൂന്ന് ടെസ്റ്റിലും കോലി നിരാശപ്പെടുത്തിയെങ്കിലും താരത്തിന് ഫോമിലേക്ക് തിരിച്ചെത്താനായാത് ഇന്ത്യക്കും പ്രതീക്ഷ നല്കുന്നു. ലോക ടെസ്റ്റ് ചാംപ്യന്ഷിപ്പ് ഫൈനലിനും കോലിയുടെ ഫോം നിര്ണായകമാണ്.
അഹമ്മദാബാദിലെ സെഞ്ചുറിയെ കുറിച്ച് കോലി മത്സരശേഷം സംസാരിച്ചു. അദ്ദേഹത്തിന്റെ വാക്കുകള്.. ''നാഗ്പൂര് ടെസ്റ്റിന്റെ ആദ്യ ഇന്നിംഗ്സ് മുതല് ഞാന് നന്നായി ബാറ്റ് ചെയ്യുന്നതായി എനിക്ക് തോന്നിയിരുന്നു. ഒരു ക്രിക്കറ്ററെന്ന നിലയില് ഞാന്, എനിക്കേറെ പ്രധാനപ്പെട്ടതാണ്. ബാറ്റിംഗില് ഞങ്ങള് ഏറെക്കാലം ശ്രദ്ധിച്ചിരുന്നു. ഞാന് പരമാവധി ശ്രമിച്ചുകൊണ്ടിരുന്നു. എന്നാല് എന്റെ കഴിവിനൊത്ത് ഉയരാന് സാധിച്ചില്ല. എനിക്ക് നിരാശ തോന്നിയിരുന്നു. ആഗ്രഹിക്കുന്ന രീതിയില് കളിക്കാന് സാധിക്കുമെന്ന് എനിക്ക് ആത്മവിശ്വാസമുണ്ടായിരുന്നു. നന്നായി പ്രതിരോധിക്കാന് എനിക്ക് സാധിച്ചു. പ്ലെയിംഗ് ഇലവനില് ഉള്പ്പെടുത്തിയതിനെ ന്യായീകരിക്കുന്ന പ്രകടനം എനിക്ക് പുറത്തെടുക്കേണ്ടതുണ്ട്. എന്റെ വ്യക്തിഗത സ്കോര് 60ലെത്തിയപ്പോള്, ഞാനും അക്സറും പോസിറ്റീവായി കളിക്കാനാണ് ശ്രമിച്ചത്. എന്നാല് ശ്രേയസിനെ പരിക്ക് കാരണം ടീമിന് നഷ്ടമായി. ഒരു ബാറ്റര് കുറവായിരുന്നു. അതുകൊണ്ടുതന്നെ സമയമെടുത്ത് കളിക്കേണ്ടിവന്നു. അവര് നന്നായി പന്തെറിഞ്ഞു. മികച്ച രീതിയില് ഫീല്ഡര്മാരെ വ്യന്യസിച്ചു. എങ്കിലും ലീഡെടുക്കാനായത് വലിയ കാര്യമാണ്.'' കോലി പറഞ്ഞു.
നാലാം ടെസ്റ്റ് സമനിലയില് അവസാനിച്ചിരുന്നു. രണ്ടാം ഇന്നിംഗ്സ് ആരംഭിച്ച ഓസ്ട്രേലിയ അവസാന ദിനം രണ്ട് വിക്കറ്റ് നഷ്ടത്തില് 175 റണ്സെടുത്തിരിക്കെ മത്സരം അവസാനിപ്പിക്കുകയായിരുന്നു. മര്നസ് ലബുഷെയ്ന് (63), സ്റ്റീവന് സ്മിത്ത് (10) എന്നിവര് പുറത്താവാതെ നിന്നു. ട്രാവിസ് ഹെഡ് (90), മാത്യു കുനെമന് (6) എന്നിവരുടെ വിക്കറ്റുകളാണ് ഓസീസിന് നഷ്ടമായത്. ആര് അശ്വിന്, അക്സര് പട്ടേല് എന്നിവര്ക്കാണ് വിക്കറ്റ്. സ്കോര്: ഓസ്ട്രേലിയ 480, 175 & ഇന്ത്യ 571. നേരത്തെ ഓസീസിന്റെ ഒന്നാം ഇന്നിംഗ്സ് സ്കോറായ 480നെതിരെ ഇന്ത്യ 571ന് പുറത്താവുകയായിരുന്നു. വിരാട് കോലി (186), ശുഭ്മാന് ഗില് (128) എന്നിവരാണ് ഓസീസിനെ മികച്ച സ്കോറിലേക്ക് നയിച്ചത്. സമനിലയോടെ പരമ്പര ഇന്ത്യ 2-1ന് സ്വന്തമാക്കി.
ഓസ്ട്രേലിയയെ സ്റ്റീവന് സ്മിത്ത് നയിക്കും! പാറ്റ് കമ്മിന്സ് ഏകദിന പരമ്പരയ്ക്കില്ല
