സഞ്ജുവിന് മൂന്നാം ഊഴം ഉണ്ടാകുമോ?; ഇന്ത്യ-വിന്‍ഡീസ് മൂന്നാം ഏകദിനം കാണാന്‍ ഈ വഴികള്‍
മലയാളി താരം സഞ്ജു സാംസണ്‍(Sanju Samson) തുടര്‍ച്ചയായി മൂന്നാം മത്സരത്തിലും ഇന്ത്യന്‍ കുപ്പായം അണിയുമോ എന്നാണ് ആരാധകരുടെ ആകാംക്ഷ. കരിയറില്‍ ഒരിക്കലും സഞ്ജുവിന് ടി20യിലായാലും ഏകദിനലിലായാലും രണ്ട് മത്സരത്തില്‍ കൂടുതല്‍ തുടര്‍ച്ചയായി അവസരം ലഭിച്ചിട്ടില്ല.
പോര്‍ട്ട് ഓഫ് സ്‌പെയിന്‍: വെസ്റ്റ് ഇന്‍ഡീസിനെതിരായ ഏകദിന പരമ്പര തൂത്തുവാരാന്‍ ടീം ഇന്ത്യ(Team India) നാളെ ഇറങ്ങുകയാണ്. മൂന്ന് ഏകദിനങ്ങളുടെ പരമ്പരയിലെ (West Indies vs India 2nd ODI) ആദ്യ രണ്ട് മത്സരങ്ങളിലെ ത്രില്ലര്‍ ജയങ്ങളുമായി ഇന്ത്യ പരമ്പര നേടിക്കഴിഞ്ഞു. മൂന്നാം ഏകദിനം കൂടി ജയിച്ച് ആദ്യമായി വിന്‍ഡീസില്‍ ഏകദിന പരമ്പര തൂത്തുവാരനാണ് ഇന്ത്യ ഇറങ്ങുന്നത്.
1983ലെ ആദ്യ ദ്വിരാഷ്ട്ര പരമ്പര കളിച്ചതു മുതല്‍ ഇന്ത്യക്ക് ഇതുവരെ വിന്‍ഡീസില്‍ ഏകദിന പരമ്പര തൂത്തുവാരാനായിട്ടില്ല. പോര്‍ട്ട് ഓഫ് സ്പെയിനിലെ ക്വീന്‍സ് പാര്‍ക്ക് ഓവലില്‍ ഇന്ത്യന്‍സമയം രാത്രി ഏഴ് മണി(പ്രാദേശിക സമയം 9.30)ക്കാണ് മത്സരം ആരംഭിക്കുക.മലയാളി താരം സഞ്ജു സാംസണ്‍(Sanju Samson) തുടര്‍ച്ചയായി മൂന്നാം മത്സരത്തിലും ഇന്ത്യന്‍ കുപ്പായം അണിയുമോ എന്നാണ് ആരാധകരുടെ ആകാംക്ഷ. കരിയറില്‍ ഒരിക്കലും സഞ്ജുവിന് ടി20യിലായാലും ഏകദിനലിലായാലും രണ്ട് മത്സരത്തില്‍ കൂടുതല്‍ തുടര്‍ച്ചയായി അവസരം ലഭിച്ചിട്ടില്ല.
ആദ്യ മത്സരത്തിലെ നിര്‍ണായക സേവും രണ്ടാം മത്സരത്തിലെ അര്‍ധസെഞ്ചുറിയും സഞ്ജുവിന് വീണ്ടും അവസരം ഒരുക്കുമെന്നാണ് ആരാധകരുടെ പ്രതീക്ഷ. പരമ്പര നേടിക്കഴിഞ്ഞെങ്കിലും സഞ്ജുവിന്‍റെയും ഇന്ത്യയുടെ മത്സരം കാണാനുള്ള വഴികളെ കുറിച്ചാണ് ഇനി പറയുന്നത്. ഇന്ത്യന്‍ ക്രിക്കറ്റ് ആരാധകരുടെ സ്റ്റാര്‍ സ്പോര്ട്സ്, സോണി സ്പോര്ട്സ് എന്നീ പതിവുകളില്‍ നിന്ന് മാറിയാണ് വിന്‍ഡീസിലെ മത്സരങ്ങളുടെ ഇന്ത്യയിലെ തത്സമയ സംപ്രേഷണം.
ആദ്യ രണ്ട് മത്സരങ്ങളിലേതു പോലെ ഇന്ത്യ-വിന്‍ഡീസ് മൂന്നാം ഏകദിനവും ഇന്ത്യയില്‍ ഡിഡി സ്‌പോര്‍ട്‌സാണ്(DD Sports) തല്‍സമയം സംപ്രേഷണം ചെയ്യുന്നത്. ഫാന്‍ കോഡ്(FAN Code) ആപ്ലിക്കേഷന്‍ വഴി ലൈവ് സ്‌ട്രീമിംഗുമുണ്ട്. വെസ്റ്റ് ഇന്‍ഡീസില്‍ SportsMax ചാനലിലാണ് മത്സരത്തിന്‍റെ തത്സമയ സംപ്രേഷണമുണ്ടാകുക. പ്രാദേശിക സമയം 9.30നും ഇന്ത്യന്‍ സമയം വൈകിട്ട് ഏഴ് മണിക്കുമാണ് വിന്‍ഡീസിലെ ഏകദിന മത്സരങ്ങള്‍ തുടങ്ങുന്നത്.
വിന്‍ഡീസിനെതിരായ ടി20 പരമ്പരയ്ക്കായി ഇന്ത്യന്‍ ടീം ട്രിനിഡാഡില്‍; വീഡിയോ പങ്കുവച്ച് ബിസിസിഐ
ഇന്ത്യയുടെ സാധ്യതാ ഇലവന്‍: ശിഖര്‍ ധവാന്‍(ക്യാപ്റ്റന്‍), ശുഭ്‌മാന്‍ ഗില്‍, ശ്രേയസ് അയ്യര്‍, സൂര്യകുമാര്‍ യാദവ്/ഇഷാന്‍ കിഷന്‍, സഞ്ജു സാംസണ്‍(വിക്കറ്റ് കീപ്പര്‍), ദീപക് ഹൂഡ, അക്‌സര്‍ പട്ടേല്‍, ഷര്‍ദുല്‍ ഠാക്കൂര്‍, മുഹമ്മദ് സിറാജ്, യുസ്‌വേന്ദ്ര ചാഹല്‍, പ്രസിദ്ധ് കൃഷ്‌ണ/അര്‍ഷ്‌ദീപ് സിംഗ്.
