ഇന്ത്യ- അഫ്ഗാന്‍ മാച്ച്: സതാംപ്ടണില്‍ നിന്ന് സന്തോഷ വാര്‍ത്ത

സതാംപ്ടണില്‍ നിന്ന് ക്രിക്കറ്റ് ആരാധകര്‍ക്ക് സന്തോഷ വാര്‍ത്ത. ഇന്ന് നടക്കുന്ന ഇന്ത്യ- അഫ്ഗാനിസ്ഥാന്‍ മത്സരത്തില്‍ മഴ മാറി നില്‍ക്കുമെന്നാണ് കാലാവസ്ഥ കേന്ദ്രം നല്‍കുന്ന റിപ്പോര്‍ട്ട്.

happy new for cricket fan from southampton

Web Team

London, First Published Jun 22, 2019, 1:57 PM IST

ലണ്ടന്‍: സതാംപ്ടണില്‍ നിന്ന് ക്രിക്കറ്റ് ആരാധകര്‍ക്ക് സന്തോഷ വാര്‍ത്ത. ഇന്ന് നടക്കുന്ന ഇന്ത്യ- അഫ്ഗാനിസ്ഥാന്‍ മത്സരത്തില്‍ മഴ മാറി നില്‍ക്കുമെന്നാണ് കാലാവസ്ഥ കേന്ദ്രം നല്‍കുന്ന റിപ്പോര്‍ട്ട്. നേരത്തെ നോട്ടിംഗ്ഹാമില്‍ നടക്കേണ്ടിയിരുന്ന ഇന്ത്യ- ന്യൂസിലന്‍ഡ് മത്സരം മഴ മുടക്കിയിരുന്നു. പിന്നാലെ ഇന്ത്യ- പാക്കിസ്ഥാന്‍ മത്സരത്തിലും ഇടയ്ക്കിടെ മഴയെത്തിയിരുന്നു. ഇതോടെ ക്രിക്കറ്റ് ആരാധകര്‍ ഉറ്റുനോക്കിയത് ഇന്ത്യ- അഫ്ഗാന്‍ മത്സരം നടക്കുന്ന സതാംപ്ടണിലേക്കായിരുന്നു.

സതാംപ്ടണില്‍ ഇന്ന് തെളിഞ്ഞ കാലാവസ്ഥയായിരിക്കുമെന്നാണ് പ്രവചനം. മഴ കാരണം മത്സരം മുടങ്ങാന്‍ ഒരു സാധ്യതയുമില്ല. മത്സരത്തിന് ശേഷം, രാത്രി മാത്രമാണ് മഴയ്ക്ക് സാധ്യത. സതാംപ്ടണില്‍ ഇന്ന് 20 ഡിഗ്രിയായിരിക്കും കൂടിയ താപനില.

Last Updated Jun 22, 2019, 1:59 PM IST