Asianet News MalayalamAsianet News Malayalam

വീണ്ടും ദുരഭിമാനക്കൊല: കര്‍ണാടകയില്‍ ദളിത് യുവാവിനെ പ്രണയിച്ച മകളെ കൊലപ്പെടുത്തി അച്ഛനും ബന്ധുക്കളും

18കാരിയായ പെണ്‍കുട്ടിക്ക് 20കാരനായ ദളിത് യുവാവുമായി പ്രണയബന്ധമുണ്ടായിരുന്നു...
 

Father and 2 cousins kill 18 year old girl for having affair with Dalit man in Karnataka
Author
Bengaluru, First Published Oct 18, 2020, 11:55 AM IST
  • Facebook
  • Twitter
  • Whatsapp


ബെംഗളുരു: രാജ്യത്ത് മറ്റൊരു ദുരഭിമാനക്കൊല കൂടി..! ദളിത് യുവാവിനെ പ്രണയിച്ചതിന് പെണ്‍കുട്ടിയെ കൊലപ്പെടുത്തി അച്ഛനും ബന്ധുക്കളും. കഴിഞ്ഞ ദിവസം കര്‍ണാടകയിലെ മഗഡിയില്‍ നിന്ന് പെണ്‍കുട്ടിയുടെ മൃതദേഹം കണ്ടെത്തിയതോടെയാണ് ദുരഭിമാനക്കൊലയുടെ വിശദാംശങ്ങള്‍ പുറംലോകമറിഞ്ഞത്. 

18കാരിയായ പെണ്‍കുട്ടിക്ക് 20കാരനായ ദളിത് യുവാവുമായി പ്രണയബന്ധമുണ്ടായിരുന്നു. ഇതേ തുടര്‍ന്നാണ് പെണ്‍കുട്ടിയുടെ അച്ഛനും രണ്ട് ബന്ധുക്കളും ചേര്‍ന്ന് കുട്ടിയെ കൊലപ്പെടുത്തിയത്. പ്രതികളില്‍ ഒരാള്‍ക്ക് പ്രായപൂര്‍ത്തിയായിട്ടില്ല. കൊലപാതകം മറയ്ക്കാനായി പെണ്‍കുട്ടിയുടെ കുടുംബം അവളെ കാണാനില്ലെന്ന് കാണിച്ച് പൊലീസില്‍ പരാതി നല്‍കിയിരുന്നു. 

ബികോം വിദ്യാര്‍ത്ഥിയാണ് കൊല്ലപ്പെട്ട പെണ്‍കുട്ടി. പെണ്‍കുട്ടിയുടെ പിതാവ് അവളുടെ സുഹൃത്താണ് കൊലപാതകത്തിന് പിന്നിലെന്ന് ആരോപിച്ചിരുന്നു. എന്നാല്‍ ഇയാള്‍ നിരപരാദിയാണെന്ന് കണ്ടെത്തിയ പൊലീസ് പിതാവിനെ ചോദ്യം ചെയ്തപ്പോഴാണ് ദുരഭിമാനക്കൊലയാണെന്ന സത്യം പുറത്തുവന്നത്. 

Follow Us:
Download App:
  • android
  • ios