ഗോൾഡൻ റിട്രീവറിനെ തട്ടിക്കൊണ്ടുപോയി; പൊലീസിന്റെ സഹായം തേടി ഉടമ
സ്ത്രീ പട്ടിയെ മോഷ്‌ടിക്കുന്നതിന്റെ വീഡിയോ ദൃശ്യങ്ങൾ വീടിന് പുറത്ത് സ്ഥാപിച്ചിരുന്ന സിസിടിവിയിൽ പതിഞ്ഞു
ചെന്നൈ: തന്റെ വളർത്തുനായയെ തട്ടിക്കൊണ്ടുപോയ സ്ത്രീയെ കണ്ടെത്താൻ സഹായിക്കണം എന്നാവശ്യപ്പെട്ട് യുവാവ് പൊലീസിനെ സമീപിച്ചു. പോണ്ടി ബസാർ പ്രദേശത്തെ വീട്ടിൽ നിന്നാണ്, ഗോൾഡൻ റിട്രീവർ ഇനത്തിൽ പെട്ട ഇവിടുത്തെ വളർത്തുനായയെ ഒരു സ്ത്രീ തട്ടിക്കൊണ്ടുപോയത്.
ഭക്ഷണം കാട്ടി അരികത്തേക്ക് വിളിച്ചുവരുത്തിയ ശേഷം പട്ടിയെ കൈയ്യിലെടുത്ത് കാറിൽ തട്ടിക്കൊണ്ടുപോവുകയായിരുന്നു. ജാക്കി എന്നാണ് നായയുടെ പേര്. കാണാതായ പട്ടിക്ക് വേണ്ടി പൊലീസ് അന്വേഷണം ആരംഭിച്ചു.
സ്ത്രീ പട്ടിയെ മോഷ്‌ടിക്കുന്നതിന്റെ വീഡിയോ ദൃശ്യങ്ങൾ വീടിന് പുറത്ത് സ്ഥാപിച്ചിരുന്ന സിസിടിവിയിൽ പതിഞ്ഞിരുന്നു. ഇതാണ് കേസിലെ നിർണ്ണായക തുമ്പ്. തന്റെ പട്ടിയെ കണ്ടെത്താൻ സഹായിക്കണം എന്നാവശ്യപ്പെട്ട് ഉടമയും സോഫ്റ്റുവെയർ രംഗത്ത് പ്രവർത്തിക്കുന്നയാളുമായ ശരത് സമൂഹമാധ്യമങ്ങളിൽ സിസിടിവി ദൃശ്യങ്ങൾ പോസ്റ്റുചെയ്‌തു.
