സഹോദരന്റെ മുന് കാമുകിയെ യുവാവ് കൊലപ്പെടുത്തി; മൃതദേഹം ചുട്ടെരിച്ചു
ബിലാസ്പുരില് ഒരു സ്വകാര്യ സ്ഥാപനത്തില് ഒരുമിച്ച് ജോലി ചെയ്യുമ്പോഴാണ് സമീറും സുനിതയും അടുപ്പത്തിലാകുന്നത്. എന്നാല്, ഏറെ വൈകാതെ ബിലാസ്പുരിലെ ജോലി മതിയാക്കി സമീര് തിരികെ നാട്ടിലെത്തി. മറ്റൊരാളെ സമീര് വിവാഹം ചെയ്തെങ്കിലും സുനിത വീണ്ടും സമീറിനെ ബന്ധപ്പെടാന് ശ്രമിച്ച് കൊണ്ടിരുന്നു
റായ്പൂര്: സഹോദരന്റെ മുന് കാമുകിയെ യുവാവ് ക്രൂരമായി കൊലപ്പെടുത്തി. ഛത്തീസ്ഗഡിലെ ചാമ്പ ജില്ലയിലാണ് സംഭവം. സുനിത ഖുഷ്വാ എന്ന യുവതിയാണ് കൊല്ലപ്പെട്ടത്. ധിപാര സ്വദേശിയായ അന്വര് ഖാനാണ് സുനിതയെ കല്ല് കൊണ്ട് തലയ്ക്കടിച്ച് കെലപാതകം നടത്തിയത്. സംഭവത്തെ കുറിച്ച് നവ്ഗര്ഹ് പൊലീസ് പറയുന്നതിങ്ങനെ: ഞായറാഴ്ച രാത്രിയാണ് അന്വറിന്റെ സഹോദരനായ സമീറിനെ കാണാന് സുനിത എത്തിയത്.
ബിലാസ്പുരില് ഒരു സ്വകാര്യ സ്ഥാപനത്തില് ഒരുമിച്ച് ജോലി ചെയ്യുമ്പോഴാണ് സമീറും സുനിതയും അടുപ്പത്തിലാകുന്നത്. എന്നാല്, ഏറെ വൈകാതെ ബിലാസ്പുരിലെ ജോലി മതിയാക്കി സമീര് തിരികെ നാട്ടിലെത്തി. മറ്റൊരാളെ സമീര് വിവാഹം ചെയ്തെങ്കിലും സുനിത വീണ്ടും സമീറിനെ ബന്ധപ്പെടാന് ശ്രമിച്ച് കൊണ്ടിരുന്നു.
സമീര് തന്നെ വിവാഹം ചെയ്യണമെന്നായിരുന്നു സുനിതയുടെ ആവശ്യം. അങ്ങനെയാണ് ഞായറാഴ്ച സുനിത സമീറിന്റെ വീട്ടിലെത്തുന്നത്. എന്നാല്, അന്വറുമായി സുനിത വാക്കുത്തര്ക്കത്തിലായി. ഇതിനൊടുവില് അന്വര് കല്ല് കൊണ്ട് സുനിതയുടെ തലയ്ക്കടിക്കുകയായിരുന്നു. കൊലയ്ക്ക് ശേഷം മൃതദേഹം കത്തിക്കുകയും ചെയ്തു. തുടര്ന്ന് നവ്ഗര്ഹ് സ്റ്റേഷനില് വന്ന് അനവര് കീഴടങ്ങിയെന്നും പൊലീസ് പറഞ്ഞു.