സ്വഭാവത്തിലെ മാറ്റം ശ്രദ്ധയില്പ്പെട്ടതോടെ കൗണ്സിലിംഗിന് വിധേയമാക്കിയപ്പോഴാണ് പീഡനവിവരം പുറത്തുവന്നത്.
കണ്ണൂര്: കൂത്തുപറമ്പില് പ്രായപൂര്ത്തിയാകാത്ത പെണ്കുട്ടിയെ പീഡിപ്പിച്ച കേസില് വ്യാജ സിദ്ധന് അറസ്റ്റില്. കൂത്തുപറമ്പ് എലിപ്പറ്റച്ചിറ ജയേഷിനെയാണ് തളിപ്പറമ്പ പൊലീസാണ് അറസ്റ്റ് ചെയ്തത്. പെണ്കുട്ടിയുടെ ബന്ധുക്കള് നല്കിയ പരാതിയുടെ അടിസ്ഥാനത്തിലാണ് അറസ്റ്റ്. പെണ്കുട്ടിയുടെ സ്വഭാവത്തിലെ മാറ്റം ശ്രദ്ധയില്പ്പെട്ടതോടെ കൗണ്സിലിംഗിന് വിധേയമാക്കിയപ്പോഴാണ് പീഡനവിവരം പുറത്തുവന്നത്.
അതേസമയം, ആലുവയില് അതിഥി തൊഴിലാളിയുടെ മകളായ എട്ടു വയസുകാരിയെ തട്ടിക്കൊണ്ടുപോയി പീഡിപ്പിച്ച കേസിലെ മലയാളിയായ പ്രതിയെ കുറിച്ചുള്ള കൂടുതല് വിവരങ്ങളും നിര്ണായക തെളിവാകുന്ന ദൃശ്യങ്ങളും പുറത്തു വന്നു. പൊലീസ് ഫോട്ടോ കാണിച്ചപ്പോള് ആശുപത്രിയില് ചികിത്സയിലുള്ള പെണ്കുട്ടി ആളെ തിരിച്ചറിഞ്ഞതായി പൊലീസ് അറിയിച്ചു. ചുവന്ന ഷര്ട്ട് ധരിച്ച പ്രതി, കൃത്യം നടത്തിയ ശേഷം ആലുവ തോട്ടുമുഖം ഭാഗത്ത് പുലര്ച്ചെയുണ്ടായിരുന്നുവെന്നാണ് പൊലീസ് കണ്ടെത്തല്. പ്രതിയെ കണ്ടെത്താന് വന് പൊലീസ് സംഘത്തിന്റെ നേതൃത്വത്തില് പ്രദേശത്ത് വ്യാപക തെരച്ചില് തുടരുകയാണ്.
ഇന്ന് പുലര്ച്ചെ രണ്ടു മണിയോടെയാണ് അതിഥി തൊഴിലാളികളായ രക്ഷിതാക്കള്ക്കൊപ്പം ഉറങ്ങിക്കിടന്ന മൂന്നാം ക്ലാസുകാരിയെ മലയാളിയായ പ്രതി തട്ടിക്കൊണ്ടുപോയി പീഡിപ്പിച്ചത്. ശബ്ദം കേട്ട നാട്ടുകാര് നടത്തിയ തിരച്ചിലിനൊടുവില് 2.30 തോടെയാണ് രക്തത്തില് കുളിച്ച നിലയില് കുട്ടിയെ കണ്ടെത്തിയത്. പ്രതി അപ്പോഴേക്കും കടന്നുകളഞ്ഞിരുന്നു. കുട്ടിയെ നാട്ടുകാര് ചേര്ന്ന് ഉടന് ആശുപത്രിയിലെത്തിച്ചു. സ്വകാര്യഭാഗത്ത് ഗുരുതരമായി പരിക്കേറ്റ കുട്ടിയുടെ ശസ്ത്രക്രിയക്ക് മെഡിക്കല് കോളേജ് ആശുപത്രിയില് തുടരുന്ന സാഹചര്യത്തില് ഒരു സംഘം പൊലീസ് ആശുപത്രി പരിസരത്തുമുണ്ട്.
പെണ്കുട്ടിയെ പ്രതി തട്ടിക്കൊണ്ടുപോകുന്നതിന് സമീപവാസിയായ സുകുമാരന് ദൃക്സാക്ഷിയായിരുന്നു. രാത്രി രണ്ടുമണിയോടെ വീടിന്റെ ജനലിലൂടെ നോക്കിയപ്പോഴാണ് ഒരാള് പെണ്കുട്ടിയെ കൊണ്ടുപോകുന്നത് കണ്ടതെന്നാണ് സുകുമാരന് വിശദീകരിച്ചത്. കനത്ത മഴയുള്ള സമയമായിരുന്നു. കുട്ടി കരയുന്നുമുണ്ടായിരുന്നു. തുടര്ന്ന് നാട്ടുകാരെ വിവരം അറിയിച്ച് പരിസരത്തെ വീടുകളും പ്രദേശവും പരിശോധിച്ചു. അന്വേഷണം തുടരുന്നതിനിടെ നഗ്നമായ നിലയില് പെണ്കുട്ടി റോഡിലൂടെ ഓടി വരുന്നതാണ് കണ്ടതെന്നും സുകുമാരന് പറഞ്ഞിരുന്നു.
പുതുപ്പള്ളി ഉപതെരഞ്ഞെടുപ്പ്: സാക്ഷാല് ഉമ്മന് ചാണ്ടിയുടെ റെക്കോര്ഡ് തകര്ക്കുമോ ചാണ്ടി ഉമ്മന്?
