Asianet News MalayalamAsianet News Malayalam

കോട്ടയത്തെ നാല് മാസം പ്രായമുള്ള കുഞ്ഞിന്റെ മരണത്തിൽ അസ്വാഭാവികത, രക്ഷിതാക്കളെ ചോദ്യംചെയ്യും

അസ്വാഭാവികതയെന്ന് പൊലീസ്. ശ്വാസംമുട്ടിയാണ് മരണം എന്നു വ്യക്തമായതായി പൊലീസ് വ്യക്തമാക്കി. 

police to interrogate parents in 4 months old boy death case kottayam
Author
Kottayam, First Published Sep 26, 2021, 6:58 PM IST
  • Facebook
  • Twitter
  • Whatsapp

കോട്ടയം: കാഞ്ഞിരപ്പള്ളിയിൽ നാല്  മാസം പ്രായമുള്ള കുഞ്ഞിനെ വീട്ടില്‍ മരിച്ച നിലയില്‍ കണ്ടെത്തിയ സംഭവത്തിൽ അസ്വാഭാവികതയെന്ന് പൊലീസ്. ശ്വാസംമുട്ടിയാണ് മരണം എന്നു വ്യക്തമായതായി പൊലീസ് അറിയിച്ചു. പോസ്റ്റ് മോർട്ടം പൂർത്തിയായെങ്കിലും റിപ്പോർട്ട് കിട്ടിയിട്ടില്ല. കുട്ടിയുടെ രക്ഷിതാക്കളെ നാളെ ചോദ്യം ചെയ്യുമെന്നും പൊലീസ് വ്യക്തമാക്കി.

നാല് മാസം മാത്രം പ്രായമുള്ള ആണ്‍കുഞ്ഞ് വീട്ടിൽ മരിച്ച നിലയിൽ, ദുരൂഹത

കൂവപ്പള്ളി കളപ്പുരയ്ക്കല്‍ റിജോ കെ ബാബു - സൂസന്‍ ദമ്പതികളുടെ മകന്‍ ഐഹാനെയാണ്  കഴിഞ്ഞ ദിവസം   വീട്ടിൽ  ചലനമറ്റ നിലയിൽ കണ്ടെത്തിയത്. കുട്ടിയുടെ വായിൽ നിന്ന് നുരയും പതയും പുറത്തു വന്നിരുന്നു. ഈ സമയത്ത് കുട്ടിയും അമ്മയും മാത്രമാണ് വീട്ടിലുണ്ടായിരുന്നത്.  അമ്മ സൂസനാണ് ഓട്ടോ ഡ്രൈവറായ അച്ഛൻ റിജോയെ ഫോണില്‍ വിളിച്ച് കുട്ടിക്ക് അനക്കമില്ലന്നറിയിച്ചത്. സ്വകാര്യ ആശുപതിയില്‍ എത്തിച്ചെങ്കിലും  കുട്ടി മരിച്ചതായി ഡോക്ടർമാർ  സ്ഥിരീകരിച്ചു. കുട്ടിയുടെ അമ്മ മാനസിക അസ്വാസ്ഥ്യതിന് ചികിത്സ തേടുന്ന ആളാണെന്ന് ബന്ധുക്കൾ പൊലീസിനെ അറിയിച്ചു. 

സ്പിന്നിങ് മില്ലിലെ പരുത്തി അവശിഷ്ടങ്ങള്‍ക്ക് തീപിടിച്ചു; കോഴിക്കോട് കോട്ടണ്‍മില്ലില്‍ വൻ തീപിടിത്തം

 

Follow Us:
Download App:
  • android
  • ios