റംസിയുടെ മരണം: സീരിയല് നടിയുടെ മുന്‍കൂര്‍ ജാമ്യാപേക്ഷ നാളെ പരിഗണിക്കും
കേസില്‍ നേരത്തെ അറസ്റ്റിലായ റംസിയുടെ പ്രതിശ്രുത വരന്‍ ഹാരിസിന്റെ ബന്ധുക്കളും മുന്‍കൂര്‍ ജാമ്യം തേടി കോടതിയെ സമീപിച്ചിട്ടുണ്ട്.
കൊല്ലം: പ്രതിശ്രുത വരന്‍ വിവാഹത്തില്‍ നിന്ന് പിന്‍മാറിയതിനെ തുടര്‍ന്ന് യുവതി ആത്മഹത്യ ചെയ്ത സംഭവത്തില്‍ ആരോപണ വിധേയയായ സീരിയല് നടി ലക്ഷ്മി പ്രമോദ് നല്‍കിയ മുന്‍കൂര്‍ ജാമ്യാപേക്ഷയില്‍ കോടതി വെള്ളിയാഴ്ച വിധി പറയും. കൊല്ലം ജില്ലാ സെഷന്‍സ് കോടതിയാണ് കേസ് പരിഗണിക്കുന്നത്. ആത്മഹത്യ ചെയ്ത റംസിയെ ഗര്‍ഭഛിദ്രം നടത്താന്‍ സീരിയല് താരം ലക്ഷ്മി പ്രമോദ് പ്രേരിപ്പിച്ചെന്നാണ് പ്രോസിക്യൂഷന്‍ വാദം.
കേസില്‍ നേരത്തെ അറസ്റ്റിലായ റംസിയുടെ പ്രതിശ്രുത വരന്‍ ഹാരിസിന്റെ ബന്ധുക്കളും മുന്‍കൂര്‍ ജാമ്യം തേടി കോടതിയെ സമീപിച്ചിട്ടുണ്ട്. ഈ ജാമ്യാപേക്ഷയിലും നാളെ വിധിയുണ്ടാകും.
Last Updated Oct 8, 2020, 8:24 PM IST
