Asianet News MalayalamAsianet News Malayalam

'ശബരിമല ചര്‍ച്ചയാകും'; കഴക്കൂട്ടത്ത് ശോഭ വന്നാലും യുഡിഎഫ് സാധ്യത മങ്ങില്ലെന്ന് ലാല്‍

ബിജെപി സ്ഥാനാർഥി ആയി ശോഭ സുരേന്ദ്രൻ ഉൾപ്പെടെ ആരു വന്നാലും തന്‍റെ വിജയ സാധ്യതയെ ബാധിക്കില്ല. ബിജെപി കഴിഞ്ഞ തവണ പിടിച്ച വോട്ട് പോലും ഇത്തവണ പിടിക്കില്ലെന്നും എസ് എസ് ലാല്‍.

S S Lal says he will win in Kazhakkoottam
Author
Trivandrum, First Published Mar 17, 2021, 11:02 AM IST

തിരുവനന്തപുരം: കഴക്കൂട്ടം മണ്ഡലത്തിൽ ശബരിമല ചർച്ചയാകുമെന്ന് യുഡിഎഫ് സ്ഥാനാർഥി ഡോ.എസ് എസ് ലാൽ. കഴക്കൂട്ടത്ത് ബിജെപി സ്ഥാനാര്‍ത്ഥിയായി ശോഭ സുരേന്ദ്രന്‍ വന്നാലും യുഡിഎഫിന്‍റെ വിജയസാധ്യത മങ്ങില്ലെന്നും അദ്ദേഹം പറഞ്ഞു. 

ബിജെപി സ്ഥാനാർഥി ആയി ശോഭ സുരേന്ദ്രൻ ഉൾപ്പെടെ ആരു വന്നാലും തന്‍റെ വിജയ സാധ്യതയെ ബാധിക്കില്ല. ബിജെപി കഴിഞ്ഞ തവണ പിടിച്ച വോട്ട് പോലും ഇത്തവണ പിടിക്കില്ല. ഇപ്പോഴും സ്ഥാനാർത്ഥിയെ കുറിച്ച് തീരുമാനം പോലും എടുക്കാൻ ആകാത്ത പാർട്ടിയെ കുറിച്ച് ആലോചിച്ച് ആശങ്കപെടേണ്ട കാര്യമില്ലെന്നും എസ് എസ് ലാൽ ഏഷ്യാനെറ്റ് ന്യൂസിനോട് പറഞ്ഞു. 

2016ൽ ഏറ്റവും വാശിയേറിയ ത്രികോണ പോര് കണ്ട മണ്ഡലങ്ങളിലൊന്നാണ് കഴക്കൂട്ടം. കടകംപള്ളി സുരേന്ദ്രനും വി മുരളീധരനും എം എ വാഹിദും ഏറ്റുമുട്ടിയപ്പോൾ 7347 വോട്ടിന്‍റെ ഭൂരിപക്ഷത്തിൽ കടകംപള്ളി വിജയിച്ചു. എൽഡിഎഫ് സ്ഥാനാർത്ഥിയായി ഇക്കുറിയും കടകംപളളി സുരേന്ദ്രനാണ് ഉള്ളത്. 

Follow Us:
Download App:
  • android
  • ios