Asianet News MalayalamAsianet News Malayalam

ദുബൈയിലെ ജിമ്മിൽ മോഹൻലാലിന്റെ കിടിലൻ വർക്കൗട്ട്; വീഡിയോ

ഋഷഭ എന്ന തന്റെ പുതിയ ചിത്രത്തിന്റെ ഭാ​ഗമായി ദുബൈയിൽ എത്തിയതാണ് മോഹൻലാൽ.

actor mohanlal new workout video at dubai gym
Author
First Published Aug 26, 2022, 10:37 PM IST

രീരത്തിന്റെ ആരോഗ്യത്തില്‍ ഏറെ ശ്രദ്ധ കാട്ടുന്നവരാണ് സിനിമാ താരങ്ങൾ. പ്രത്യേകിച്ച് ബോളിവുഡ് താരങ്ങൾ. എന്നാൽ ശരീര സംരക്ഷണത്തിന്റെ കാര്യത്തിൽ തങ്ങൾ ഒട്ടും പിന്നിലല്ലെന്ന് മലയാള സിനിമാ അഭിനേതാക്കളും ഇതിനോടകം തെളിയിച്ചു കഴിഞ്ഞതാണ്. മമ്മൂട്ടി, പൃഥ്വിരാജ്, മോഹൻലാല്‍, ഉണ്ണി മുകുന്ദൻ തുടങ്ങി നിരവധി പേർ ഉദാഹരമാണ്. ഇപ്പോഴിതാ മോഹൻലാലിന്റെ ഒരു വർക്കൗട്ട് വീഡിയോയാണ് സമൂഹമാധ്യമങ്ങളിൽ ശ്രദ്ധനേടുന്നത്. 

ദുബൈയിലെ ജിമ്മിൽ നിന്നുള്ള മോഹൻലാലിന്റെ വീഡിയോയാണ് പുറത്തുവന്നിരിക്കുന്നത്. നടനൊപ്പം ട്രെയിനറെയും വീഡിയോയിൽ കാണാം. മോഹൻലാൽ ഫാൻസ് ക്ലബ് എന്ന പേജിലാണ് വീഡിയോ പ്രത്യക്ഷപ്പെട്ടിരിക്കുന്നത്. നിരവധി പേരാണ് ഈ വീഡിയോ ഷെയർ ചെയ്യുകയും കമന്റുകൾ രേഖപ്പെടുത്തുകയും ചെയ്തിരിക്കുന്നത്. 

ഋഷഭ എന്ന തന്റെ പുതിയ ചിത്രത്തിന്റെ ഭാ​ഗമായി ദുബൈയിൽ എത്തിയതാണ് മോഹൻലാൽ. ഹിന്ദി, മലയാളം, തമിഴ്, തെലുങ്ക് ഭാഷകളിലായാണ് ഈ വമ്പൻ പ്രോജക്ട് വരുന്നത്. ഗൾഫ് ന്യൂസിന് നൽകിയ അഭിമുഖത്തിൽ മോഹൻലാൽ തന്നെയാണ് ഇക്കാര്യം അറിയിച്ചത്. ആശീർവാദ് സിനിമാസിന്റെ പുതിയൊരു കമ്പനി ദുബൈയിൽ ആരംഭിച്ചുവെന്നും താരം അറിയിച്ചിട്ടുണ്ട്. 

അതേസമയം, ജീത്തു ജോസഫ് സംവിധാനം ചെയ്യുന്ന റാം എന്ന ചിത്രമാണ് മോഹന്‍ലാലിന്‍റേതായി അണിയറയില്‍ ഒരുങ്ങുന്നത്. ദൃശ്യം, ട്വല്‍ത്ത് മാന്‍ തുടങ്ങിയ ചിത്രങ്ങള്‍ക്ക് ശേഷം ജീത്തുവും മോഹന്‍ലാലും ഒന്നിക്കുന്ന ചിത്രത്തില്‍ നായികയായി എത്തുന്നത് തൃഷയാണ്. മൂന്ന് വര്‍ഷത്തിന് ശേഷമാണ് ചിത്രത്തിന്‍റെ ഷൂട്ടിംഗ് പുനഃരാരംഭിച്ചത്. 

മോഹൻലാലിന്റെ മറ്റൊരു വമ്പൻ പ്രോജക്ട്; നാല് ഭാഷകളിലായി സിനിമ വരുന്നെന്ന് താരം

മോഹന്‍ലാല്‍ ആദ്യമായി സംവിധാനം ചെയ്യുന്ന 'ബറോസ്' അടുത്തിടെ ചിത്രീകരണം പൂര്‍ത്തിയാക്കിയിരുന്നു. ആശിർവാദ് സിനിമാസാണ് 'ബറോസ്' നിർമ്മിക്കുന്നത്. ഇന്ത്യയിലെ ആദ്യ ത്രീഡി ചിത്രമായിരുന്ന 'മൈ ഡിയര്‍ കുട്ടിച്ചാത്തന്‍' സംവിധാനം ചെയ്‍ത ജിജോയുടെ കഥയെ ആസ്‍പദമാക്കിയാണ് മോഹന്‍ലാല്‍ സിനിമയൊരുക്കുന്നത്.

Follow Us:
Download App:
  • android
  • ios