നൈലയ്ക്ക് പുറമെ അവതാരകനും നടനുമായ മിഥുൻ രമേശിനും ഗോൾഡൻ വീസ ലഭിച്ചിട്ടുണ്ട്.
അവതാരികയായി എത്തി മലയാള സിനിമയിൽ തന്റേതായൊരിടം സ്വന്തമാക്കിയ താരമാണ് നൈല ഉഷ. പൊറിഞ്ചു മറിയം ജോസിലെ താരത്തിന്റെ അഭിനയത്തിന് മികച്ച പ്രതികരണമായിരുന്നു ലഭിച്ചത്. ഇപ്പോഴിതാ യുഎഇ ഗോൾഡൻ വിസ സ്വീകരിച്ചിരിക്കുകയാണ് നൈല. ഗോൾഡൻ വീസ ലഭിക്കുന്ന ആദ്യ മലയാള നടിയും നൈലയാണ്.
അദ്ഭുതകരമായ രാജ്യത്ത് നിന്നും ഗോള്ഡന് വിസ ലഭിച്ചതിലൂടെ താന് ആദരിക്കപ്പെട്ടതായി നൈല ഉഷ പ്രതികരിച്ചു.യുഎഇയില് സ്ഥിരതാമസമാക്കിയ നൈല, യുഎഇയിലെ ഏറ്റവും വലിയ മീഡിയയായ എ.ആര്.എൻ കമ്പനിക്ക് കീഴിലെ എഫ്എമ്മില് റേഡിയോ ജോക്കിയായി ജോലി ചെയ്യുകയാണ്.
നൈലയ്ക്ക് പുറമെ അവതാരകനും നടനുമായ മിഥുൻ രമേശിനും ഗോൾഡൻ വീസ ലഭിച്ചിട്ടുണ്ട്. പതിനേഴ് വര്ഷമായി യുഎഇയില് എആര്എന്നിന്റെ ഭാഗമാണ് താനെന്നും ഇങ്ങനെയൊരു അംഗീകാരം ലഭിച്ചതിൽ ഒരുപാട് സന്തോഷമുണ്ടെന്നും മിഥുൻ പറഞ്ഞു.
അതേസമയം, മലയാള സിനിമാ രംഗത്ത് നിന്നുള്ള വ്യക്തികള്ക്ക് ഗോള്ഡന് വിസ ലഭിക്കുന്നത് ഇതാദ്യമാണ്. മമ്മൂട്ടിക്കും മോഹന്ലാലിനുമാണ് ആദ്യമായി ഗോള്ഡന് വിസ ലഭിക്കുന്നത്. ടൊവിനോ തോമസും ഗോൾഡൻ വിസ സ്വീകരിച്ചിരുന്നു.
കൊവിഡ് മഹാമാരിയുടെ രണ്ടാംവരവിന്റെ ഈ കാലത്ത്, എല്ലാവരും മാസ്ക് ധരിച്ചും സാനിറ്റൈസ് ചെയ്തും സാമൂഹ്യ അകലം പാലിച്ചും വാക്സിൻ എടുത്തും പ്രതിരോധത്തിന് തയ്യാറാവണമെന്ന് ഏഷ്യാനെറ്റ് ന്യൂസ് അഭ്യർത്ഥിക്കുന്നു. ഒന്നിച്ച് നിന്നാൽ നമുക്കീ മഹാമാരിയെ തോൽപ്പിക്കാനാവും. #BreakTheChain #ANCares #IndiaFightsCorona
