ബോളിവുഡ് ഹിറ്റ് ചിത്രം സൈയാരയുടെ ഒടിടി റിലീസ് പ്രഖ്യാപിച്ചു. സെപ്റ്റംബർ 12 മുതൽ നെറ്റ്ഫ്ലിക്സിൽ ചിത്രം കാണാം. 569.75 കോടി ആഗോള ഗ്രോസ് നേടിയ ചിത്രം ഇന്ത്യയിൽ നിന്ന് മാത്രം 398.25 കോടി നേടിയിരുന്നു.
ബോളിവുഡില് നിന്ന് ഒട്ടനവധി പ്രണയ ചിത്രങ്ങള് എത്തിയിട്ടുണ്ട്. വൻ ഹിറ്റുകളായ സിനിമകളും അക്കൂട്ടത്തിലുണ്ട്. ആ കണ്ണിയുടെ ഇങ്ങേയറ്റത്തുള്ള ഒരു ചിത്രമാണ് സൈയാര. വൻ ഹിറ്റായി മാറിയ സൈയാരയുടെ ഒടിടി റിലീസും പ്രഖ്യാപിച്ചിരിക്കുകയാണ്.
നെറ്റ്ഫ്ലിക്സിലൂടെയാണ് സൈയാര ഒടിടിയില് എത്തുക. സെപ്തംബര് 12 മുതലാണ് ഈ ചിത്രത്തിന്റെ സ്ട്രീമിംഗ് തുടങ്ങുക. നവാഗതനായ അഹാന് പാണ്ഡേ, അനീത് പഡ്ഡ എന്നിവരെ കേന്ദ്ര കഥാപാത്രങ്ങളാക്കി മോഹിത് സൂരി സംവിധാനം ചെയ്ത ചിത്രമാണ് സൈയാര. മ്യൂസിക്കല് റൊമാന്റിക് ഡ്രാമ ഗണത്തില് പെട്ട ചിത്രം ജൂലൈ 18 നാണ് തിയറ്ററുകളില് എത്തിയത്.
ഇന്ത്യന് സിനിമയുടെ ചരിത്രത്തില് ഒരു പ്രണയചിത്രം നേടുന്ന ഏറ്റവും ഉയര്ന്ന കളക്ഷനാണ് സൈയാര നേടിയിരിക്കുന്നത്. പ്രമുഖ ട്രേഡ് അനലിസ്റ്റുകളായ സാക്നില്ക് പുറത്തുവിട്ട കണക്ക് പ്രകാരം 569.75 കോടിയാണ് ചിത്രത്തിന്റെ ആഗോള ഗ്രോസ്. ഇന്ത്യൻ ഗ്രോസ് കളക്ഷൻ ഇതുവരെ 398.25 കോടി രൂപയുമാണ്. വിദേശത്ത് നിന്ന് മാത്രമായി നേടിയിരിക്കുന്നത് 171.5 കോടി രൂപയുമാണ്. 40- 50 കോടി ബജറ്റ് ഉള്ള ചിത്രം ഇതിനകം തന്നെ നേടിയിരിക്കുന്നത് പത്തിരട്ടിയിലിധികം കളക്ഷനാണ്.
Related Articles
ഛാവ മാത്രമാണ് ഈ വര്ഷം പുറത്തിറങ്ങിയ ഇന്ത്യന് ചിത്രങ്ങളില് സൈയാരയ്ക്ക് മുകളിലുള്ളത്. ചിത്രം ഇന്ത്യയില് നിന്ന് മാത്രം 693 കോടി നേടിയിരുന്നു. സങ്കല്പ് സദാനയാണ് ചിത്രത്തിന്റെ കഥ, തിരക്കഥ ഒരുക്കിയിരിക്കുന്നത്. രോഹന് ശങ്കറിന്റേതാണ് സംഭാഷണം. വികാശ് ശിവരാമനാണ് ഛായാഗ്രഹണം. രോഹിത് മക്വാനയും ദേവേന്ദ്ര മുര്ഡേശ്വറും ചേര്ന്നാണ് എഡിറ്റിംഗ് നിര്വ്വഹിച്ചിരിക്കുന്നത്. ഗീത അഗ്രവാള് ശര്മ്മ, രാജേഷ് കുമാര്, വരുണ് ബഡോല, ഷാദ് രണ്ധാവ തുടങ്ങിയവരും അഭിനയിച്ചിരിക്കുന്നു.
