ദക്ഷിണ കൊറിയൻ സംഗീത വിസ്മയം ബിടിഎസ് തങ്ങളുടെ പുതിയ ആൽബമായ 'അരിരംഗ്' ട്രാക്ക്ലിസ്റ്റ് ഔദ്യോഗികമായി പുറത്തുവിട്ടു. സൈനിക സേവനത്തിന് ശേഷം ഏഴ് അംഗങ്ങളും ഒന്നിക്കുന്ന ഈ ആൽബം ഒരു പുതിയ യുഗത്തിന്റെ തുടക്കമാണെന്നാണ് സംഗീത ലോകം വിലയിരുത്തുന്നത്.
ലോകമെമ്പാടുമുള്ള ദശലക്ഷക്കണക്കിന് ആരാധകർ കാത്തിരുന്ന ആ നിമിഷം എത്തിക്കഴിഞ്ഞു. ദക്ഷിണേന്ത്യൻ കെ-പോപ്പ് ഇതിഹാസങ്ങളായ ബിടിഎസ് തങ്ങളുടെ സൈനിക സേവനത്തിന് ശേഷം പൂർണ്ണ രൂപത്തിൽ തിരിച്ചെത്തുന്നു. നെറ്റ്ഫ്ലിക്സിലൂടെ തത്സമയം സംപ്രേക്ഷണം ചെയ്യുന്ന 'ബിടിഎസ് ദി കംബാക്ക് ലൈവ് | അരിരംഗ്' എന്ന കോൺസേർട്ടിന്റെ ആവേശകരമായ ട്രെയിലർ ഇപ്പോൾ പുറത്തുവന്നിരിക്കുകയാണ്.
'അരിരംഗ്' ആൽബവും ലൈവ് സ്ട്രീമും
ഗ്രൂപ്പിന്റെ ലീഡറായ ആർ.എം, ജിൻ, സുഗ, ജെ-ഹോപ്പ്, ജിമിൻ, വി, ജുങ്കൂക്ക് എന്നീ ഏഴ് അംഗങ്ങളും വർഷങ്ങൾക്ക് ശേഷം ഒന്നിക്കുന്ന ആദ്യ ആൽബമാണ് 'അരിരംഗ്'. മാർച്ച് 20-ന് ആൽബം പുറത്തിറങ്ങും. ഇതിന് തൊട്ടുപിന്നാലെ മാർച്ച് 21-ന് നെറ്റ്ഫ്ലിക്സിലൂടെ ലൈവ് സ്ട്രീം കോൺസേർട്ട് നടക്കും. സിയോളിലെ ചരിത്രപ്രസിദ്ധമായ ഗ്വാങ്വാമുൻ എന്ന സ്ഥലത്തുനിന്നാണ് ഈ പരിപാടി ലോകമെമ്പാടുമുള്ള ആരാധകരിലേക്ക് എത്തുന്നത്.
ആവേശം നിറച്ച് ട്രെയിലർ
നെറ്റ്ഫ്ലിക്സ് പുറത്തുവിട്ട ട്രെയിലറിൽ ബിടിഎസ് ലീഡർ ആർ.എം പറയുന്ന 'Seven together, we can do anything' എന്ന വാക്കുകൾ ആരാധകരുടെ ഹൃദയം കീഴടക്കി കഴിഞ്ഞു. 'ഞങ്ങൾ ആരാധകർക്ക് നൽകിയ വാക്ക് പാലിച്ചിരിക്കുന്നു, ഞങ്ങൾ തിരിച്ചുവന്നിരിക്കുന്നു' എന്ന് ആർ.എം വോയിസ് ഓവറിൽ പറയുന്നത് കേൾക്കാം.
Related Articles
ഗ്രൂപ്പിലെ ഏറ്റവും പ്രായം കുറഞ്ഞ അംഗമായ ജുങ്കൂക്ക്, 'ഞാൻ അവരെ (ആർമിയെ) ഒരുപാട് മിസ്സ് ചെയ്യുന്നു' എന്ന് പറയുന്നതും ട്രെയിലറിലുണ്ട്. ആരാധകരുടെ പ്രിയപ്പെട്ട ഗാനമായ 'മൈക്രോകോസ്മോസ്' (Mikrokosmos) എന്ന പാട്ടിന്റെ സിനിമാറ്റിക് അറേഞ്ച്മെന്റാണ് ട്രെയിലറിൽ പശ്ചാത്തല സംഗീതമായി ഉപയോഗിച്ചിരിക്കുന്നത്.
പുതിയ ഡോക്യുമെന്ററിയും ആഗോള പര്യടനവും
ലൈവ് സ്ട്രീമിന് പിന്നാലെ മാർച്ച് 27-ന് 'ബിടിഎസ്: ദി റിട്ടേൺ' എന്ന പേരിൽ ഒരു ഡോക്യുമെന്ററി കൂടി നെറ്റ്ഫ്ലിക്സിൽ റിലീസ് ചെയ്യും. ആൽബം നിർമ്മാണത്തിന്റെ പിന്നാമ്പുറ കാഴ്ചകളാണ് ഇതിൽ ഉൾപ്പെടുത്തിയിരിക്കുന്നത്. ഇതോടൊപ്പം തന്നെ 2026-2027 വർഷങ്ങളിലായി ബിടിഎസ് ഒരു വമ്പൻ വേൾഡ് ടൂർ പ്രഖ്യാപിച്ചിട്ടുണ്ട്. ഏഷ്യ, വടക്കേ അമേരിക്ക, യൂറോപ്പ്, ലാറ്റിൻ അമേരിക്ക, ഓസ്ട്രേലിയ എന്നിവിടങ്ങളിലായി 79 സ്റ്റോപ്പുകളാണ് ഈ ടൂറിലുള്ളത്. ഇതിൽ പ്രധാനപ്പെട്ട ഒന്നാണ് സെപ്റ്റംബർ മാസത്തിൽ അമേരിക്കയിലെ കാലിഫോർണിയയിലുള്ള സോഫി സ്റ്റേഡിയത്തിൽ നടക്കുന്ന പ്രകടനം. ആരാധകർക്ക് 360 ഡിഗ്രി ആംഗിളിൽ സ്റ്റേജ് കാണാൻ കഴിയുന്ന 'ഇമ്മേഴ്സീവ് എക്സ്പീരിയൻസ്' ടൂറിനായി ഒരുക്കിയിരിക്കുന്നത്.
ബിടിഎസ് ദി കംബാക്ക് | അരിരംഗ് മാർച്ച് 21-ന് കൊറിയൻ സമയം രാത്രി 8 മണിക്ക് സ്ട്രീം ചെയ്യും. ഇന്ത്യൻ സമയം ഏകദേശം വൈകുന്നേരം 4:30-ന് ഇത് കാണാൻ സാധിക്കുമെന്നാണ് റിപ്പോർട്ട്.
