കൊച്ചി നഗരത്തിലെ ഒരു സ്ഥാപനത്തിൽ ഇന്റീരിയർ ഡിസൈനറായി ജോലി ചെയ്യുന്ന ധന്യയുടെ ജീവിതത്തിലൂടെയാണ് സിനിമ കടന്ന് പോകുന്നത്.
'ബട്ടർഫ്ലൈ_ഗേൾ_85' പേരില് സാമൂഹിക മാധ്യമ അക്കൗണ്ടുള്ള ഒരു പെണ്കുട്ടിയുടെ ജീവിത കഥ പറയുന്ന മലയാള ചലച്ചിത്രം ബട്ടർഫ്ലൈ ഗേൾ 85 ഹാർട്ട് ഇന്റർനാഷണൽ ഇറ്റാലിയൻ ഫിലിം ഫെസ്റ്റിവലിലേക്ക് ഫൈനലിസ്റ്റായി തെരഞ്ഞെടുക്കപ്പെട്ടു. സാമൂഹിക മാധ്യമങ്ങളിലെ പുതുതലമുറയുടെ സ്വത്വ പ്രതിസന്ധിയാണ് സിനിമ ചർച്ച ചെയ്യുന്നത്. പ്രശാന്ത് മുരളി പത്മനാഭൻ സംവിധാനം ചെയ്ത ചിത്രം, കൊച്ചി നഗരത്തിലെ ഒരു സ്ഥാപനത്തിൽ ഇന്റീരിയർ ഡിസൈനറായി ജോലി ചെയ്യുന്ന ധന്യയുടെ ജീവിതത്തിലൂടെയാണ് കടന്ന് പോകുന്നത്. സ്ക്രാപ്പ് മെറ്റീരിയലുകൾ കൊണ്ട് കൗതുക വസ്തുക്കൾ ഉണ്ടാക്കുകയെന്നതാണ് ധന്യയുടെ ഹോബി. അതോടൊപ്പം, സാമൂഹിക മാധ്യമങ്ങളില് ഒരു സെലിബ്രിറ്റിയാകണമെന്നും അവള്ക്ക് അതിയായ ആഗ്രഹമുണ്ട്.
ഇൻസ്റ്റാഗ്രാം ഇൻഫ്ലുവൻസർ ആകാനുള്ള ശ്രമങ്ങള്ക്കിടെ അവള് നിരവധി വെല്ലുവിളികള് നേരിടുന്നു. എന്നാല്, സ്വാഭാവികമായി ഒരു പെൺകുട്ടി പ്രതികരിക്കേണ്ട രീതിയിൽ പ്രതികരിക്കാൻ അവള്ക്ക് പലപ്പോഴും സാധിക്കുന്നില്ല. അങ്ങനെ ജീവിതത്തിലെ സങ്കീർണ്ണമായ അവസ്ഥകളിൽ കൂടി കടന്നു പോകുന്ന ധന്യ ഒരു ഘട്ടത്തിൽ, താൻ അനുഭവിക്കുന്ന പ്രശ്നങ്ങളൊക്കെ അസുഖകരമായ തന്റെ ബാല്യകാല അനുഭവങ്ങളുമായി ബന്ധപ്പെട്ടതാണെന്ന് മനസിലാക്കുന്നു. സാമൂഹിക മാധ്യമ സ്വത്വത്തേക്കാള് സ്വന്തം ജീവിതത്തിന്റെ ഐഡന്റിറ്റിയാണ് തനിക്ക് ആവശ്യമെന്ന് അവള് മനസിലാക്കുന്നു. തുടര്ന്ന് അവള് ജീവിതത്തെ മറ്റൊരു കാഴ്ചപ്പാടിലൂടെ കാണാന് ശ്രമിക്കുന്നതും അത് ജീവിതത്തിലുണ്ടാക്കുന്ന മാറ്റങ്ങളും അഭിമുഖീകരിക്കേണ്ടിവരുന്ന പ്രശ്നങ്ങളുമാണ് സിനിമ.
തീയറ്ററില് നിന്നും പോയി, ഒടിടി തീരുമാനം ആയില്ല: ആദി പുരുഷിന് വന് തിരിച്ചടിയായി പുതിയ സംഭവം.!
നിരവധി ഫിലിം ഫെസ്റ്റിവലുകളിൽ ഇതിനകം അവാർഡ് നേടിയ ബട്ടർഫ്ലൈ ഗേൾ 85 ന്, മദ്രാസ് ഇന്റർനാഷണൽ ഫിലിം ഫെസ്റ്റിവലിൽ മികച്ച നടിക്കുള്ള അവാര്ഡ് നടി ധന്യാ നാഥിന് നേടിക്കൊടുത്തു. ഒരു കമിംഗ് ഓഫ് ഏജ് സിനിമയായ ബട്ടർഫ്ലൈ ഗേളിൽ ഇഷിക എമിൽ, ഷിൻസ് ഷാൻ, കലേഷ് പരമേശ്വർ, അൻവർ സാദിക്ക്, ജീവൻ ശിവദാസ്, ദർശന ഏമിൽ, ഗീത ജിത്തൂ, അനുപ്രഭ ലാൽ, ലുക്ക്മാൻ, മാധേഷ് റാം, പ്രശസ്ത, അമ്മു, പ്രതീഷ്, സ്വീറ്റി ബെർണാഡ്, എബിൻ എന്നിവർ അഭിനയിക്കുന്നു. കൊച്ചിയും, തിരുപ്പൂരും പശ്ചാത്തലമാക്കിയായിരുന്നു സിനിമാ ചിത്രീകരണം. 4 ഡി പ്രൊഡക്ഷൻസിന്റെ ബാനറിൽ വി വി വിശ്വനാഥനാണ് നിര്മ്മാണം. സംഗീത സംവിധാനം ആനന്ദ് മധുസൂദനൻ, ഛായാഗ്രഹണം അനിൽ വിജയ്, എഡിറ്റിംഗ് സുനീഷ് സെബാസ്റ്റ്യൻ, കോസ്റ്റ്യൂം ഡിസൈനർ ധന്യാ നാഥ്, സൗണ്ട് ഡിസൈൻ അരുൺ രാമവർമ്മ, ചീഫ് അസോസിയേറ്റ് ഡയറക്ടർ രതീഷ് ശങ്കരപ്പിള്ള, മിക്സിംഗ് ജിജു ടി ബ്രൂസ്, പോസ്റ്റർ ഡിസൈൻ ലിജോ ജെറാൾഡ്, വി എഫ് എക്സ് കോക്കനട്ട് ബഞ്ച്.
'കാവാലയ്യാ' സ്റ്റെപ്പ് വീണ്ടും ഇട്ട് തമന്ന; വീഡിയോ ഗംഭീര വൈറല്.!
