വെള്ളിയാഴ്ച ദീപിക പദുക്കോണിന്റെയും രൺവീർ സിങ്ങിന്റെയും ഫോട്ടോ സോഷ്യൽ മീഡിയയിൽ വൈറലായത്.
മുംബൈ: ദീപിക പദുകോണും രൺവീർ സിങ്ങും തങ്ങളുടെ കുഞ്ഞിനെ സ്വീകരിക്കാൻ ഒരുങ്ങുകയാണ്. എന്നാല് നടി ഒരു ആൺകുഞ്ഞിന് രഹസ്യമായി ജന്മം നല്കിയെന്ന വാര്ത്ത കഴിഞ്ഞ ദിവസം കാട്ടുതീപോലെയാണ് പടര്ന്നത്. ദീപികയുടെ ഭർത്താവ് ബോളിവുഡ് താരം രൺവീർ സിങ്ങ് ഒരു കുഞ്ഞിനെ എടുത്ത് നിൽക്കുന്ന ഫോട്ടോ സോഷ്യൽ മീഡിയയിൽ വൈറലാകുകയാണ്. എന്നിരുന്നാലും, വൈറലായ ചിത്രത്തിന് പിന്നിലെ സത്യം ഇതല്ലായിരുന്നു.
വെള്ളിയാഴ്ച ദീപിക പദുക്കോണിന്റെയും രൺവീർ സിങ്ങിന്റെയും ഫോട്ടോ സോഷ്യൽ മീഡിയയിൽ വൈറലായത്. ദീപിക ഒരു ആൺകുഞ്ഞിനെ സ്വാഗതം ചെയ്തതായി അവകാശപ്പെടുന്ന രീതിയിലാണ് ഫോട്ടോ വൈറലായത് എന്നാണ് ആജ്തക് റിപ്പോർട്ട് ചെയ്തത്.
ഫോട്ടോയിൽ, ദീപിക ആശുപത്രി കിടക്കയിൽ കിടക്കുന്നതായി കാണാം, അതേസമയം രൺവീർ കുഞ്ഞിനെ കയ്യിൽ ഒരു കുഞ്ഞിനെ പിടിച്ച് കുഞ്ഞിന്റെ മുഖം ക്യാമറയിൽ കാണിക്കുന്നത് കാണാം. ദീപിക കുഞ്ഞിനെ തഴുകുന്നത് കാണാം.
എന്നാൽ ഈ ഫോട്ടോ മോർഫ് ചെയ്തതാണ്. സെപ്തംബറിൽ ദീപിക പദുക്കോണിന്റെ പ്രസവം നടക്കാനിരിക്കെ സോഷ്യൽ മീഡിയയിൽ വൈറലാകുന്ന ഫോട്ടോ വ്യാജമാണ്. ഇത് മറ്റൊരു ചിത്രത്തില് താരങ്ങളുടെ മുഖം ചേര്ത്തതാണ്. അടുത്തിടെ തന്റെ നിറവയര് കാണിച്ച് പല വേദികളിലും ദീപിക പ്രത്യക്ഷപ്പെട്ടിരുന്നു. കല്ക്കി 2898 എഡി പ്രമോഷനില് അടക്കം ദീപിക സജീവമായിരുന്നു.
ഗർഭ കാലത്ത് തന്നെ സിംഗം എഗെയ്ൻ എന്ന ചിത്രത്തിന്റെ ഷൂട്ടിംഗിലും ദീപിക പദുകോണ് പങ്കെടുത്തിരുന്നു. രോഹിത് ഷെട്ടിയുടെ സിനിമയുടെ സെറ്റില് നിന്ന് പോലീസ് യൂണിഫോമും സൺഗ്ലാസും ധരിച്ചുള്ള ദീപികയുടെ ഫോട്ടോകള് സോഷ്യൽ മീഡിയയിൽ വൈറലായിരുന്നു.
വയനാട്ടില് ദുരിത ബാധിതര്ക്ക് ആശ്വാസവുമായി ലെഫ്റ്റനന്റ് കേണൽ മോഹന്ലാല് എത്തി
