സംവിധാനവും നായകനും ധനുഷ് തന്നെയാണ്.
ധനുഷ് രചനയും സംവിധാനവും നിര്വ്വഹിച്ച് നായകനാവുന്ന ചിത്രമാണ് ഇഡ്ലി കടൈ. ധനുഷിന്റെ ഇഡ്ലി കടൈ സിനിമ ആരാധകര് ആകാംക്ഷയോടെ കാത്തിരിക്കുന്ന ഒരു ചിത്രവും ആണ്. നിത്യ മേനന് ആണ് ചിത്രത്തിലെ നായിക. തിരുച്ചിദ്രമ്പലം എന്ന സൂപ്പർ ഹിറ്റ് ചിത്രത്തിന് ശേഷം ധനുഷ്- നിത്യ മേനൻ കോമ്പോ ഒന്നിക്കുന്ന ചിത്രവുമാണ് ഇത്. ധനുഷ് സംവിധാനം ചെയ്യുന്ന നാലാമത്തെ ചിത്രമാണിത്. ശാലിനി പാണ്ഡേ ആണ് മറ്റൊരു പ്രധാന കഥാപാത്രത്തെ അവതരിപ്പിക്കുന്നത്. വണ്ടര്ബാര് ഫിലിംസ്, ഡോണ് പിക്ചേഴ്സ് എന്നീ ബാനറുകളില് ആകാശ് ഭാസ്കരനും ധനുഷും ചേര്ന്നാണ് ചിത്രത്തിന്റെ നിര്മ്മാണം. ഒക്ടോബര് ഒന്നിന് റിലീസ് ചെയ്യുന്ന ധനുഷ് ചിത്രത്തിന്റെ അഡ്വാൻസ് ബുക്കിംഗ് ഇതിനകം ആരംഭിച്ചിട്ടുണ്ട്
ജി വി പ്രകാശ് സംഗീത സംവിധാനം നിര്വ്വഹിക്കുന്ന ചിത്രത്തിന്റെ ഛായാഗ്രഹണം കിരണ് കൗശിക് ആണ്. എഡിറ്റിംഗ് പ്രസന്ന ജി കെ, പ്രൊഡക്ഷന് ഡിസൈന് ജാക്കി, ആക്ഷന് പി സി സ്റ്റണ്ട്സ്, കൊറിയോഗ്രഫി ബാബ ഭാസ്കര്, വസ്ത്രാലങ്കാരം കാവ്യ ശ്രീറാം, വിഎഫ്എക്സ് സൂപ്പര്വൈസര് പ്രവീണ് ഡി, മേക്കപ്പ് ബി രാജ, സ്റ്റില്സ് തേനി മുരുകന്, പബ്ലിസിറ്റി ഡിസൈന് കപിലന്, പിആര്ഒ റിയാസ് കെ അഹമ്മദ്.
സംവിധാനം ധനുഷ് നിര്വഹിച്ച ചിത്രങ്ങള് തിയറ്ററുകളില് ശ്രദ്ധയാകര്ഷിച്ചവയാണ്. പ പാണ്ടി, രായന് എന്നിവയാണ് ധനുഷിന്റെ സംവിധാനത്തില് ഇതിനകം പുറത്തെത്തിയ ചിത്രങ്ങള്, നിലാവുക്ക് എന്മേല് എന്നടി കോപം എന്ന ചിത്രവും അദ്ദേഹത്തിന്റെ സംവിധാനത്തില് റിലീസ് ചെയ്തിരുന്നു. ഈ വര്ഷം ആയിരുന്നു റിലീസ്. ഈ ചിത്രവും ഏറെ ശ്രദ്ധനേടിയിരുന്നു.
Related Articles
ധനുഷ് നായകനായി ഒടുവില് വന്ന ചിത്രം കുബേരയാണ്. ശേഖര് ആണ് ചിത്രത്തിന്റെ സംവിധാനം. ആഗോള ബോക്സ് ഓഫീസില് 132 കോടി കളക്ഷൻ കുബേര നേടിയിരുന്നു. ബജറ്റ് ഏതാണ് 120 കോടിയായിരുന്നു.
