തിരുവല്ല പൊലീസ് ആണ് കേസ് രജിസ്റ്റര് ചെയ്തിരിക്കുന്നത്
പത്തനംതിട്ട: ചെകുത്താന് എന്ന പേരില് യുട്യൂബിലും ഫേസ്ബുക്കിലും റിയാക്ഷന് വീഡിയോകള് ചെയ്യുന്ന തിരുവല്ല മഞ്ഞാടി സ്വദേശി അജു അലക്സ് പൊലീസ് കസ്റ്റഡിയില്. വയനാട്ടിൽ ദുരിതാശ്വാസ പ്രവർത്തനങ്ങളിൽ ഏർപ്പെട്ട നടൻ മോഹൻലാലിന് എതിരെ നടത്തിയ അധിക്ഷേപ പരാമർശങ്ങളെ തുടര്ന്നാണ് നടപടി. താരസംഘടനയായ അമ്മയുടെ ജനറല് സെക്രട്ടറി സിദ്ദിഖിന്റെ പരാതിയില് അജുവിനെതിരെ കേസ് എടുത്തിരുന്നു. കേസ് എടുത്തതിന് പിന്നാലെ ഇയാള് ഒളിവിലുമായിരുന്നു.
ഭാരതീയ ന്യായ സംഹിത 192, 236 (ബി), കേരള പൊലീസ് ആക്റ്റ് 2011 120(0) വകുപ്പുകള് പ്രകാരമാണ് അജു അലക്സിന് എതിരായ കേസ്. മോഹന്ലാലിന്റെ ആരാധകരില് വിദ്വേഷം ഉളവാക്കുന്ന രീതിയിലാണ് അജു അലക്സിന്റെ പരാമര്ശമെന്ന് തിരുവല്ല പൊലീസ് രജിസ്റ്റര് ചെയ്ത എഫ്ഐആറില് പറയുന്നു. നിരൂപണമെന്ന പേരില് സിനിമാപ്രവര്ത്തകരെ വ്യക്തിപരമായി അധിക്ഷേപിക്കുന്ന യുട്യൂബര്മാര്ക്കെതിരെ കര്ശന നടപടി സ്വീകരിക്കാനാണ് താരസംഘടനയുടെ തീരുമാനം.
ALSO READ : സുധീര് കരമനയ്ക്കൊപ്പം പുതുമുഖങ്ങള്; 'മകുടി' തിയറ്ററുകളിലേക്ക്
