മിസ്റ്റര് എക്സ് ഒടിടിയില് എത്തി.
സൂപ്പർ താരം ആര്യ, ശരത് കുമാർ, ഗൗതം കാർത്തിക്, മഞ്ജു വാര്യർ, അതുല്യ രവി, അനഘ, റൈസ വിൽസൺ എന്നിവരെ പ്രധാന കഥാപാത്രങ്ങളാക്കി മനു ആനന്ദ് സംവിധാനം ചെയ്ത സ്പൈ ആക്ഷൻ ത്രില്ലർ തമിഴ് ചിത്രമാണ് മിസ്റ്റർ എക്സ്. ഏപ്രിൽ പതിനേഴിന് ചിത്രം തിയറ്ററുകളിലെത്തി. മികച്ച പ്രതികരണമാണ് ചിത്രത്തിന് ലഭിച്ച്ത്. എന്നാല് അത് കളക്ഷനില് പ്രതിഫലിച്ചില്ലെന്നാണ റിപ്പോര്ട്ടുകള് സൂചിപ്പിച്ചിരുന്നത്. ഇപ്പോഴിതാ മിസ്റ്റര് എക്സ് സിനിമ ഒടിടിയിലും എത്തിയിരിക്കുകയാണ്. ജിയോ ഹോട്സ്റ്റാറിലാണ് സ്ട്രീമിംഗ് തുടങ്ങിയത്.
മവെറിക് മൂവീസ്, പ്രിൻസ് പിക്ചേഴ്സ് എന്നീ ബാനറുകളില് വിനീത് ജെയിൻ, എസ് ലക്ഷ്മൺ കുമാർ എന്നിവർ ചേർന്ന് ഈ ചിത്രം നിർമ്മിക്കുച്ചിരിക്കുന്നുന്നു. വിഷ്ണു വിശാലിന്റെ ഹിറ്റ് ചിത്രമായ എഫ്ഐആറിനു ശേഷം മനു ആനന്ദ് ഒരുക്കിയ ഈ ചിത്രം, ഇന്റലിജൻസ് ലോകത്തിലെ നിഗൂഡമായ സംഭവങ്ങളെ ആസ്പദമാക്കിയുള്ളതാണ്.
രാജ്യത്തെ ഭീഷണിപ്പെടുത്തിയ അഞ്ച് സംഭവങ്ങൾ ഇന്റലിജൻസ് ഏജൻസികൾ തടഞ്ഞതിനെ ആസ്പദമാക്കിയാണ് ഈ ചിത്രത്തിന്റെ കഥ രൂപപ്പെട്ടിരിക്കുന്നത്. രാജസ്ഥാൻ, ഹോസൂർ, ചെന്നൈ, മൈസൂർ, തൂത്തുക്കുടി ഉൾപ്പെടെ ഇന്ത്യയിലെ വിവിധ സ്ഥലങ്ങളിലായി നൂറോളം ദിവസങ്ങളിലായിട്ടാണ് ചിത്രീകരണം പൂർത്തിയാക്കിയത്. വിദേശ രംഗങ്ങൾ ചിത്രീകരിക്കാൻ ഉഗാണ്ടയെ പരിഗണിച്ചിരുന്നുവെങ്കിലും പിന്നീട് അസർബൈജാനിൽ വെച്ചാണ് ആ ഭാഗങ്ങൾ ചിത്രീകരിച്ചത്.
ഛായാഗ്രഹണം അരുൺ വിൻസന്റ്, സംഗീതം ദീപു നൈനാൻ തോമസ്, എഡിറ്റിംഗ് പ്രസന്ന ജി കെ, എക്സിക്യൂട്ടീവ് പ്രൊഡ്യൂസർ ശ്രാവന്ദി സൈനാധ്, ആക്ഷൻ സ്റ്റണ്ട് സിൽവ, ആർട്ട് ഇന്ദുലാൽ കവീദ്, കോസ്റ്റ്യൂംസ് ഉത്തര മേനോൻ, ദീപാലി നൂർ, പി ആര് ഒ- എ എസ് ദിനേശ്, മനു ശിവൻ.
