ടോം ക്രൂയിസിന്റെ മിഷൻ ഇംപോസിബിൾ പുതിയ ചിത്രം മെയ് 17 ന് ഇന്ത്യയിൽ റിലീസ് ചെയ്യുന്നതിന് മുന്നോടിയായി അഡ്വാൻസ് ബുക്കിംഗിൽ മികച്ച പ്രതികരണം നേടി.
ദില്ലി: ഹോളിവുഡിലെ ഏവര്ഗ്രീന് സാഹസതാരം ടോം ക്രൂയിസിന്റെ മിഷൻ ഇംപോസിബിൾ ഫ്രാഞ്ചെസിയിലെ പുതിയ പടത്തിന് അഡ്വാന്സ് ബുക്കിംഗില് വന് പ്രതികരണം. മെയ് 17 ന് ഇന്ത്യയിൽ ചിത്രം റിലീസ് ചെയ്യുന്ന ചിത്രത്തിന്റെ പ്രീമിയറിന് മുന്നോടിയായി, ഈ കൾട്ട് ആക്ഷൻ ഫ്രാഞ്ചൈസിയുടെ അവസാന ചിത്രമായ മിഷൻ: ഇംപോസിബിൾ - ദി ഫൈനൽ റെക്കണിംഗിന്റെ മുൻകൂർ ടിക്കറ്റ് വിൽപ്പനയ്ക്ക് മികച്ച പ്രതികരണമാണ് ഉണ്ടാക്കുന്നത് എന്നാണ് കണക്കുകള്.
മിഷൻ: ഇംപോസിബിൾ - ദി ഫൈനൽ റെക്കണിംഗിന് രണ്ട് പ്രമുഖ സിനിമാ ശൃംഖലകളായ പിവിആർ ഇനോക്സിലും സിനിപോളിസിലും റിലീസ് ദിവസത്തേക്ക് ഇതുവരെ 7,800 ടിക്കറ്റുകൾ വിറ്റഴിച്ചതായി പിങ്ക്വില്ല റിപ്പോർട്ട് ചെയ്തു. ആദ്യ വാരാന്ത്യത്തില് ഇതുവരെ 11,000 ടിക്കറ്റുകൾ ഈ സിനിമയുടെ വിറ്റു. അടുത്ത രണ്ട് ദിവസങ്ങളിൽ ബുക്കിംഗ് കുത്തനെ വർദ്ധിക്കും എന്നാണ് പ്രതീക്ഷിക്കപ്പെടുന്നത്.
ക്രിസ്റ്റഫർ മക്വറി സംവിധാനം ചെയ്ത മിഷൻ: ഇംപോസിബിൾ - ദി ഫൈനൽ റെക്കണിംഗ് ഇംഗ്ലീഷ്, ഹിന്ദി, തമിഴ്, തെലുങ്ക് ഭാഷകളിൽ ഇന്ത്യയിൽ റിലീസ് ചെയ്യും. കഴിഞ്ഞ മാസം ടോം ക്രൂയിസിന്റെ ഒരു മോണോക്രോം ചിത്രം ഇൻസ്റ്റാഗ്രാമിൽ അപ്ലോഡ് ചെയ്തുകൊണ്ട് നിർമ്മാതാക്കൾ ചിത്രത്തിന്റെ ഇന്ത്യയിലെ റിലീസ് തീയതി മാറ്റം പ്രഖ്യാപിച്ചു.
Related Articles
"മിഷൻ: ഇംപോസിബിൾ - ദി ഫൈനൽ റെക്കണിംഗ് ഇപ്പോൾ ഇന്ത്യയിൽ നേരത്തെ റിലീസ് ചെയ്യുന്നു. പുതിയ തീയതി - മെയ് 17. ഇംഗ്ലീഷ്, ഹിന്ദി, തമിഴ്, തെലുങ്ക് ഭാഷകളിൽ റിലീസ് ചെയ്യുന്നു" എന്നായിരുന്നു പോസ്റ്റിന്റെ ക്യാപ്ഷന്.
സ്പൈ ത്രില്ലറിൽ ടോം ക്രൂസ് സീക്രട്ട് ഏജന്റ് ഈഥൻ ഹണ്ടായി തിരിച്ചെത്തുന്നു. ഹെയ്ലി ആറ്റ്വെൽ, സൈമൺ പെഗ്, വിംഗ് റേംസ്, വനേസ കിർബി, എസായ് മൊറേൽസ് എന്നിവരും അദ്ദേഹത്തോടൊപ്പം ചിത്രത്തില് അഭിനയിക്കുന്നുണ്ട്.
മിഷൻ: ഇംപോസിബിൾ - ദി ഫൈനൽ റെക്കണിംഗ് മെയ് 14 ന് 2025 ലെ കാൻ ഫിലിം ഫെസ്റ്റിവലിൽ പ്രദര്ശിപ്പിക്കും അതിന് ശേഷം ആയിരിക്കും ചിത്രം ആഗോളതലത്തില് തീയറ്ററുകളിലേക്ക് എത്തുക എന്നാണ് വിവരം.
