'മുകുന്ദനുണ്ണി അസോസിയേറ്റ്സ്' സംവിധായകൻ അഭിനവ് സുന്ദർ നായകിന്റെ പുതിയ ചിത്രമാണ് 'മോളിവുഡ് ടൈംസ്'. നസ്ലൻ നായകനാകുന്ന സിനിമ, ഒരു സിനിമാമോഹിയുടെ യാത്രയും അതിലെ വെല്ലുവിളികളുമാണ് പറയുന്നത്.
സിനിമയ്ക്കുള്ളിലെ സിനിമയെന്ന പ്ലോട്ടില് മലയാളത്തില് ഉദയനാണ് താരം മുതൽ അങ്ങോട്ട് നിരവധി ചിത്രങ്ങള് ഉണ്ടായിട്ടുണ്ട്.അതെ പ്ലോട്ടിൽ തന്നെ ആരും പറയാത്ത ഒരു സിനിമാ മോഹിയുടെ കഥയുമായി എത്തിയ ചിത്രമാണ് 'മോളിവുഡ് ടൈംസ്'.മലയാളത്തിലെ യുവതാരങ്ങളിൽ ശ്രദ്ധേയനായ നസ്ലൻ കേന്ദ്ര കഥാപാത്രം ചെയ്യുന്ന സിനിമ ഒരുക്കിയിരിക്കുന്നത് 'മുകുന്ദനുണ്ണി അസോസിയേറ്റ്സ്' ഒറ്റ സിനിമ കൊണ്ട് തന്നെ സിനിമാ പ്രേമികൾ നെഞ്ചേറ്റിയ അഭിനവ് സുന്ദർ നായകാണ്.
കഴിഞ്ഞ വെള്ളിയാഴ്ച റിലീസിനെത്തിയ സിനിമ ലോകമെമ്പാടുമുള്ള സിനിമാ പ്രേമികളുടെ കയ്യടി നേടിക്കൊണ്ട് തിയറ്ററുകളിൽ നിറഞ്ഞോടുകയാണ്. കുടുംബ പ്രേക്ഷകരും ചിത്രം ഇതിനോടകം തന്നെ ഇരുകൈയും നീട്ടി സ്വീകരിച്ചു കഴിഞ്ഞു. ഏറെ നാളുകൾക്കുശേഷമാണ് മലയാളത്തിൽ എല്ലാ തരം പ്രേക്ഷകരെയും ഒരുപോലെ തൃപ്തിപ്പെടുത്തുന്ന ഒരു സിനിമ വരുന്നത്.
സിനിമയിൽ എന്തെങ്കിലുമൊക്കെ ആകാൻ ആഗ്രഹിക്കാത്തവർ വളരെ ചുരുക്കമായിരിക്കും. ചിലരെല്ലാം അത് ആഗ്രഹമായി തന്നെ നിലനിർത്തും, കഴിവും, അതവിശ്വാസവും ഉളളവർ അതിന് വേണ്ടി ശ്രമിക്കും, പോരാടും... ഒടുവിൽ സിനിമയെന്ന മായാ ലോകത്തിലേക്ക് എത്തും. പക്ഷേ, കഴിവ് ഉണ്ടായാൽ മാത്രം സിനിമയിൽ എത്താൻ കഴിയുമോ? സിനിമാ മേഖലയിൽ എത്തിയാലും കഴിവ് മാത്രം കൊണ്ട് മുന്നേറാൻ പറ്റുമോ ?സിനിമ എന്ന മായിക ലോകത്തിന് നല്ല വശങ്ങൾ മാത്രമാണ് ഉള്ളത് ? ഈ ചോദ്യങ്ങളെല്ലാം ധൈര്യമായി നേരിടുന്ന സിനിമയാണ് മോളിവുഡ് ടൈംസ്. സ്വപ്നങ്ങൾക്കും വിജയത്തിനും പിന്നിലെ പ്രതിസന്ധികളും താഴ്ചകളും വീഴ്ചകളും പറഞ്ഞുകൊണ്ട്, സിനിമാപ്രേമികൾക്ക് ഒരു മികച്ച തിയേറ്റർ എക്സ്പീരിയൻസ് മോളിവുഡ് ടൈംസ് സമ്മാനിക്കുന്നുണ്ടെന്നാണ് പ്രേക്ഷകാഭിപ്രായം.
Related Articles
സംവിധായകനായ അഭിനവ് സുന്ദർ നായകിൻ്റെ ആത്മകഥാംശമുള്ള സിനിമ കൂടിയാണ് മോളിവുഡ് ടൈംസ് എന്ന് പ്രൊമോഷൻ അഭിമുഖങ്ങളിൽ അദ്ദേഹം തന്നെ വ്യക്തമാക്കിയിരുന്നു. ഒപ്പം, കേന്ദ്ര കഥാപാത്രമായ നസ്ലൻ്റെ കരിയറിലെ തന്നെ ഏറ്റവും മികച്ച പെർഫോമൻസ് ആണ് സിനിമയിൽ ഉടനീളം ഉള്ളതെന്നാണ് പ്രേക്ഷകരുടെ പ്രതികരണം. അതേസമയം, ‘മുകുന്ദൻ ഉണ്ണി അസോസിയേറ്റ്സ്’ എന്ന ചിത്രത്തിന് ശേഷം അഭിനവ് സുന്ദർ നായക് സംവിധാനം ചെയ്യുന്ന ചിത്രത്തിൽ നസ്ലനെ കൂടാതെ സംഗീത് പ്രതാപ്, ഷറഫുദ്ദീൻ, റോഷൻ ഷാനവാസ്, ജഗദീഷ്, അപ്പുണ്ണി ശശി തുടങ്ങിയവരാണ് പ്രധാന കഥാപാത്രങ്ങൾ.
ആഷിക് ഉസ്മാൻ പ്രൊഡക്ഷൻസിന്റെ ബാനറിൽ ആഷിക് ഉസ്മാൻ തന്നെ നിർമ്മിക്കുന്ന ചിത്രത്തിന്റെ തിരക്കഥ രചിക്കുന്നത് രാമു സുനിലാണ്. ക്യാമറ കൈകാര്യം ചെയ്യുന്നത് വിശ്വജിത്ത് ഒടുക്കത്തിൽ. സംഗീതം: ജേക്സ് ബിജോയ്. എഡിറ്റിംഗ്: നിധിൻ രാജ് അരോൾ & ഡയറക്ടർ, സൗണ്ട് ഡിസൈൻ & മിക്സിംഗ്: വിഷ്ണു ഗോവിന്ദ്, ആർട്ട് ഡയറക്ഷൻ: ആശിഖ് എസ്, കോസ്റ്റ്യൂം: മാഷർ ഹംസ, മേക്കപ്പ്: റോണെക്സ് സേവിയർ, പ്രൊഡക്ഷൻ കൺട്രോളർ: സുധർമൻ വള്ളിക്കുന്ന്, ഫിനാൻസ് കൺട്രോളർ: ശിവകുമാർ, ചീഫ് അസോസിയേറ്റ് ഡയറക്ടർ: രാജേഷ് അടൂർ, വിഎഫ്എക്സ്: ഡിജി ബ്രിക്സ്, കളറിസ്റ്റ്: ശ്രീക് വാരിയർ, മോഷൻ ഗ്രാഫിക്സ്: ജോബിൻ ജോസഫ്, പി.ആർ.ഒ: എ എസ് ദിനേശ്, സ്റ്റിൽസ്: ബോയക്, ഡിസൈൻസ്: യെല്ലോ ടൂത്ത്, ഡിജിറ്റൽ മാർക്കറ്റിംഗ്: ഒബ്സ്ക്യൂറ എന്റർടൈൻമെന്റ്.
