കേരളത്തിലെ വിജയം, 'പാപ്പന്റെ' റെസ്റ്റ് ഓഫ് ഇന്ത്യ അവകാശത്തിന് വന് തുക?
എബ്രഹാം മാത്യു മാത്തന് എന്നാണ് സുരേഷ് ഗോപിയുടെ കഥാപാത്രത്തിന്റെ പേര്
സമീപകാലത്ത് മലയാളം ബോക്സ് ഓഫീസില് മികച്ച പ്രതികരണം നേടുന്ന അപൂര്വ്വം സിനിമകളിലൊന്നായി മാറുകയാണ് സുരേഷ് ഗോപി (Suresh Gopi) നായകനായ പാപ്പന് (Paappan). ആദ്യ മൂന്ന് ദിനങ്ങളില് നിന്നു മാത്രം 11.56 കോടിയാണ് ചിത്രം കേരളത്തില് നിന്ന് നേടിയത്. കേരളത്തില് നേടുന്ന മികച്ച വിജയം ചിത്രത്തിന് റെസ്റ്റ് ഓഫ് ഇന്ത്യ റൈറ്റ്സില് വന് തുകയാണ് നേടിക്കൊടുത്തതെന്നാണ് റിപ്പോര്ട്ടുകള്. പ്രമുഖ ട്രേഡ് അനലിസ്റ്റ് ശ്രീധര് പിള്ളയാണ് ഇക്കാര്യം ട്വീറ്റ് ചെയ്തിരിക്കുന്നത്.
വന് തുക നല്കി മറ്റ് ഇന്ത്യന് സംസ്ഥാനങ്ങളിലെ വിതരണാവകാശം സ്വന്തമാക്കിയിരിക്കുന്നത് യുഎഫ്ഒ മൂവീസ് ആണെന്നും റെസ്റ്റ് ഓഫ് ഇന്ത്യ റിലീസ് ഓഗസ്റ്റ് 5ന് ആണെന്നും ശ്രീധര് പിള്ള അറിയിക്കുന്നു. സുരേഷ് ഗോപിയുടെ എക്കാലത്തെയും മികച്ച ഓപണിംഗ് കളക്ഷനാണ് ചിത്രം നേടിയിരിക്കുന്നത്.
ഒരിടവേളയ്ക്കു ശേഷം സുരേഷ് ഗോപി പൊലീസ് വേഷത്തില് എത്തുന്ന ചിത്രമാണിത്. എബ്രഹാം മാത്യു മാത്തന് എന്നാണ് കഥാപാത്രത്തിന്റെ പേര്. 'സലാം കാശ്മീരി'നു ശേഷം ജോഷിയും സുരേഷ് ഗോപിയും ഒന്നിക്കുന്ന ചിത്രവുമാണിത്. ലേലം, പത്രം, വാഴുന്നോര് തുടങ്ങി ഈ കോമ്പിനേഷനില് പുറത്തെത്തിയ ചിത്രങ്ങളില് പലതും സൂപ്പര്ഹിറ്റുകള് ആയിരുന്നു. പൊറിഞ്ചു മറിയം ജോസിനു ശേഷം ജോഷിയുടെ സംവിധാനത്തില് എത്തുന്ന ചിത്രവുമാണ് പാപ്പന്. ഗോകുല് സുരേഷും ചിത്രത്തില് ഒരു പ്രധാന കഥാപാത്രത്തെ അവതരിപ്പിക്കുന്നുണ്ട്. ഇരുവരും ആദ്യമായി ഒരുമിച്ചെത്തുന്ന ചിത്രം എന്ന പ്രത്യേകതയുമുണ്ട്. ഡേവിഡ് കാച്ചപ്പിള്ളി പ്രൊഡക്ഷന്സ് നിര്മ്മിക്കുന്ന സുരേഷ് ഗോപിയുടെ കരിയറിലെ 252-ാം ചിത്രവുമാണിത്. ക്രൈം ത്രില്ലര് വിഭാഗത്തില് പെടുന്ന ചിത്രത്തില് നീത പിള്ള, നൈല ഉഷ, ആശ ശരത്ത്, കനിഹ, ചന്ദുനാഥ്, വിജയരാഘവന്, ടിനി ടോം, ഷമ്മി തിലകന്, സണ്ണി വെയ്ന് തുടങ്ങിയവരും അഭിനയിച്ചിരിക്കുന്നു.
ALSO READ : 'പാപ്പന്' ശേഷം 'മൂസ'; വീണ്ടും ഹിറ്റടിക്കാന് സുരേഷ് ഗോപി: ഫസ്റ്റ് ലുക്ക്