'ആരോപണത്തില് തന്നെയാണ് രാജി': ആദ്യ പ്രതികരണം നടത്തി സിദ്ദിഖ്
തനിക്കെതിരായ ആരോപണം ഗൗരവമുള്ളതാണെന്നും, അത് സംഘടനയ്ക്ക് മോശമാണെന്നുമാണ് മോഹന്ലാലിന് നല്കിയ രാജിക്കത്തില് സിദ്ദിഖ് പറഞ്ഞത്.
 )
കൊച്ചി: അമ്മ ജനറല് സെക്രട്ടറി സ്ഥാനത്ത് നിന്ന് തന്റെ ഔദ്യോഗികമായ രാജി മോഹന്ലാലിന് നല്കിയെന്നാണ് സിദ്ദിഖ് ഏഷ്യാനെറ്റ് ന്യൂസിനോട് സ്ഥികരീച്ചു. തനിക്കെതിരെ നടി ഉയര്ത്തിയ ആരോപണത്തിന്റെ വെളിച്ചത്തിലാണ് രാജിയെന്നും സിദ്ദിഖ് ഏഷ്യാനെറ്റ് ന്യൂസിനോട് പറഞ്ഞു. അതേ സമയം തനിക്കെതിരായ ആരോപണത്തില് ഇപ്പോള് പ്രതികരിക്കാന് ഇല്ലെന്ന് സിദ്ദിഖ് പറഞ്ഞു.
തനിക്കെതിരായ ആരോപണം ഗൗരവമുള്ളതാണെന്നും, അത് സംഘടനയ്ക്ക് മോശമാണെന്നുമാണ് മോഹന്ലാലിന് നല്കിയ രാജിക്കത്തില് സിദ്ദിഖ് പറഞ്ഞത്. ഈ രാജിക്കത്ത് സിദ്ദിഖ് അമ്മയുടെ ഔദ്യോഗിക വാട്ട്സ്ആപ്പ് ഗ്രൂപ്പില് ഇട്ടിട്ടുണ്ട്.
2016 ല് പ്രായപൂര്ത്തിയാകും മുന്പ് പീഡിപ്പിച്ചുവെന്ന് യുവ നടി ഉയര്ത്തിയ ആരോപണത്തിന് പിന്നാലെ നടന് സിദ്ദിഖ് അമ്മ ജനറല് സെക്രട്ടറി സ്ഥാനത്ത് നിന്നും രാജിവച്ചു. താര സംഘടനയായ അമ്മയുടെ പ്രസിഡന്റ് മോഹന്ലാലിനാണ് സിദ്ദിഖ് കത്ത് നല്കിയത്. സിദ്ദിഖിനെതിരെ കടുത്ത ആരോപണങ്ങള് വന്ന അവസ്ഥയില് സര്ക്കാര് കേസ് എടുക്കാന് ഒരുങ്ങുന്നതിനിടെയാണ് ഇത്തരത്തില് സിദ്ദിഖിന്റെ നീക്കം.
ഹേമ കമ്മിറ്റി റിപ്പോര്ട്ടില് സിദ്ദിഖ് അമ്മയ്ക്ക് വേണ്ടി പ്രതികരണം നടത്തി രണ്ട് ദിവസത്തിനുള്ളിലാണ് അദ്ദേഹം രാജിവച്ച് പുറത്തുപോകേണ്ടി വരുന്നത്.
സിനിമ മോഹിച്ചെത്തിയ യുവനടിയെ ചെറുപ്രായത്തിൽ പീഡിപ്പിച്ചെന്ന ആരോപണം അതീവ ഗുരുതരമാണെന്ന വിലയിരുത്തലിലാണ് കേസെടുക്കുമെന്ന സൂചനകൾ പുറത്തുവന്നിരുന്നു. നടി പരാതി നൽകുകയാണെങ്കിൽ സിദ്ദിഖിനെതിരെ കേസെടുക്കുമെന്നുമാണ് ഏഷ്യാനെറ്റ് ന്യൂസിന് ലഭിച്ച വിവരം.
യുവ നടിയുടെ ഗുരുതര ലൈംഗിക ആരോപണം; 'അമ്മ'യുടെ ജനറൽ സെക്രട്ടറി സിദ്ദിഖ് രാജിവെച്ചു
