കാര്ഗില് യോദ്ധാവ് വിക്രം ബത്രയുടെ ജീവിത കഥ പറയുന്ന സിനിമയുടെ റിലീസ് തിയതി പ്രഖ്യാപിച്ചു.
സിദ്ധാര്ഥ് മല്ഹോത്ര നായകനാകുന്ന പുതിയ സിനിമയാണ് ഷേര്ഷാ. ഇന്ത്യൻ ആര്മി ക്യാപ്റ്റനായിരുന്ന വിക്രം ബത്രയുടെ ജീവിത കഥ പറയുന്ന സിനിമ സംവിധാനം ചെയ്യുന്നത് വിഷ്ണുവര്ദ്ധൻ ആണ്. ചിത്രത്തിന്റെ ഫോട്ടോ ഓണ്ലൈനില് തരംഗമായിരുന്നു. ഇപോഴിതാ ചിത്രത്തിന്റെ റിലീസ് അനൗൺസ്മെന്റ് ടീസര് പുറത്തുവിട്ടിരിക്കുകയാണ്.
ആമസോണ് പ്രം വീഡിയോയില് ഓഗസ്റ്റ് 12നാണ് ചിത്രം റിലീസ് ചെയ്യുക. വിക്രം ബത്രയായും അദ്ദേഹത്തിന്റെ ഇരട്ടസഹോദരൻ വിശാലായും സിദ്ധാര്ഥ് മല്ഹോത്ര അഭിനയിക്കും. സന്ദീപ ശ്രീവാസ്തവയാണ് ചിത്രത്തിന്റെ തിരക്കഥയെഴുതുന്നത്. വിക്രം ബത്രയുടെ കുടുംബവുമായി കൂടിക്കാഴ്ച നടത്തിയ ശേഷമാണ് സിദ്ധാര്ഥ് മല്ഹോത്ര സിനിമയ്ക്കായി തയ്യാറായത്.
ബയോഗ്രാഫിക്കല് ആക്ഷൻ വാര് ചിത്രമായിട്ടാണ് ഷെര്ഷാ എത്തുക.
കാർഗിൽ യുദ്ധത്തിൽ വീരോചിതമായ പോരാട്ടം നടത്തിയ വിക്രം ബത്രക്ക് മരണാനന്തരബഹുമതിയായി പരമവീര ചക്രം ലഭിച്ചിരുന്നു.
കൊവിഡ് മഹാമാരിയുടെ രണ്ടാംവരവിന്റെ ഈ കാലത്ത്, എല്ലാവരും മാസ്ക് ധരിച്ചും സാനിറ്റൈസ് ചെയ്തും സാമൂഹ്യ അകലം പാലിച്ചും വാക്സിന് എടുത്തും പ്രതിരോധത്തിന് തയ്യാറാവണമെന്ന് ഏഷ്യാനെറ്റ് ന്യൂസ് അഭ്യര്ത്ഥിക്കുന്നു. ഒന്നിച്ച് നിന്നാല് നമുക്കീ മഹാമാരിയെ തോല്പ്പിക്കാനാവും. #BreakTheChain #ANCares #IndiaFightsCorona.
