രജനികാന്തിന്റെ ജയിലര് രണ്ടില് മലയാളി താരം വിനായകനും.
ജയിലര് രജനികാന്തിനോളം തിളങ്ങിയ മലയാളി താരമായിരുന്നു വിനായകൻ. മനസ്സിലായോ സാറേ എന്ന ഹിറ്റ് ഡയലോഗും ചിത്രത്തില് വിനായകന്റേതായി ഉണ്ടായിരുന്നു. രണ്ടാം ഭാഗത്തിലും വിനായകൻ ഉണ്ടാകുമെന്ന് താരം സ്ഥിരീകരിച്ചിരിക്കുകയാണ്. ചിത്രത്തില് ഫ്ലാഷ്ബാക്ക് രംഗങ്ങളിലാകും മലയാളി താരം ഉണ്ടാകുക.
നെൽസൺ ഒരുക്കിയ ബ്ലോക് ബസ്റ്റർ ചിത്രം ജയിലറിന്റെ രണ്ടാം ഭാഗമായ ജയിലർ 2 പാലക്കാട് അട്ടപ്പാടിയിലായിരുന്നു ആദ്യ ഷെഡ്യൂള് ചിത്രീകരണം. കോഴിക്കോടും ജയിലര് 2 ചിത്രീകരിച്ചു. വിജയ് സേതുപതിയും ചിത്രത്തില് ഉണ്ടാകും എന്നാണ് പുതിയ റിപ്പോര്ട്ടുണ്ട്. മുത്തുവേൽ പാണ്ഡ്യൻ എന്ന കഥാപാത്രത്തെയാണ് ചിത്രത്തിൽ രജനികാന്ത് അവതരിപ്പിക്കുന്നത്. 2023ൽ ആയിരുന്നു ജയിലർ റിലീസ് ചെയ്തത്. ആഗോള ബോക്സ് ഓഫീസില് നിന്ന് 600 കോടിയിലേറെ നേടിയ ചിത്രം വിജയിച്ചത് മുതല് ആരാധകര് കാത്തിരിക്കാന് തുടങ്ങിയതാണ് രണ്ടാം ഭാഗത്തിനായി. ഒരു പ്രൊമോ വീഡിയോയ്ക്കൊപ്പം രണ്ടാം ഭാഗത്തിന്റെ ഔദ്യോഗിക പ്രഖ്യാപനം എത്തിയത് ജനുവരി 14 ന് ആയിരുന്നു. പിന്നാലെ മാര്ച്ചില് ചിത്രീകരണവും ആരംഭിച്ചു.
തമിഴ് സിനിമയില് ഏറ്റവും വലിയ ഓപണിംഗ് വരാന് സാധ്യതയുള്ള അപ്കമിംഗ് പ്രോജക്റ്റുമാണ് ജയിലര് 2. അനിരുദ്ധ് രവിചന്ദര് തന്നെയാണ് രണ്ടാം ഭാഗത്തിന്റെയും സംഗീത സംവിധാനം നിര്വ്വഹിക്കുന്നത്. ആദ്യ ഭാഗം പോലെതന്നെ ആക്ഷന് രംഗങ്ങളാല് സമ്പന്നമായിരിക്കും രണ്ടാം ഭാഗവും. എന്നാല് രണ്ടാം ഭാഗം വരുമ്പോൾ മലയാളികള്ക്ക് അറിയാന് ഏറ്റവും ആഗ്രഹമുണ്ടായിരുന്നത് ചിത്രത്തില് മോഹന്ലാലിന്റെ മാത്യു എന്ന ഡോണ് കഥാപാത്രം ഉണ്ടാവുമോ എന്നാണ്. ജയിലര് 2വില് മോഹൻലാല് ഉണ്ടാകുമെന്ന് തന്നെയാണ് അറിയാൻ കഴിയുന്നതും. ചിത്രത്തില് അടുത്തുതന്നെ നടൻ മോഹൻലാല് ജോയിൻ ചെയ്യുമെന്നാണ് റി്പപോര്ട്ട്.
Related Articles
കൂലിയാണ് രജനികാന്തിന്റേതായി ഒടുവില് പ്രദര്ശനത്തിനെത്തിയ ചിത്രം. ലോകേഷ് കനകരാജ് സംവിധാനം ചെയ്ത് ഈ ചിത്രം സൺ പിക്ചർസിന്റെ ബാനറില് കലാനിധി മാരനാണ് നിർമ്മിക്കുന്നത്. രജനീകാന്തിനൊപ്പം നാഗാർജുന പ്രധാന കഥാപാത്രമായപ്പോള് ചിത്രത്തില് ആമിര് ഖാൻ അതിഥി വേഷത്തിലുമെത്തി.
