ഐശ്വര്യ ലക്ഷ്മിയാണ് ചിത്രത്തിലെ നായിക.
വിഷ്ണു വിശാല് നായകനായി ഏറ്റവും ഒടുവില് റിലീസ് ചെയ്ത ചിത്രമാണ് 'ഗാട്ട കുസ്തി'. ഐശ്വര്യ ലക്ഷ്മിയാണ് വിഷ്ണു വിശാല് ചിത്രത്തില് നായികയായി എത്തിയത്. മികച്ച പ്രതികരണം തിയറ്ററുകളില് നിന്ന് ചിത്രത്തിന് നേടാനായിരുന്നു. വിഷ്ണു വിശാലിന്റെ 'ഗാട്ട കുസ്തി'യെന്ന ചിത്രം ഒടിടി റിലീസിന് തയ്യാറെടുക്കുന്നുവെന്നതാണ് പുതിയ റിപ്പോര്ട്ട്.
നെറ്റ്ഫ്ലിക്സില് ജനുവരി ഒന്ന് മുതലാണ് ചിത്രം സ്ട്രീം ചെയ്യുക. ചെല്ല അയ്യാവു സംവിധാനം ചെയ്ത ചിത്രം ഗ്രാമീണ പശ്ചാത്തലത്തിൽ ഒരുങ്ങിയ സ്പോര്ട്സ് ഡ്രാമയാണ്. റിച്ചാര്ഡ് എം നാഥൻ ആണ് ചിത്രത്തിന്റെ ഛായാഗ്രാഹണം നിര്വഹിച്ചിരുന്നത്. ജസ്റ്റിൻ പ്രഭാകരൻ സംഗീത സംവിധാനം നിര്വഹിക്കുന്ന ചിത്രം ഡിസംബര് രണ്ടിനാണ് തിയറ്ററുകളിലെത്തിയത്.
വിഷ്ണു വിശാലിന്റേതായി 'എഫ്ഐആര്' എന്ന ചിത്രമാണ് 'ഗാട്ട കുസ്തി'ക്ക് മുമ്പ് റിലീസ് ചെയ്തത്. മനു ആനന്ദ് ആണ് ചിത്രം സംവിധാനം ചെയ്തത്. മനു ആനന്ദിന്റേത് തന്നെയാണ് ചിത്രത്തിന്റെ തിരക്കഥയും. മലയാളി താരം മഞ്ജിമ മോഹനും ചിത്രത്തില് ഒരു പ്രധാന കഥാപാത്രമായി എത്തിയിരുന്നു. വിവി സ്റ്റുഡിയോസാണ് ചിത്രം നിര്മിച്ചിരിക്കുന്നത്. അരുള് വിൻസെന്റാണ് ചിത്രത്തിന്റെ ഛായാഗ്രാഹണം നിര്വഹിച്ചിക്കുന്നത്. അശ്വത് സംഗീത സംവിധാനം ചെയ്ത ചിത്രം മോശമല്ലാത്ത പ്രതികരണം നേടിയിരുന്നു.
ഐശ്വര്യ ലക്ഷ്മി നായികയായി ഏറ്റവും ഒടുവില് പ്രദര്ശനത്തിന് എത്തിയ മലയാള ചിത്രമാണ് 'കുമാരി'. നിര്മല് സഹദേവാണ് ചിത്രം സംവിധാനം ചെയ്തിരിക്കുന്നത്. നിര്മല് സഹദേവിനൊപ്പം ഫസല് ഹമീദും തിരക്കഥാരചനയില് പങ്കാളിയായിരിക്കുന്നു. മികച്ച പ്രതികരമാണ് ചിത്രത്തിന് തിയറ്ററുകളില് നിന്ന് ലഭിക്കുന്നത്. ലിസ്റ്റിൻ സ്റ്റീഫന്റെ മാജിക് ഫ്രെയിംസ് ചിത്രം തിയേറ്ററുകളിലെത്തിച്ചിരിക്കുന്നു. ഡയറക്ടർ ഓഫ് ഫോട്ടോഗ്രാഫി എബ്രഹാം. പിആർഒ പ്രതീഷ് ശേഖർ. മേക്ക്അപ്പ് അമൽ ചന്ദ്രൻ. കൈതപ്രം ജ്യോതിഷ് കാശി, ജോ പോൾ എന്നിവരും ഗാനരചന നിര്വഹിച്ചിരിക്കുന്നു. ചീഫ് അസ്സോസിയേറ്റ് ബോബി സത്യശീലൻ, ബാക്ക്ഗ്രൗണ്ട് സ്കോർ ജേക്സ് ബിജോയ്, മണികണ്ഠൻ അയ്യപ്പാ, വി എഫ് എക്സ് സനന്ത് ടി ജി, വിശാൽ ടോം ഫിലിപ്പ്, സൗണ്ട് മിക്സിങ് അരവിന്ദ് മേനോൻ, സൗണ്ട് ഡിസൈൻ സിങ്ക് മീഡിയ, സ്റ്റിൽസ് സഹൽ ഹമീദ്, ഡിസൈൻ ഓൾഡ് മംഗ്സ്, പ്രൊമോഷൻ കൺസൽട്ടന്റ് വിപിൻ കുമാർ, മാർക്കറ്റിങ് ബിനു ബ്രിങ് ഫോർത്ത്,ഡിസ്ട്രിബ്യൂഷൻ ഹെഡ് ബബിൻ.
Read More: മാസായി ചിരഞ്ജീവി, 'വാള്ട്ടര് വീരയ്യ' ചിത്രത്തിന്റെ ടൈറ്റില് ട്രാക്ക് പുറത്ത്
