ശാലുമേനോന് വിവാഹിതയായി
ഗുരുവായൂര്: സിനിമ-സീരിയല് നടിയും നര്ത്തകിയുമായ ശാലുമേനോന് വിവാഹിതയായി. സീരിയല് നടനും കൊല്ലം സ്വദേശിയുമായ വക്കനാട് ഗോകുലം വീട്ടില് കെ.പി.ഗോപാലകൃഷ്ണന് നായരുടേയും ടി.വസന്തകുമാരിയമ്മയുടേയും മകന് സജി ജി. നായരാണ് വരന്. ചങ്ങനാശേരി പെരുന്ന അരവിന്ദത്തില് പരേതനായ എസ്. വേണുഗോപാലിന്റെയും കലാദേവിയുടേയും മകളാണ് ശാലു മേനോന്.
രാവിലെ പത്തിന് ഗുരുവായൂരിലായിരുന്നു താലികെട്ട്. തുടര്ന്ന് ഗുരുവായൂര് ദേവാങ്കണം ഓഡിറ്റോറിയത്തില് വിവാഹസദ്യയും നടന്നു. വെള്ളിയാഴ്ച സുരഭി ഓഡിറ്റോറിയത്തില് വിവാഹസല്ക്കാരം നടത്തും.