ദാദാ സാഹേബ് ഫാൽക്കെ അവാർഡ് ലഭിച്ച മോഹന്ലാലിന് മലയാളത്തില് ആശംസകളറിയിച്ച് ബോളിവുഡിന്റെ ബിഗ് ബി അമിതാഭ് ബച്ചന്. ഏറ്റവും അർഹമായ അംഗീകാരമാണ് മോഹൻലാലിന് ലഭിച്ചതെന്നും ബിഗ് ബി പറഞ്ഞു.
ദാദാ സാഹേബ് ഫാൽക്കെ അവാർഡ് ലഭിച്ച മോഹൻലാലിന് മലയാളത്തിൽ ആശംസ അറിയിച്ച് അമിതാഭ് ബച്ചൻ. ഏറ്റവും അർഹമായ അംഗീകാരമാണ് മോഹൻലാലിന് ലഭിച്ചതെന്നും തങ്ങൾക്കൊരു പാഠമായി തുടരട്ടെ എന്നും അമിതാഭ് ബച്ചൻ ആശംസിച്ചു. താൻ എപ്പോഴും ഒരു സമർപ്പിത ആരാധകനായി തുടരുന്നുവെന്നും ബിഗ് ബി കൂട്ടിച്ചേർത്തു.
"ദാദാ സാഹേബ് ഫാൽക്കെ അവാർഡ് നിങ്ങൾക്ക് ലഭിച്ചതിൽ മോഹൻലാൽ ജി വളരെ സന്തോഷവാനാണ്, അതിയായ സന്തോഷം തോന്നുന്നു - ഏറ്റവും അർഹമായ അംഗീകാരം! ഒരുപാട് അഭിനന്ദനങ്ങൾ. നിങ്ങളുടെ പ്രവൃത്തിയുടെയും കരകൗശലത്തിന്റെയും വലിയ ആരാധകനാണ് ഞാൻ. ഏറ്റവും പ്രകടമായ ചില വികാരങ്ങൾ പ്രകടിപ്പിക്കുന്നതിലെ ലാളിത്യം ശരിക്കും ശ്രദ്ധേയമാണ്. നിങ്ങളുടെ അജയ്യമായ കഴിവുകൾ കൊണ്ട് ഞങ്ങളെയെല്ലാം ആദരിക്കുന്നത് തുടരട്ടെ, ഞങ്ങൾക്ക് ഒരു പാഠമായി തുടരട്ടെ. അതിരറ്റ ആദരവോടും അഭിമാനത്തോടും കൂടി, ഞാൻ എപ്പോഴും ഒരു സമർപ്പിത ആരാധകനായി തുടരുന്നു. നമസ്കാർ", എന്നാണ് അമിതാഭ് ബച്ചൻ പങ്കുവച്ച പോസ്റ്റ്.
Related Articles
കഴിഞ്ഞ ദിവസം വൈകുന്നേരത്തോടെയാണ് ഇന്ത്യന് സിനിമയുടെ പരമോന്നത ബഹുമതിയായ ദാദാ സാഹേബ് ഫാൽക്കെ പുരസ്കാരം മോഹന്ലാലിന് ലഭിച്ചെന്ന വാര്ത്തകള് വന്നത്. പിന്നാലെ അദ്ദേഹത്തിന് അഭിനന്ദനവുമായി വിവിധ കോണുകളില് നിന്നും നിരവധി പേര് രംഗത്തെത്തുകയും ചെയ്തിരുന്നു. 2025 സെപ്തംബർ 23ന് (ചൊവ്വ) നടക്കുന്ന 71-ാമത് ദേശീയ ചലച്ചിത്ര അവാർഡ് ദാന ചടങ്ങിൽ വെച്ച് മോഹന്ലാലിന് അവാർഡ് സമ്മാനിക്കും. മലയാളത്തിന് ലഭിക്കുന്ന രണ്ടാമത്തെ ഫാല്ക്കേ പുരസ്കാരമാണിത്. 2004ല് അടൂര് ഗോപാലകൃഷ്ണന് പുരസ്കാരം ലഭിച്ചിരുന്നു. 2019ല് രജനികാന്തിനും പുരസ്കാരം ലഭിച്ചിട്ടുണ്ട്. തലമുറകളെ പ്രചോദിപ്പിക്കുന്ന സിനിമാ യാത്രയാണ് മോഹന്ലാലിന്റേതെന്നാണ് അവാര്ഡ് പ്രഖ്യാപനം നടത്തി ഇൻഫർമേഷൻ ആൻഡ് ബ്രോഡ്കാസ്റ്റിംഗ് മന്ത്രാലയം വിശേഷിപ്പിച്ചത്.
