ഏഷ്യാനെറ്റില് പുതിയ സീരിയല് തുടങ്ങുന്നു.
ഏഷ്യാനെറ്റ് ഏറ്റവും പുതിയ ഹൃദയസ്പർശിയായ കുടുംബപരമ്പരയായ "മഴ തോരും മുൻപേ" ജൂലൈ ഏഴ് മുതൽ സംപ്രേക്ഷണം ചെയ്യാനൊരുങ്ങുന്നു. എല്ലാദിവസവും രാത്രി ഏഴ് മണിക്കാണ് ഇത് സംപ്രേക്ഷണം ചെയ്യുന്നത്.
കുടുംബത്തിന്റെ അവഗണനയുടെ വേദനകൾക്കിടയിലും, കരുണയോടും കൂടി ജീവിതം നയിക്കുന്ന യുവതിയായ അലീനയുടെ ഹൃദയസ്പർശിയായ കഥയാണ് "മഴ തോരും മുൻപേ" പറയുന്നത്. അമ്മ ജീവിച്ചിരിപ്പുണ്ടായിട്ടും, അലീന ഒരുഅനാഥയെപ്പോലെയാണ് വളരുന്നത്. ജീവിതത്തിലെ കഠിനയാഥാർത്ഥ്യങ്ങളെ അവൾ നിശബ്ദമായി ശക്തിയോടെ നേരിടുന്നു, എന്നെങ്കിലും തന്റെ മാതാപിതാക്കളെ വീണ്ടും കണ്ടെത്താനും സന്തോഷം നേടാനും കഴിയുമെന്ന പ്രതീക്ഷ അവൾ എന്നും കാത്തുസൂക്ഷിക്കുന്നു.
വൈകാരികമായ കഥകൾക്ക് പേരുകേട്ട പ്രശസ്ത എഴുത്തുകാരൻ ജോയ്സിയുടെ നിരൂപകപ്രശംസ നേടിയ നോവലിനെ ആസ്പദമാക്കിയാണ് ഈ പരമ്പര ഒരുക്കിയിരിക്കുന്നത്.
സംഗീത് പി. രാജൻ, ജെറിസൈമൺ, മനുജോയ്സി എന്നിവർ ചേർന്ന് നിർമ്മിക്കുന്ന ഈ പരമ്പര സംവിധാനം ചെയ്തിരിക്കുന്നത് ബിനു വെളളാട്ടൂവലാണ്. ശോഭമോഹൻ, നിഖിത രാജേഷ്, വൈഷ്ണവി സായികുമാർ, കിഷോർ, ജയകൃഷ്ണൻ, എം.ആർ. ഗോപകുമാർ, രാഹുൽ സുരേഷ്, ബാദുഷ, നിതപ്രോമി, സാജുകൊടിയൻ, മനീഷ എന്നിവരടങ്ങുന്ന ഒരു വലിയ താരനിര ഈപരമ്പരയിൽ അണിനിരക്കുന്നു. ഇവർ കഥയുടെ വൈകാരികമായ ആഴവും സങ്കീർണ്ണതയും മനോഹരമായിഅവതരിപ്പിക്കുന്നു. ശക്തമായ കഥാഖ്യാനത്തിലൂടെയും മികച്ചപ്രകടനങ്ങളിലൂടെയും, "മഴ തോരും മുൻപേ" പ്രേക്ഷകമനസ്സിൽ ഇടംനേടുമെന്നും പ്രൈംടൈം നിരയിലെ ഒരുപ്രധാന പരമ്പരയായിമാറുമെന്നും ഉറപ്പാണ്. സ്നേഹം, നഷ്ടം, പ്രതീക്ഷ എന്നിവയുടെ ഈ ഹൃദയസ്പർശിയായ യാത്ര അനുഭവിക്കാൻ ജൂലൈ 7മുതൽ ഏഷ്യാനെറ്റിൽ തിങ്കൾ മുതൽ ഞായർ വരെ വൈകുന്നേരം 7മണിക്ക് "മഴ തോരും മുൻപേ" സംപ്രേക്ഷണം ചെയ്യുന്നു.
