മനോഹരമായ ആനിമേറ്റഡ് ചിത്രങ്ങൾ നിർമിക്കുന്നതിൽ പ്രശസ്തമായ ഒരു ജാപ്പനീസ് അനിമേഷൻ സ്റ്റുഡിയോയാണ് ഗിബ്ലി.
താര കല്യാണിന്റെ മകൾ സൗഭാഗ്യ വെങ്കിടേഷ് സോഷ്യൽ മീഡിയയിലെ താരമാണ്. സൗഭാഗ്യ പങ്കുവയ്ക്കുന്ന പോസ്റ്റുകൾ എല്ലാം ഞൊടിയിട കൊണ്ടാണ് ശ്രദ്ധനേടാറുള്ളതും. ഇപ്പോഴിതാ സോഷ്യൽ മീഡിയയിലെ പുതിയ ട്രൻഡ് ആയ ഗിബ്ലി ചിത്രങ്ങളാണ് സൗഭാഗ്യ സോഷ്യൽ മീഡിയയിലൂടെ പങ്കുവെച്ചിരിക്കുന്നത്. ഗിബ്ലി അനിമേഷനിലൂടെ ചെയ്ത കുടുംബചിത്രവും മകൾ സുധാപ്പൂ എന്നു വിളിക്കുന്ന സുദർശനയുടെ ചിത്രങ്ങളും സൗഭാഗ്യ പോസ്റ്റ് ചെയ്തിട്ടുണ്ട്.
സുധാപ്പുവിന്റെ വിശേഷങ്ങൾ അറിയാൻ നിരവധി ആളുകൾ കാത്തിരിക്കാറുണ്ട്. തന്റെ യൂട്യൂബ് ചാനലിലൂടെയും സോഷ്യൽ മീഡിയയിലൂടെയും സൗഭാഗ്യ മകളുടെയും കുടുംബത്തിന്റെയും വിശേഷങ്ങൾ ആരാധകരെ അറിയിക്കാറുമുണ്ട്. വീട്ടിലെ വിശേഷങ്ങളും ഡാൻസ് ക്ലാസിലെ കാര്യങ്ങളും മകളെക്കുറിച്ചുള്ള വിശേഷങ്ങളുമെല്ലാം ഇതിൽ ഉൾപ്പെടുന്നു.
മകളുടെ ജനനം മുതലുള്ള ഓരോ വിശേഷങ്ങളും സൗഭാഗ്യ ആരാധകരോട് പങ്കുവെയ്ക്കാറുണ്ട്. മകൾക്ക് പേരിട്ടതും അവളുമായി വീട്ടിലെത്തിയതുമൊക്കെ സൗഭാഗ്യ സോഷ്യൽ മീഡിയയിലൂടെ പങ്കുവെച്ചിരുന്നു. സൗഭാഗ്യയെക്കൂടാതെ നിരവധി സെലിബ്രിറ്റികൾ തങ്ങളുടെ പ്രിയപ്പെട്ട നിമിഷങ്ങൾ എഐയുടെ സഹായത്തോടെ അനിമേറ്റഡ് ചിത്രങ്ങളാക്കി മാറ്റി ഷെയർ ചെയ്യുന്നുണ്ട്.
'9 മാസം നിഗൂഢമായി സൂക്ഷിച്ച സ്വപ്നം'; നടി ഐമ റോസ്മി അമ്മയായി
മനോഹരമായ ആനിമേറ്റഡ് ചിത്രങ്ങൾ നിർമിക്കുന്നതിൽ പ്രശസ്തമായ ഒരു ജാപ്പനീസ് അനിമേഷൻ സ്റ്റുഡിയോയാണ് ഗിബ്ലി. 1985-ൽ പ്രമുഖ ചലച്ചിത്ര നിർമാതാക്കളായ ഹയാവോ മിയാസാക്കി, ഇസാവോ തകഹാറ്റ എന്നിവരുടെ നേതൃത്വത്തില് സ്ഥാപിച്ച ഈ സ്റ്റുഡിയോ നിരവധി അനിമേഷൻ സിനിമകൾ നിര്മിച്ചിട്ടുണ്ട്. സ്പിരിട്ടഡ് എവേ, മൈ നൈബര് ടൊട്ടോരോ, കിക്കിസ് ഡെലിവറി സര്വീസ്, ദി വിന്റ് റൈസസ് തുടങ്ങിയ ചിത്രങ്ങള് ഇതിൽ പ്രധാനപ്പെട്ടവയാണ്. ഈ സിനിമകൾക്കായി മിയാസാക്കി വരച്ച തരത്തിലുള്ള അനിമേറ്റഡ് ചിത്രങ്ങളാണ് ഇപ്പോൾ എഐ സഹായത്തോടെ സൃഷ്ടിച്ചെടുക്കുന്നത്. ചാറ്റ് ജിപിടിയെ കൂടാതെ ഗൂഗിള് ജെമിനി, പ്രിസ്മ, ഫോട്ടോര്, ഗ്രോക്ക് തുടങ്ങിയ ചാറ്റ്ബോട്ടുകൾ വഴിയും ഗിബ്ലി ഇമേജുകൾ സൃഷ്ടിക്കാം.
