പൊതുവിഭാഗം റേഷൻ കാർഡുകൾ മുൻഗണനാ വിഭാഗത്തിലേക്ക് (പിങ്ക് കാർഡ്) മാറ്റാൻ നാളെ മുതൽ അവസരം. അർഹരായവർക്ക് ജൂൺ 27 മുതൽ ജൂലൈ 17 വരെ അക്ഷയ കേന്ദ്രങ്ങൾ വഴിയോ സിറ്റിസൺ ലോഗിൻ പോർട്ടൽ വഴിയോ ഓൺലൈനായി അപേക്ഷിക്കാം.
തിരുവനന്തപുരം: മുന്ഗണനാ റേഷന് കാര്ഡുകള്ക്ക് നാളെ മുതൽ അപേക്ഷിക്കാമെന്ന് പൊതുവിതരണ ഉപഭോക്തൃകാര്യ കമ്മിഷണര് അറിയിച്ചു. ഒഴിവാക്കല് മാനദണ്ഡങ്ങളില് ഉള്പ്പെടാത്ത കുടുംബങ്ങളുടെ പൊതുവിഭാഗം (വെള്ള, നീല) റേഷന് കാര്ഡുകള് പി എച്ച് എച്ച്. വിഭാഗത്തിലേക്ക് (പിങ്ക് കാര്ഡ്) തരംമാറ്റാനായി നാളെ (27/06/2026) മുതല് അടുത്തമാസം 17 വരെ (17/07/2026) ഓണ്ലൈനായാണ് അപേക്ഷിക്കേണ്ടത്. അര്ഹരായ കാര്ഡുടമകള് ബന്ധപ്പെട്ട രേഖകള് സഹിതം അക്ഷയ കേന്ദ്രങ്ങള് വഴിയോ സിറ്റിസണ് ലോഗിന് പോര്ട്ടല് (ecitizen.civilsupplieskerala.gov.in ) മുഖേനയോ ഓണ്ലൈന് ആയി അപേക്ഷിക്കണം. മുന്ഗണനാ റേഷന് കാര്ഡുകള് ലഭിക്കാന് അര്ഹതയുള്ള, മുന്ഗണനേതര വിഭാഗക്കാര്ക്ക് ഇതിന്റെ പ്രയോജനം ലഭിക്കും.
ഏഷ്യാനെറ്റ് ന്യൂസ് പ്രധാന വാർത്താ സ്രോതസായി തെരഞ്ഞെടുക്കുക
