വിറ്റാമിന് എ, ബി, സി, ഇ, കെ, കാത്സ്യം, അയേണ്, മഗ്നീഷ്യം, പൊട്ടാസ്യം, സിങ്ക് എന്നിവയും ഉയര്ന്ന തോതില് നാരുകളും വെണ്ടയ്ക്കയിൽ അടങ്ങിയിട്ടുണ്ട്. അതുകൊണ്ടു തന്നെ ഇവ ആരോഗ്യത്തിന് ഏറെ നല്ലതാണ്.
ലേഡീസ് ഫിംഗര്, ഓക്ര അല്ലെങ്കില് ഭിണ്ടി എന്നൊക്കെ അറിയപ്പെടുന്ന വെണ്ടയ്ക്ക നിരവധി പോഷകഗുണങ്ങളുള്ള ഒരു പച്ചക്കറിയാണ്. ദിവസവും ചോറിനൊപ്പം വെണ്ടയ്ക്ക തോരന് കഴിക്കുന്നവരുണ്ട്. വിറ്റാമിന് എ, ബി, സി, ഇ, കെ, കാത്സ്യം, അയേണ്, മഗ്നീഷ്യം, പൊട്ടാസ്യം, സിങ്ക് എന്നിവയും ഉയര്ന്ന തോതില് നാരുകളും വെണ്ടയ്ക്കയിൽ അടങ്ങിയിട്ടുണ്ട്. അതുകൊണ്ടു തന്നെ ഇവ ആരോഗ്യത്തിന് ഏറെ നല്ലതാണ്.
അറിയാം ദിവസവും വെണ്ടയ്ക്ക കഴിക്കുന്നതു കൊണ്ടുള്ള ആരോഗ്യ ഗുണങ്ങള്...
ഒന്ന്...
വിറ്റാമിന് സി ധാരാളം അടങ്ങിയിട്ടുള്ള വെണ്ടയ്ക്ക പതിവായി കഴിക്കുന്നത് രോഗപ്രതിരോധശേഷി വര്ധിപ്പിക്കാന് സഹായിക്കും.
രണ്ട്...
ധാരാളം ഫൈബര് അടങ്ങിയിരിക്കുന്ന വെണ്ടയ്ക്ക ദഹനത്തിന് നല്ലതാണ്. വെണ്ടയ്ക്ക പതിവായി കഴിക്കുന്നത് മലബന്ധം അകറ്റാനും സഹായിക്കും.
മൂന്ന്...
ആന്റിഓക്സിഡന്റ് ഗുണങ്ങള് ഉള്ളതിനാല് ഫ്രീ റാഡിക്കല് നാശത്തില് നിന്ന് കരളിനെ സംരക്ഷിക്കാനും വെണ്ടയ്ക്ക സഹായിക്കും.
നാല്...
വെണ്ടയ്ക്ക പതിവായി കഴിക്കുന്നത് കൊളസ്ട്രോളിന്റെ അളവ് നിയന്ത്രിക്കാനും ഹൃദയത്തിന്റെ ആരോഗ്യം നിലനിര്ത്താനും സഹായിക്കും.
അഞ്ച്...
നാരുകള് ധാരാളം അടങ്ങിയ വെണ്ടയ്ക്ക പ്രമേഹ രോഗികള്ക്ക് കഴിക്കാവുന്ന ഒരു പച്ചക്കറിയാണ്. ഭക്ഷണങ്ങളില് നിന്ന് കാര്ബോഹൈഡ്രേറ്റ് എടുക്കുന്നതിനെ പരിമിതപ്പെടുത്താൻ വെണ്ടയ്ക്ക സഹായിക്കുന്നു. ഇതിലൂടെ ഗ്ലൂക്കോസ് നില നിയന്ത്രിച്ചുനിര്ത്താനാകുന്നു. വെണ്ടയ്ക്കയുടെ ഗ്ലൈസെമിക് ഇൻഡക്സും കുറവാണ്. അതിനാല് ഇവ പ്രമേഹ രോഗികള്ക്ക് ഡയറ്റില് ഉള്പ്പെടുത്താം.
ആറ്...
മഗ്നീഷ്യം അടങ്ങിയ വെണ്ടയ്ക്ക എല്ലുകളുടെ ആരോഗ്യത്തിനും നല്ലതാണ്. അതിനാല് കുട്ടികള്ക്ക് ദിവസവും ചോറിനൊപ്പം വെണ്ടയ്ക്ക കൊണ്ടുള്ള വിഭവങ്ങള് നല്കുന്നത് നല്ലതാണ്.
ഏഴ്...
വെണ്ടയ്ക്ക പതിവായി ആഹാര ക്രമത്തിൽ ഉൾപ്പെടുത്തിയാൽ കാഴ്ചശക്തി വര്ധിപ്പിക്കാനും സഹായിക്കാം. വെണ്ടയ്ക്കയിലുള്ള വിറ്റാമിന് സി, ഇ, സിങ്ക് എന്നിവയാണ് കണ്ണിന്റെ ആരോഗ്യം മെച്ചപ്പെടുത്താന് സഹായിക്കുന്നത്.
എട്ട്...
വിറ്റാമിന് സിയും മറ്റ് ആന്റി ഓക്സിഡന്റുകളും അടങ്ങിയ വെണ്ടയ്ക്ക ചർമ്മസംരക്ഷണത്തിനും നല്ലതാണ്.
ഒമ്പത്...
ഫോളേറ്റ് ധാരാളം അടങ്ങിയ വെണ്ടയ്ക്ക കഴിക്കുന്നത് ഗര്ഭിണികള്ക്ക് ഏറെ ഗുണം ചെയ്യും.
പത്ത്...
വണ്ണം കുറയ്ക്കാൻ ശ്രമിക്കുന്നവര്ക്കും വെണ്ടയ്ക്ക ഡയറ്റില് ഉള്പ്പെടുത്താം. ഫൈബര് അടങ്ങിയ ഇവ വിശപ്പ് കുറയ്ക്കാനും അതുവഴി വണ്ണം കുറയ്ക്കാനും സഹായിക്കും.
ശ്രദ്ധിക്കുക: ആരോഗ്യ വിദഗ്ധന്റെയോ ന്യൂട്രീഷനിസ്റ്റിന്റെയോ ഉപദേശം തേടിയ ശേഷം മാത്രം ആഹാര ക്രമത്തില് മാറ്റം വരുത്തുക.
Also Read: എല്ലുകളിലെ അര്ബുദം; ഈ ലക്ഷണങ്ങളെ നിസാരമായി കാണരുതേ...