ആരോഗ്യകരമായ കൊഴുപ്പുകൾ അടങ്ങിയ നിലക്കടല ചീത്ത കൊളസ്ട്രോളിനെ കുറയ്ക്കാനും ഹൃദയാരോഗ്യം സംരക്ഷിക്കാനും സഹായിക്കും. രക്തത്തിലെ പഞ്ചസാരയുടെ അളവ് നിയന്ത്രിക്കാനും നിലക്കടലയ്ക്ക് കഴിയുമെന്നാണ് പഠനങ്ങള് പറയുന്നത്.
നിരവധി പോഷകങ്ങള് അടങ്ങിയ ഒന്നാണ് നിലക്കടല. കപ്പലണ്ടിയെന്നും അറിയപ്പെടുന്ന നിലക്കടല എല്ലാവര്ക്കും ഇഷ്ടമുള്ള ഒരു നട്സുമാണ്. വിറ്റാമിനുകള്, മിനറലുകള്, ആന്റി ഓക്സിഡന്റുകള്, നാരുകൾ, പ്രോട്ടീൻ, ആരോഗ്യകരമായ കൊഴുപ്പുകൾ തുടങ്ങിയവ നിറഞ്ഞതാണ് നിലക്കടല. പൊട്ടാസ്യം, സോഡിയം, മഗ്നീഷ്യം, ഫോസ്ഫറസ്, കോപ്പര് തുടങ്ങിയവയും ഇവയില് അടങ്ങിയിട്ടുണ്ട്. മിതമായ അളവില് ദിവസവും നിലക്കടല കഴിക്കുന്നത് ആരോഗ്യത്തിന് നല്ലതാണ് എന്നാണ് ആരോഗ്യ വിദഗ്ധര് പറയുന്നത്.
ആരോഗ്യകരമായ കൊഴുപ്പുകൾ അടങ്ങിയ നിലക്കടല ചീത്ത കൊളസ്ട്രോളിനെ കുറയ്ക്കാനും ഹൃദയാരോഗ്യം സംരക്ഷിക്കാനും സഹായിക്കും. രക്തത്തിലെ പഞ്ചസാരയുടെ അളവ് നിയന്ത്രിക്കാനും നിലക്കടലയ്ക്ക് കഴിയുമെന്നാണ് പഠനങ്ങള് പറയുന്നത്. നിലക്കടലയുടെ ഗ്ലൈസെമിക് ഇൻഡക്സ് കുറവാണ്. ഒരു പ്രമേഹ രോഗിയെ സംബന്ധിച്ചിടത്തോളം കുറഞ്ഞ ഗ്ലൈസെമിക് ഇൻഡക്സ് ഉള്ള ഭക്ഷണങ്ങളാണ് കഴിക്കേണ്ടത്. നിലക്കടലയില് ഫൈബറും അടങ്ങിയിട്ടുണ്ട്. അതിനാല് തന്നെ നിലക്കടല പ്രമേഹ രോഗികള്ക്ക് മിതമായ അളവില് കഴിക്കാം.
ഫൈബര് ധാരാളം അടങ്ങിയിട്ടുളളതിനാല് ദഹനം മെച്ചപ്പെടുത്താനും നിലക്കടല സഹായിക്കും. ആന്റി ഓക്സിഡന്റുകള് അടങ്ങിയ ഇവ ശരീരത്തിന്റെ മൊത്തം ആരോഗ്യത്തിനും ഗുണം ചെയ്യും. ചര്മ്മത്തിന്റെ ആരോഗ്യത്തിനും നിലക്കടല കഴിക്കുന്നത് നല്ലതാണ്. കൂടാതെ വണ്ണം കുറയ്ക്കാന് ആഗ്രഹിക്കുന്നവര്ക്കും ഡയറ്റില് ഉള്പ്പെടുത്താവുന്ന ഒന്നാണ് നിലക്കടല. പ്രോട്ടീനും ഫൈബറും ആരോഗ്യകരമായ കൊഴുപ്പും അടങ്ങിയ നിലക്കടല കഴിക്കുന്നത് വണ്ണം കുറയ്ക്കാന് ആഗ്രഹിക്കുന്നവര്ക്ക് കഴിക്കുന്നത് ഗുണം ചെയ്യും.
ശ്രദ്ധിക്കുക: ആരോഗ്യ വിദഗ്ധന്റെയോ ന്യൂട്രീഷനിസ്റ്റിന്റെയോ ഉപദേശം തേടിയ ശേഷം മാത്രം ആഹാരക്രമത്തില് മാറ്റം വരുത്തുക.
Also Read: തലച്ചോറിന്റെ ആരോഗ്യത്തിനായി കഴിക്കാം ഈ ഭക്ഷണങ്ങള്...
