ഫൈബറിനാല് സമ്പന്നമാണ് ചിയ വിത്തുകള്. കൂടാതെ ഇവയില് ഒമേഗ 3 ഫാറ്റി ആസിഡും പ്രോട്ടീനും കാത്സ്യവും സിങ്കും അയേണും മറ്റ് ആന്റി ഓക്സിഡന്റുകളും അടങ്ങിയിട്ടുണ്ട്.
വയര് കുറയ്ക്കാന് വേണ്ടി പല വഴികളും പരീക്ഷിക്കുന്നവരുണ്ട്. അടിവയറ്റിലെ കൊഴുപ്പിനെ പുറംതള്ളാന് സഹായിക്കുന്ന ഒന്നാണ് ചിയ സീഡ്സ് അഥവാ ചിയ വിത്തുകള്. ഫൈബറിനാല് സമ്പന്നമാണ് ചിയ വിത്തുകള്. കൂടാതെ ഇവയില് ഒമേഗ 3 ഫാറ്റി ആസിഡും പ്രോട്ടീനും കാത്സ്യവും സിങ്കും അയേണും മറ്റ് ആന്റി ഓക്സിഡന്റുകളും അടങ്ങിയിട്ടുണ്ട്.
ഫൈബര് അടങ്ങിയ ചിയ വിത്തുകള് വിശപ്പ് കുറയ്ക്കാനും വയര് നിറയ്ക്കാനും അതുവഴി വണ്ണം കുറയ്ക്കാനും സഹായിക്കും. കൂടാതെ വയര് കുറയ്ക്കാനും ഇവ സഹായിക്കും. നൂറ് ഗ്രാം ചിയ വിത്തുകള് കഴിക്കുന്നത് ആ ദിവസത്തെ മുഴുവന് വിശപ്പിനെയും കുറയ്ക്കാന് സഹായിക്കും. ഇതിനായി ചിയ വിത്തുകള് കൊണ്ടുള്ള പാനീയം തയ്യാറാക്കാം. ഇതിനായി ആദ്യം വെള്ളത്തില് രണ്ട് ടേബിള്സ്പൂണ് ചിയ വിത്തുകള് ചേര്ക്കുക. ഇനി ഇതിലേയ്ക്ക് ഏതാനും തുള്ളി നാരങ്ങാ നീര് കൂടി ചേര്ത്തിളക്കാം. ശേഷം ഇവ എന്നും രാവിലെ വെറും വയറ്റില് കുടിക്കാം. അടിവയറ്റിലെ കൊഴുപ്പിനെ പുറംതള്ളാന് ഈ പാനീയം സഹായിക്കും.
ഒമേഗ 3 ഫാറ്റി ആസിഡുകളുടെ കലവറയാണ് ചിയ സീഡ്സ്. അതിനാല് ഇവ കഴിക്കുന്നത് ഹൃദയാരോഗ്യ സംരക്ഷിക്കാന് സഹായിക്കും. തലച്ചോറിന്റെ ആരോഗ്യത്തിനും ഇവ ഗുണം ചെയ്യും. രക്തത്തിലെ പഞ്ചസാരയുടെ അളവിനെ നിയന്ത്രിക്കാനും ഇവ സഹായിക്കും. ഇതിനായി രാവിലെ ചിയ സീഡ്സ് കുതിര്ത്ത് വച്ച വെള്ളം കുടിക്കാം. കാത്സ്യം, ഫോസ്ഫറസ് തുടങ്ങിയവ അടങ്ങിയതാണ് ചിയ വിത്തുകള്. അതിനാല് ഇവ കഴിക്കുന്നത് എല്ലുകളുടെ ആരോഗ്യത്തിനും ഗുണം ചെയ്യും. ഫൈബര് ധാരാളം അടങ്ങിയ ചിയ സീഡ്സ് കഴിക്കുന്നത് ദഹനം മെച്ചപ്പെടുത്താനും മലബന്ധത്തെ അകറ്റാനും സഹായിക്കും. പ്രോട്ടീന്, കാര്ബോ, ആരോഗ്യകരമായ കൊഴുപ്പ്, ഫൈബര് എന്നിവ അടങ്ങിയ ചിയ സീഡ്സ് രാവിലെ കഴിക്കുന്നത് ആ ദിവസത്തെ മുഴുവന് ഊര്ജത്തിനും ഗുണം ചെയ്യും. ആന്റി ഓക്സിഡന്റുകള് ധാരാളം അടങ്ങിയ ചിയ സീഡ് വെള്ളം കുടിക്കുന്നത് ചര്മ്മത്തിന്റെ ആരോഗ്യത്തിനും നല്ലതാണ്.
ശ്രദ്ധിക്കുക: ആരോഗ്യ വിദഗ്ധന്റെയോ ന്യൂട്രീഷനിസ്റ്റിന്റെയോ ഉപദേശം തേടിയ ശേഷം മാത്രം ആഹാരക്രമത്തില് മാറ്റം വരുത്തുക.
Also read: യൂറിക് ആസിഡ് കുറയ്ക്കാന് ഡയറ്റില് ഉള്പ്പെടുത്താം ഈ ആറ് ഭക്ഷണങ്ങള്...
