പേര്, 'ഗോൾഡൻ ബോയ്'; ഈ ബർഗറിന്റെ വില കേട്ടാൽ ഞെട്ടും
വില കൂടിയ ഒരു ബർഗറിനെ പരിചയപ്പെട്ടാലോ...ഗോൾഡൻ ബോയ് എന്നാണ് ഈ ബർഗറിന്റെ പേര്. ഈ ബർഗറിന്റെ വില കേട്ടാൽ നിങ്ങൾ ശരിക്കുമൊന്ന് ഞെട്ടും.
കുട്ടികൾക്ക് ഏറെ പ്രിയപ്പെട്ട ഭക്ഷണമാണല്ലോ ബർഗർ. വില കൂടിയ ഒരു ബർഗറിനെ പരിചയപ്പെട്ടാലോ...ഗോൾഡൻ ബോയ് എന്നാണ് ഈ ബർഗറിന്റെ പേര്. ഈ ബർഗറിന്റെ വില കേട്ടാൽ നിങ്ങൾ ശരിക്കുമൊന്ന് ഞെട്ടും. 5000 പൗണ്ട് (ഏകദേശം 4 ലക്ഷം 42 ആയിരം രൂപ). നെതർലാൻഡിലെ ഒരു ഭക്ഷണശാലയിലാണ് വിലകൂടിയ ഈ ബർഗർ വിൽക്കുന്നത്.
ലോക റെക്കോർഡ് തകർക്കാൻ പണ്ട് മുതൽക്കേ എനിക്കൊരു സ്വപ്നമുണ്ടായിരുന്നു, ഇപ്പോൾ അത് ചെയ്യാൻ കഴിയുന്നത് അതിശയകരമാണെന്ന് വൂർത്തുയിഗെൻ നഗരത്തിൽ സ്ഥിതിചെയ്യുന്ന Outlet De Daltons എന്ന ഫുഡ് ഔട്ട്ലെറ്റിന്റെ ഉടമ റോബർട്ട് ജെയ്ൻ ഡി വീൻ പറഞ്ഞു.
ഈ ബർഗറിന് ഇത്രയും വില നൽകാൻ ഒരു കാരണമുണ്ടെന്നും ഉടമ റോബർട്ട് പറയുന്നു. ഈ ബർഗറിന്റെ ബണ്ണിൽ ഒരു ഗോൾഡ് ലീഫ് ഉണ്ടെന്നു കൂടാതെ, ട്രഫിൽ (മഷ്റൂം), കിംഗ് ക്രാബ്, ബെലുഗ കാവിയാർ (സ്റ്റർജിയൻ എന്ന മത്സ്യത്തിന്റെ ബീജസങ്കലനം ചെയ്യാത്ത മുട്ടകൾ), താറാവ് മുട്ട മയോന്നൈസ്, എന്നിവ കൊണ്ടാണ് ഇത് ഉണ്ടാക്കിയിരിക്കുന്നതെന്നും അദ്ദേഹം പറയുന്നു.