ഏഷ്യാനെറ്റ് ന്യൂസ് ഓണ്ലൈനില് ഇത്തവണ വ്യത്യസ്ത തരം സ്ട്രീറ്റ് ഫുഡ് റെസിപ്പികൾ. ഇന്ന് പ്രഭ കൈലാസ് തയ്യാറാക്കിയ പാചകക്കുറിപ്പ്.
'രുചിക്കാലം' വ്യത്യസ്തമായ പാചകക്കുറിപ്പുകളുടെ ഈ ആഘോഷത്തിൽ പങ്കാളിയാവാൻ താൽപ്പര്യമുണ്ടോ? ഉണ്ടെങ്കിൽ നിങ്ങൾ തയ്യാറാക്കിയ വ്യത്യസ്തമായ പാചകക്കുറിപ്പുകൾ നല്ലൊരു ഫോട്ടോയും വിശദമായ വിലാസവും അടക്കം ruchikalamrecipes@gmail.com എന്ന വിലാസത്തിൽ അയക്കുക. യൂ ട്യൂബ് വീഡിയോ ഉണ്ടെങ്കിൽ അതിന്റെ ലിങ്ക് കൂടി അയക്കാം. സബ്ജക്റ്റ് ലൈനിൽ Recipes എന്ന് എഴുതണം. മികച്ച പാചകക്കുറിപ്പുകൾ രുചിക്കാലം പ്രസിദ്ധീകരിക്കും.
വീട്ടില് കാബേജ് ഇരിപ്പുണ്ടോ? എങ്കില് ഇന്ന് വൈകുന്നേരം കറുമുറെ കഴിക്കാന് കാബേജ് പക്കോഡ തയ്യാറാക്കിയാലോ?
വേണ്ട ചേരുവകൾ
കാബേജ് - 2 കപ്പ്
മൈദ - അര ക്കപ്പ്
പച്ചമുളക് - രണ്ടെണ്ണം
മല്ലിയില - ഒരു സ്പൂൺ
സവാള - ഒരു കപ്പ്
ചില്ലി പേസ്റ്റ് - ഒരു സ്പൂൺ
സോയ സോസ് - ഒരു സ്പൂൺ
ഉപ്പ് - ആവശ്യത്തിന്
ക്യാപ്സിക്കം - നാല് സ്പൂൺ
എണ്ണ - 1/2 ലിറ്റർ
തയ്യാറാക്കുന്ന വിധം
ഒരു പാത്രത്തിലേക്ക് ആവശ്യത്തിന് കാബേജ് ചെറുതായി അരിഞ്ഞത് ചേർത്ത് കൊടുക്കുക. ശേഷം അതിലേയ്ക്ക് പച്ചമുളകും ക്യാപ്സിക്കവും സവാളയും കുറച്ചു മല്ലിയിലയും ഉപ്പും ചേർത്ത് കൊടുക്കാം. ഇനി കുറച്ച് മൈദയും ചേർത്ത് വെള്ളം ഒഴിക്കുക. ശേഷം അതിലേക്ക് ചില്ലി പേസ്റ്റും സോയ സോസും കൂടി ഒഴിച്ച് കൈകൊണ്ട് നന്നായിട്ട് കുഴച്ചെടുക്കുക. ഉപ്പ് പാകമാണോ എന്നും നോക്കുക. എന്നിട്ട് ഇവ ചെറിയ ഉരുളകൾ ആക്കി എണ്ണയിലേയ്ക്കിട്ട് വറുത്തെടുക്കുകയാണ് ചെയ്യുന്നത്.
