വാഴപ്പഴം കാർബോഹൈഡ്രേറ്റുകളാൽ സമ്പുഷ്ടമാണ്. പ്രധാനമായും ഗ്ലൂക്കോസ്, ഫ്രക്ടോസ്, സുക്രോസ് തുടങ്ങിയ പ്രകൃതിദത്ത പഞ്ചസാരകളുടെ രൂപത്തിലാണ് ഇത്. ഇത് ഊർജ്ജ നില കൂട്ടുന്നു.
ദിവസം മുഴുവൻ പോസിറ്റീവായിരിക്കാനും ഊർജ്ജ നില നിലനിർത്തുന്നതിനും ഭക്ഷണക്രമം പ്രധാന പങ്കാണ് വഹിക്കുന്നത്. ശരിയായ ഭക്ഷണത്തോടെ ദിവസം ആരംഭിക്കുന്നത് നിർണായകമാണ്. ഒരു വാഴപ്പഴം കഴിച്ച് കൊണ്ട് ദിവസം ആരംഭിക്കുന്നത് വേഗത്തിലുള്ളതും കൊഴുപ്പില്ലാത്തതുമായ ഊർജ്ജവും അവശ്യ പോഷകങ്ങളും നൽകുന്നു.
ഒരു വാഴപ്പഴം ഉപയോഗിച്ച് ദിവസം ആരംഭിക്കുന്നത് ഒന്നിലധികം ആരോഗ്യ ഗുണങ്ങൾ നൽകുന്നു. വാഴപ്പഴം കുടൽ മൈക്രോബയോമിനെ വളരെയധികം പിന്തുണയ്ക്കുന്നു, ചെറുതായി പഴുക്കാത്ത വാഴപ്പഴത്തിൽ പ്രതിരോധശേഷിയുള്ള അന്നജം അടങ്ങിയിട്ടുണ്ട്. ഇത് ഒരു പ്രീബയോട്ടിക് ആയി പ്രവർത്തിക്കുകയും ഗുണം ചെയ്യുന്ന നല്ല കുടൽ ബാക്ടീരിയകളെ കൂട്ടാനും സഹായിക്കുന്നതായി ഗുരുഗ്രാമിലെ മാരെൻഗോ ഏഷ്യ ഹോസ്പിറ്റലിലെ ക്ലിനിക്കൽ ഡയറക്ടറും എച്ച്ഒഡി - ഗ്യാസ്ട്രോഎൻട്രോളജിയുമായ ഡോ. അമിത് മിത്തൽ പറയുന്നു.
വാഴപ്പഴം കാർബോഹൈഡ്രേറ്റുകളാൽ സമ്പുഷ്ടമാണ്. പ്രധാനമായും ഗ്ലൂക്കോസ്, ഫ്രക്ടോസ്, സുക്രോസ് തുടങ്ങിയ പ്രകൃതിദത്ത പഞ്ചസാരകളുടെ രൂപത്തിലാണ് ഇത്. ഇത് ഊർജ്ജ നില കൂട്ടുന്നു. വാഴപ്പഴം സ്വാഭാവികമായും വയറ്റിലെ ആസിഡിനെ നിർവീര്യമാക്കുന്നു. രാവിലെ ആസിഡ് റിഫ്ലക്സ് അല്ലെങ്കിൽ നെഞ്ചെരിച്ചിൽ അനുഭവപ്പെടുകയാണെങ്കിൽ അവയെ മികച്ച ആന്റാസിഡാക്കി മാറ്റുന്നു. സെൻസിറ്റീവ് വയറുള്ളവർക്ക് പോലും ദഹിക്കാൻ ഏറ്റവും എളുപ്പമുള്ള പഴങ്ങളിൽ ഒന്നായതിനാൽ വാഴപ്പഴം വയറിന് അനുയോജ്യമായ പഴമായി കണക്കാക്കപ്പെടുന്നു.
Related Articles
വാഴപ്പഴത്തിലെ ലയിക്കുന്ന നാരുകൾ, പ്രത്യേകിച്ച് പെക്റ്റിൻ സുഗമമായ മലവിസർജ്ജനത്തിന് സഹായിക്കുന്നു. നാരുകൾ അടങ്ങിയ ഭക്ഷണം കഴിച്ച് ദിവസം ആരംഭിക്കുന്നത് കൂടുതൽ നേരം വയറുനിറഞ്ഞതായി തോന്നിപ്പിക്കുകയും പിന്നീട് അനാരോഗ്യകരമായ ലഘുഭക്ഷണം കഴിക്കാനുള്ള താൽപര്യവും കൂട്ടുന്നു. വിറ്റാമിൻ ബി 6, ട്രിപ്റ്റോഫാൻ എന്നിവയുടെ സാന്നിധ്യം വാഴപ്പഴത്തിൽ അടങ്ങിയിട്ടുണ്ട്. ഇത് മൊത്തത്തിലുള്ള മാനസികാവസ്ഥ മെച്ചപ്പെടുത്താനും സഹായിക്കും.
