ഏഷ്യാനെറ്റ് ന്യൂസ് ഓണ്ലൈനില് ഇത്തവണ വ്യത്യസ്ത തരം സൂപ്പ് റെസിപ്പികള്. ഇന്ന് ഷിബി സാറ സക്കറിയ തയ്യാറാക്കിയ പാചകക്കുറിപ്പ്.
'രുചിക്കാലം' വ്യത്യസ്തമായ പാചകക്കുറിപ്പുകളുടെ ഈ ആഘോഷത്തിൽ പങ്കാളിയാവാൻ താൽപ്പര്യമുണ്ടോ? ഉണ്ടെങ്കിൽ നിങ്ങൾ തയ്യാറാക്കിയ വ്യത്യസ്തമായ പാചകക്കുറിപ്പുകൾ നല്ലൊരു ഫോട്ടോയും വിശദമായ വിലാസവും അടക്കം ruchikalamrecipes@gmail.com എന്ന വിലാസത്തിൽ അയക്കുക. യൂ ട്യൂബ് വീഡിയോ ഉണ്ടെങ്കിൽ അതിന്റെ ലിങ്ക് കൂടി അയക്കാം. സബ്ജക്റ്റ് ലൈനിൽ Recipes എന്ന് എഴുതണം. മികച്ച പാചകക്കുറിപ്പുകൾ രുചിക്കാലം പ്രസിദ്ധീകരിക്കും.
വീട്ടില് എളുപ്പത്തില് ബ്രോക്കൊളി സൂപ്പ് തയ്യാറാക്കിയാലോ?
വേണ്ട ചേരുവകൾ
ബ്രോക്കൊളി -2 കപ്പ്
ബട്ടർ -2 സ്പൂൺ
സവാള -1 കപ്പ്
ക്യാരറ്റ് -1 കപ്പ്
കുരുമുളക് പൊടി -2 സ്പൂൺ
ഉപ്പ് -1 സ്പൂൺ
പാൽ -2 കപ്പ്
തയ്യാറാക്കുന്ന വിധം
ആദ്യം ഒരു പാനില് കുറച്ചു ബട്ടർ എടുക്കുക. ശേഷം അതിലേയ്ക്ക് ആവശ്യത്തിന് സവാളയും ക്യാരറ്റ് അരിഞ്ഞതും കൂടി ചേർത്തു നല്ലതുപോലെ വഴറ്റിയെടുക്കുക. ഇനി അതിലേയ്ക്ക് കുറച്ച് മൈദ മാവ് കൂടി ചേർത്ത് നന്നായിട്ട് അതിനെ ഒന്ന് മൂപ്പിച്ച് നല്ലപോലെ മിക്സ് ആക്കി എടുക്കുക. ശേഷം അതിലേക്ക് ആവശ്യത്തിന് വെള്ളവും പാലും കൂടി ചേർത്തു കൊടുക്കാം. എന്നിട്ട് അതിലേയ്ക്ക് തന്നെ നമുക്ക് ബ്രോക്കൊളി ചെറിയ കഷണങ്ങളായി മുറിച്ചത് കൂടി ചേർത്ത് കൊടുക്കാം. ശേഷം കുരുമുളകുപൊടിയും ഉപ്പും കൂടി ചേർത്ത് നന്നായി ഇളക്കി യോജിപ്പിക്കുക. ഇത് നന്നായിട്ട് വെന്ത് ക്രീമി ആയിട്ട് വരുമ്പോൾ കഴിക്കാവുന്നതാണ്.
