ഹെൽത്തി ബ്രേക്ക്ഫാസ്റ്റ്; വാഴപ്പിണ്ടി കൊണ്ട് സ്പെഷ്യൽ ദോശ
വളരെ ഹെൽത്തിയും രുചികരവുമാണ് വാഴപ്പിണ്ടി ദോശ. എങ്ങനെയാണ് ഈ ദോശ തയ്യാറാക്കുന്നതെന്ന് നോക്കിയാലോ...
പ്രഭാതഭക്ഷണത്തിന് ദോശ തയ്യാറാക്കാറുണ്ടല്ലോ. വാഴപ്പിണ്ടി കൊണ്ട് ദോശ തയ്യാറാക്കിയിട്ടുണ്ടോ...വളരെ ഹെൽത്തിയും രുചികരവുമാണ് വാഴപ്പിണ്ടി ദോശ. എങ്ങനെയാണ് ഈ ദോശ തയ്യാറാക്കുന്നതെന്ന് നോക്കിയാലോ...
വേണ്ട ചേരുവകൾ...
വാഴപ്പിണ്ടി ഒരു കപ്പ്
ചുവന്ന മുളക് 4 എണ്ണം
ജീരകം അര സ്പൂൺ
കറിവേപ്പില ഒരു തണ്ട്
ഇഞ്ചി ഒരു കഷ്ണം
ദോശ മാവ് ഒരു കപ്പ്
ഉപ്പ് ആവശ്യത്തിന്
തയ്യാറാക്കുന്ന വിധം...
വാഴപ്പിണ്ടി ചെറുതായി അരിഞ്ഞ് അതിലേക്കു മുളക് , ജീരകം ,കറിവേപ്പില , ഇഞ്ചി എന്നിവ ചേർത്ത് നന്നായി അരച്ച് എടുക്കുക. അരിയും , ഉഴുന്നും , ഉലുവയും ചേർത്ത് അരച്ച ദോശമാവ് ഒരു ദിവസം വച്ചതിനു ശേഷം ഒരു കപ്പ് ദോശമാവിലേക്ക് അരച്ച മിക്സ് ചേർത്ത് ഒപ്പം ഉപ്പും ചേർത്ത് ഇളക്കി യോജിപ്പിക്കുക. ദോശക്കല്ല് ചൂടാകുമ്പോൾ മാവ് ഒഴിച്ച് പരത്തി അതിലേക്കു കുറച്ചു നല്ലെണ്ണ / നെയ്യ് , ഒഴിച്ച് സാധാരണ ദോശ പോലെ ഉണ്ടാക്കി എടുക്കുക. വാഴപ്പിണ്ടി ദോശ തയ്യാറായി...
തയ്യാറാക്കിയത്:
ആശ, ബാംഗ്ലൂർ
ഊണിന് വാഴപ്പിണ്ടി തോരൻ തയ്യാറാക്കാം