ഇതൊരു ഹെൽത്തി വിഭവം; എഗ് സാലഡ് തയ്യാറാക്കാം
വളരെ ഹെൽത്തിയും ടേസ്റ്റി വിഭവവുമാണ് എഗ് സാലഡ്. രുചികരമായ എഗ് സാലഡ് തയ്യാറാക്കുന്നത് എങ്ങനെയെന്ന് നോക്കാം.
വേണ്ട ചേരുവകൾ...
മുട്ട പുഴുങ്ങിയത് 1 എണ്ണം
മയോണീസ് അര കപ്പ്
സവാള കൊത്തിയരിഞ്ഞത് 1 എണ്ണം
തക്കാളി കൊത്തിയരിഞ്ഞത് 1 എണ്ണം
കാരറ്റ് ഗ്രേറ്റ് ചെയ്തത് 1 എണ്ണം
പച്ചമുളക് പൊടിയായി അരിഞ്ഞത് 3 എണ്ണം,
ജീരകപ്പൊടി 1 നുള്ള്,
മല്ലിയില അരിഞ്ഞത് 1 ടേബിൾ സ്പൂൺ
ഉപ്പ് പാകത്തിന്
തയ്യാറാക്കുന്ന വിധം...
ആദ്യം മുട്ട തോട് കളഞ്ഞ് ചെറുതായി മുറിച്ചുവയ്ക്കുക.
ശേഷം മുകളിൽ പറഞ്ഞിരിക്കുന്ന ചേരുവകളെല്ലാം ചേർത്ത് നല്ല പോലെ മിക്സ് ചെയ്യുക.
അവസാനം മുട്ട ചേർത്ത് വിളമ്പാം.
രുചികരമായ എഗ് സാലഡ് തയ്യാറായി...
തയ്യാറാക്കിയത്:
ഗായത്രി എസ് എൻ,
കൊച്ചി