ടൈപ്പ് 2 പ്രമേഹത്തെ നിയന്ത്രിക്കാനും രക്തസമ്മര്ദ്ദം നിയന്ത്രിക്കാനും മഗ്നീഷ്യം സഹായിക്കും. ശരീരത്തില് മഗ്നീഷ്യം വേണ്ട അളവില് ലഭിച്ചില്ലെങ്കില് രക്തസമ്മര്ദ്ദം കൂടാനും ഹൃദയത്തിന്റെ ആരോഗ്യത്തെ ബാധിക്കാനും സാധ്യതയുണ്ട്.
നമ്മുടെ ശരീരത്തിന് ഏറെ ആവശ്യമായ ഒരു പോഷകമാണ് മഗ്നീഷ്യം. ശരീരത്തില് മഗ്നീഷ്യം കുറഞ്ഞാല് അത് പല വിധത്തിലുള്ള ആരോഗ്യ പ്രശ്നങ്ങളും ഉണ്ടാക്കാം. എല്ലുകളുടെയും പേശികളുടെയുമൊക്കെ ആരോഗ്യത്തിന് മഗ്നീഷ്യം വളരെ ആവശ്യമുള്ളതാണ്. ടൈപ്പ് 2 പ്രമേഹത്തെ നിയന്ത്രിക്കാനും രക്തസമ്മര്ദ്ദം നിയന്ത്രിക്കാനും മഗ്നീഷ്യം സഹായിക്കും. ശരീരത്തില് മഗ്നീഷ്യം വേണ്ട അളവില് ലഭിച്ചില്ലെങ്കില് രക്തസമ്മര്ദ്ദം കൂടാനും ഹൃദയത്തിന്റെ ആരോഗ്യത്തെ ബാധിക്കാനും സാധ്യതയുണ്ട്.
മൈഗ്രേന് തലവേദനയെ തടയാനും മഗ്നീഷ്യം സഹായിക്കും. മഗ്നീഷ്യം അടങ്ങിയ ഭക്ഷണങ്ങള് കഴിക്കുന്നത് നല്ല ഉറക്കത്തിനും ഗുണം ചെയ്യും. ഉറക്കത്തിന് സഹായിക്കുന്ന ഹോർമോണായ മെലറ്റോണിന്റെ ഉൽപാദനം മെച്ചപ്പെടുത്താന് മഗ്നീഷ്യം സഹായിക്കും. വിഷാദത്തെ തടയാനും ക്ഷീണം അകറ്റാനും മഗ്നീഷ്യം പ്രധാനമാണ്. ശരീരത്തില് മഗ്നീഷ്യം വേണ്ട അളവില് ലഭിച്ചില്ലെങ്കില് ശരീരം ചില ലക്ഷണങ്ങള് കാണിക്കും. അവ എന്തൊക്കെയാണെന്ന് നോക്കാം.
1. എപ്പോഴും ക്ഷീണവും തളര്ച്ചയും ഉണ്ടാകുന്നതും ശരീരത്തില് മഗ്നീഷ്യം വേണ്ട അളവില് ലഭിച്ചില്ലെങ്കിലുള്ള ലക്ഷണമാകാം.
2. തലവേദന, ഛര്ദ്ദി എന്നിവയും ചിലപ്പോള് മഗ്നീഷ്യത്തിന്റെ കുറവിനെയാകാം സൂചിപ്പിക്കുന്നത്.
3. മഗ്നീഷ്യത്തിന്റെ കുറവ് മൂലവും മൈഗ്രേനും ഉണ്ടാകാം.
4. ശരീരത്തില് മഗ്നീഷ്യത്തിന്റെ അളവ് കുറയുന്നത് മാനസികാരോഗ്യത്തെയും ബാധിക്കാം. ഇതുമൂലം വിഷാദം, ഉത്കണ്ഠ തുടങ്ങിയവ ഉണ്ടാകാം.
5. പേശികളുടെ ബലത്തിനും എല്ലുകളുടെ ആരോഗ്യത്തിനും മഗ്നീഷ്യം അത്യാന്താപേക്ഷിതമാണ്. മഗ്നീഷ്യത്തിന്റെ അഭാവം എല്ലുകളുടെ ബലക്കുറവ്, കാൽസിഫിക്കേഷൻ സാധ്യത എന്നിവ വർധിപ്പിക്കുന്നു.
6. ശരീരത്തില് മഗ്നീഷ്യത്തിന്റെ അളവ് കുറയുന്നത് രക്തസമ്മര്ദ്ദം കൂടാനും ഹൃദയത്തിന്റെ ആരോഗ്യത്തെ ബാധിക്കാനും സാധ്യതയുണ്ട്.
ഭക്ഷണങ്ങളിലൂടെയാണ് പ്രധാനമായും മഗ്നീഷ്യം ശരീരത്തിലെത്തുന്നത്. അതിനാല് മഗ്നീഷ്യം അടങ്ങിയ ഭക്ഷണവസ്തുക്കൾ ഡയറ്റില് ഉള്പ്പെടുത്താം. അത്തരത്തില് മഗ്നീഷ്യം അടങ്ങിയ ചില ഭക്ഷണങ്ങളെ പരിചയപ്പെടാം.
മത്തങ്ങക്കുരു, നേന്ത്രപ്പഴം, ചുവന്ന അരി, തൈര്, എള്ള്, നട്സ്, ചീര, ഫ്ലക്സ് സീഡ്, പയര്വര്ഗങ്ങള്, ഡാര്ക്ക് ചോക്ലേറ്റ് തുടങ്ങിയവയിലൊക്കെ മഗ്നീഷ്യം ധാരാളമായി അടങ്ങിയിരിക്കുന്നു.
ശ്രദ്ധിക്കുക: മേൽപ്പറഞ്ഞ ലക്ഷണങ്ങൾ കാണുന്നപക്ഷം സ്വയം രോഗ നിർണയത്തിന് ശ്രമിക്കാതെ നിർബന്ധമായും ഡോക്ടറെ 'കൺസൾട്ട്' ചെയ്യുക. ഇതിന് ശേഷം മാത്രം രോഗം സ്ഥിരീകരിക്കുക. അതുപോലെ ആരോഗ്യ വിദഗ്ധന്റെയോ ന്യൂട്രീഷനിസ്റ്റിന്റെയോ ഉപദേശം തേടിയ ശേഷം മാത്രം ആഹാരക്രമത്തില് മാറ്റം വരുത്തുക.
Also read: പപ്പായ കഴിക്കുന്നത് കൊണ്ടുള്ള എട്ട് ആരോഗ്യ ഗുണങ്ങള്...
