നവര മീൻ കറി ഇനി മുതൽ ഈ രീതിയിൽ ഉണ്ടാക്കി നോക്കൂ. പ്രിയകല അനിൽകുമാർ തയ്യാറാക്കിയ പാചകക്കുറിപ്പ്...
'രുചിക്കാലം' വ്യത്യസ്തമായ പാചകക്കുറിപ്പുകളുടെ ഈ ആഘോഷത്തിൽ പങ്കാളിയാവാൻ താൽപ്പര്യമുണ്ടോ? ഉണ്ടെങ്കിൽ നിങ്ങൾ തയ്യാറാക്കിയ വ്യത്യസ്തമായ പാചകക്കുറിപ്പുകൾ നല്ലൊരു ഫോട്ടോയും വിശദമായ വിലാസവും അടക്കം ruchikalamrecipes@gmail.com എന്ന വിലാസത്തിൽ അയക്കുക. യൂട്യൂബ് വീഡിയോ ഉണ്ടെങ്കിൽ അതിന്റെ ലിങ്ക് കൂടി അയക്കാം. സബ്ജക്റ്റ് ലൈനിൽ Recipes എന്ന് എഴുതണം. മികച്ച പാചകക്കുറിപ്പുകൾ രുചിക്കാലം പ്രസിദ്ധീകരിക്കും.
നവര മീൻ (കിളിമീൻ) കിട്ടിയാൽ ഈ രീതിയിൽ കറി തയ്യാറാക്കി നോക്കൂ. വളരെ എളുപ്പവും രുചികരവുമായ രീതിയിൽ സ്പെഷ്യൽ നവര മീൻ കറി ഉണ്ടാക്കിയാലോ?.
വേണ്ട ചേരുവകൾ
തേങ്ങ ചിരകിയത് - ഒരു മുറി
ചുവന്ന മുളകുപൊടി - 3 സ്പൂൺ
മല്ലിപൊടി - 3 സ്പൂൺ
മഞ്ഞൾ പൊടി - 1/2 സ്പൂൺ
ഉലുവ പൊടി - 1/2 സ്പൂൺ
കറിവേപ്പില - കുറച്ച്
ചുവന്നുള്ളി - 7 എണ്ണം
പുളി - ആവശ്യത്തിന്
ഉപ്പ് - പാകത്തിന്
തയ്യാറാക്കുന്ന വിധം
ഒരു തക്കാളി 4 പച്ചമുളക് അരിഞ്ഞു മീനിൽ ചേർക്കുക. മുകളിൽ പറഞ്ഞ തേങ്ങയും മസാലകളും ഒരുമിച്ച് അരച്ച് എടുത്ത് പുളിയും ചേർത്ത വെള്ളവും ആവശ്യത്തിന് ഉപ്പും ചേർത്ത് അടുപ്പത്ത് വച്ച് തിളച്ചു വരുമ്പോൾ കറിവേപ്പിലയും ചേർത്ത് ഇളക്കുക. ശേഷം ചൂടോടെ കഴിക്കാം.
