Asianet News MalayalamAsianet News Malayalam

ഓറഞ്ച് ജ്യൂസ് കുടിച്ചാൽ ​ഗുണം ഇതാണ്...

ഓറഞ്ചില്‍ അടങ്ങിയിരിക്കുന്ന 'ഹെസ്‌പെരിഡിന്‍'(hesperidin)എന്ന ബയോആക്ടീവ് സംയുക്തമാണ് നീര്‍ക്കെട്ട് കുറയ്ക്കാന്‍ സഹായിക്കുന്നതെന്നും ​ഗവേഷകർ പറയുന്നു. 

Orange Juice Everyday Can Fight Inflammation Oxidative Stress in Adults  Study
Author
Trivandrum, First Published Oct 23, 2021, 12:38 PM IST
  • Facebook
  • Twitter
  • Whatsapp

ഓറഞ്ച് ജ്യൂസ് (orange juice) ശരീരത്തിലെ നീർക്കെട്ടുകളെ ഒരു പരിധിവരെ തടയുകയും ഓക്സിഡേറ്റീവ് സമ്മർദ്ദം(oxidative stress) കുറയ്ക്കുകയും ചെയ്യുമെന്ന് പഠനം. 'അഡ്വാൻസസ് ഇൻ ന്യൂട്രീഷൻ' ജേണലിൽ (advances in nutrition journal) പ്രസിദ്ധീകരിച്ച പഠനത്തിലാണ് ഈ കണ്ടെത്തൽ. 

ഓറഞ്ചിൽ അടങ്ങിയിരിക്കുന്ന വിറ്റാമിൻ സിയും മറ്റ് പോഷകങ്ങളും ഒരാളുടെ ആരോഗ്യം മെച്ചപ്പെടുത്തുന്നതിന് പ്രധാനപങ്കുവഹിക്കുന്നതായി പഠനത്തിൽ പറയുന്നു.  ഓറഞ്ചിൽ അടങ്ങിയിരിക്കുന്ന 'ഹെസ്‌പെരിഡിൻ'(hesperidin)എന്ന ബയോആക്ടീവ് സംയുക്തമാണ് നീർക്കെട്ട് കുറയ്ക്കാൻ സഹായിക്കുന്നതെന്നും ​ഗവേഷകർ പറയുന്നു.

ടഫ് യൂണിവേഴ്സിറ്റിയിലെയും ജോർജ്ജ് മേസൺ യൂണിവേഴ്സിറ്റിയിലെയും ​ഗവേഷകർ നടത്തിയ പഠനത്തിലാണ് ഈ കണ്ടെത്തൽ. രോഗപ്രതിരോധ ശേഷി വർദ്ധിപ്പിക്കുന്നതിൽ  ഓറഞ്ച് പ്രധാന പങ്ക് വഹിക്കുകയും ചെയ്യുന്നു. ശരീരത്തിൽ ഉണ്ടാവുന്ന വീക്കം കുറയ്ക്കുന്നതിനും ഓറഞ്ച് ജ്യൂസ് സഹായിക്കും.

രോഗപ്രതിരോധശേഷി വർദ്ധിപ്പിക്കുന്നതിനായി ദിവസവുമുള്ള നിങ്ങളുടെ ഭക്ഷണ ക്രമത്തിൽ ഒരു കപ്പ് ഓറഞ്ച് ജ്യൂസ് ഉൾപ്പെടുത്തണമെന്നും ​ഗവേഷകർ പറയുന്നു. പുതിയ കണ്ടെത്തലിൽ കൂടുതൽ ആഴമേറിയ പഠനങ്ങൾ നടത്തേണ്ടതുണ്ടെന്നും ഫ്‌ളോറിഡ ഡിപാർട്‌മെന്റ് ഓഫ് സിട്രസിലെ ഡയറ്റീഷ്യൻ ഗെയ്ൽ രാംപെർസോദ് അഭിപ്രായപ്പെട്ടു. 

 

Follow Us:
Download App:
  • android
  • ios