അനിയന്ത്രിതമായ ഉയർന്ന രക്തസമ്മർദ്ദമാണ് സ്ട്രോക്ക്, ഹൃദയാഘാതം, വിട്ടുമാറാത്ത ഹൃദയസ്തംഭനം എന്നിവയുടെ പ്രധാന കാരണം. ഇത് വൃക്കകളെയും ബാധിക്കുകയും പരിശോധിച്ചില്ലെങ്കിൽ വൃക്ക തകരാറിലാകുകയും ചെയ്യും. നിങ്ങൾ ഹൈപ്പർടെൻഷൻ ഉള്ളവരാണെങ്കിൽ വെളുത്തുള്ളി ഭക്ഷണത്തിൽ ഉൾപ്പെടുത്തുക.
ഇന്ത്യൻ ഭക്ഷണക്രമത്തിൽ വെളുത്തുള്ളി വളരെ പ്രധാനപ്പെട്ട പങ്ക് വഹിക്കുന്നു. സുഗന്ധവ്യഞ്ജനങ്ങൾ ഇന്ത്യൻ വിഭവങ്ങൾക്ക് രുചി കൂട്ടുന്നു. ഇത് രുചിക്ക് മാത്രമല്ല, വെളുത്തുള്ളിക്ക് നിരവധി ആരോഗ്യ ഗുണങ്ങളുണ്ട്. ജലദോഷത്തിനും പനിക്കും എതിരെ പ്രതിരോധശേഷി വർധിപ്പിക്കുക, ചീത്ത കൊളസ്ട്രോളിന്റെ അളവ് കുറയ്ക്കുക, ഉയർന്ന രക്തസമ്മർദ്ദം നിയന്ത്രിക്കാൻ സഹായിക്കുക തുടങ്ങി, ഈ സുഗന്ധവ്യഞ്ജനത്തിന് അതിശയകരമായ ഗുണങ്ങളുണ്ട്. വെളുത്തുള്ളി കഴിച്ചാലുള്ള ചില ആരോഗ്യഗുണങ്ങളെ കുറിച്ചറിയാം...
ഒന്ന്...
സുഗന്ധവ്യഞ്ജനങ്ങൾ ഒരാളുടെ പ്രതിരോധശേഷി വർദ്ധിപ്പിക്കുകയും പ്രത്യേകിച്ച് ജലദോഷം, പനി എന്നിവയ്ക്കെതിരെ പോരാടാൻ സഹായിക്കുകയും ചെയ്യുന്നു. പച്ച വെളുത്തുള്ളി കഴിക്കുന്നത് ചുമ, പനി, ജലദോഷം, അനുബന്ധ രോഗങ്ങൾ എന്നിവയിൽ നിന്ന് ഒരു വ്യക്തിയെ സംരക്ഷിക്കും. മികച്ച ഫലം ലഭിക്കുന്നതിന് രണ്ട് അല്ലി വെളുത്തുള്ളി ചതച്ച് രാവിലെ കഴിക്കുക.
രണ്ട്...
അനിയന്ത്രിതമായ ഉയർന്ന രക്തസമ്മർദ്ദമാണ് സ്ട്രോക്ക്, ഹൃദയാഘാതം, വിട്ടുമാറാത്ത ഹൃദയസ്തംഭനം എന്നിവയുടെ പ്രധാന കാരണം. ഇത് വൃക്കകളെയും ബാധിക്കുകയും പരിശോധിച്ചില്ലെങ്കിൽ വൃക്ക തകരാറിലാകുകയും ചെയ്യും. നിങ്ങൾ ഹൈപ്പർടെൻഷൻ ഉള്ളവരാണെങ്കിൽ വെളുത്തുള്ളി ഭക്ഷണത്തിൽ ഉൾപ്പെടുത്തുക.
മൂന്ന്...
രണ്ട് തരം കൊളസ്ട്രോൾ ഉണ്ട്. ചീത്ത കൊളസ്ട്രോൾ അല്ലെങ്കിൽ എൽഡിഎൽ, നല്ല കൊളസ്ട്രോൾ അല്ലെങ്കിൽ എച്ച്ഡിഎൽ. LDL ലെവൽ വളരെ കൂടുതലും HDL ലെവൽ വളരെ കുറവും ആണെങ്കിൽ അത് ഗുരുതരമായ ആരോഗ്യ പ്രശ്നങ്ങൾക്ക് കാരണമാകും. വെളുത്തുള്ളി എച്ച്ഡിഎൽ ലെവലിൽ സ്വാധീനം ചെലുത്തുന്നില്ലെങ്കിലും, പഠനങ്ങൾ കാണിക്കുന്നത് ഇത് എൽഡിഎൽ അളവ് കുറയ്ക്കുന്നു എന്നാണ്.
നാല്...
വെളുത്തുള്ളിയിൽ ഫ്ലേവനോയ്ഡുകൾ, പോളിഫെനോൾസ് തുടങ്ങിയ ആന്റിഓക്സിഡന്റുകൾ ധാരാളം അടങ്ങിയിട്ടുണ്ട്. മാത്രമല്ല നിങ്ങളുടെ കോശങ്ങളെ ഓക്സിഡേറ്റീവ് സ്ട്രെസിൽ നിന്ന് സംരക്ഷിക്കാനും കഴിയും. ക്യാൻസർ, പ്രമേഹം, അൽഷിമേഴ്സ്, ഹൃദ്രോഗം തുടങ്ങിയ രോഗങ്ങളുടെ സാധ്യത കുറയ്ക്കുന്നു.
അഞ്ച്...
എലികളുടെ പഠനങ്ങൾ കാണിക്കുന്നത് വെളുത്തുള്ളിക്ക് സ്ത്രീകളിൽ ഈസ്ട്രജൻ വർദ്ധിപ്പിക്കുന്നതിലൂടെ അസ്ഥികളുടെ നഷ്ടം കുറയ്ക്കാനും അതുവഴി അസ്ഥികളുടെ ആരോഗ്യം മെച്ചപ്പെടുത്താനും കഴിയും.
ആറ്...
വെളുത്തുള്ളിയിലെ ആന്റിഓക്സിഡന്റുകൾ മുഖക്കുരുവിന് കാരണമാകുന്ന ബാക്ടീരിയകളെ നീക്കം ചെയ്യാൻ സഹായിക്കും.
