ഏഷ്യാനെറ്റ് ന്യൂസ് ഓണ്ലൈനില് ഇത്തവണ വ്യത്യസ്ത തരം മാമ്പഴ വിഭവങ്ങള് അഥവാ മാംഗോ ഫെസ്റ്റ് റെസിപ്പികള്. ഇന്ന് മേരി നേസൺ തയ്യാറാക്കിയ പാചകക്കുറിപ്പ്.
'രുചിക്കാലം' വ്യത്യസ്തമായ പാചകക്കുറിപ്പുകളുടെ ഈ ആഘോഷത്തിൽ പങ്കാളിയാവാൻ താൽപ്പര്യമുണ്ടോ? ഉണ്ടെങ്കിൽ നിങ്ങൾ തയ്യാറാക്കിയ വ്യത്യസ്തമായ പാചകക്കുറിപ്പുകൾ നല്ലൊരു ഫോട്ടോയും വിശദമായ വിലാസവും അടക്കം ruchikalamrecipes@gmail.com എന്ന വിലാസത്തിൽ അയക്കുക. യൂ ട്യൂബ് വീഡിയോ ഉണ്ടെങ്കിൽ അതിന്റെ ലിങ്ക് കൂടി അയക്കാം. സബ്ജക്റ്റ് ലൈനിൽ Recipes എന്ന് എഴുതണം. മികച്ച പാചകക്കുറിപ്പുകൾ രുചിക്കാലം പ്രസിദ്ധീകരിക്കും.
Related Articles
പച്ചമാങ്ങ കൊണ്ടൊരു വെറൈറ്റി സാലഡ് തയ്യാറാക്കിയാലോ?
വേണ്ട ചേരുവകൾ
ചെറുപയർ പരിപ്പ് - ഒരു കപ്പ്
പച്ചമുളക് ചെറുതായി അരിഞ്ഞത് - കാൽ കപ്പ്
വെള്ളരിക്ക ചെറുതായി അരിഞ്ഞത് - ഒരു കപ്പ്
തക്കാളി ചെറുതായി അരിഞ്ഞത് - ഒരു കപ്പ്
ജീരകപ്പൊടി - ഒരു സ്പൂൺ
ഉപ്പ് - ആവശ്യത്തിന്
സവാള ചെറുതായി അരിഞ്ഞത് - ഒരു കപ്പ്
ക്യാരറ്റ് ചെറുതായി അരിഞ്ഞത് - ഒരു കപ്പ്
പച്ചമാങ്ങ ചെറുതായി അരിഞ്ഞത് - ഒരു കപ്പ്
നാരങ്ങാനീര് - രണ്ട് സ്പൂൺ
തേങ്ങ ചിരകിയത് - അര ക്കപ്പ്
മല്ലിയില - കാൽ കപ്പ്
തയ്യാറാക്കുന്ന വിധം
ചെറുപയർ പരിപ്പ് നല്ലതുപോലെ ഒന്ന് കുതിർത്തെടുത്തതിനുശേഷം ഇതിനെ നമുക്ക് ഒരു പാത്രത്തിലേക്ക് ഇട്ടുകൊടുക്കാം. ശേഷം അതിലേയ്ക്ക് ക്യാരറ്റ്, പച്ചമാങ്ങ, നാരങ്ങാനീര് മല്ലിയില, തേങ്ങ, സവാള, തക്കാളി, ഉപ്പ്, ജീരകപ്പൊടി, പച്ചമുളക് എന്നിവ ചേർത്ത് നല്ലപോലെ യോജിപ്പിച്ചെടുക്കാം.
