നെയ്മറെ ടീമിലെത്തിക്കാന് ശ്രമം; നിര്ണായക വെളിപ്പെടുത്തലുമായി പിക്വെ
നെയ്മറുടെ ക്ലബ്ബുമാറ്റം സംബന്ധിച്ച് ശ്രദ്ധേയമായ വെളിപ്പെടുത്തലുമായി ബാഴ്സലോണ ഡിഫന്ഡര് ജെറാര്ഡ് പിക്വെ. നെയ്മറെ ടീമിലെത്തിക്കാനായി ശമ്പളം ഉള്പ്പെടെ വെട്ടിക്കുറയ്ക്കുന്നതിന്, താന് അടക്കമുള്ള ബാഴ്സ താരങ്ങള് തയ്യാറായിരുന്നതായി പിക്വെ വെളിപ്പെടുത്തി.
ബാഴ്സലോണ: നെയ്മറുടെ ക്ലബ്ബുമാറ്റം സംബന്ധിച്ച് ശ്രദ്ധേയമായ വെളിപ്പെടുത്തലുമായി ബാഴ്സലോണ ഡിഫന്ഡര് ജെറാര്ഡ് പിക്വെ. നെയ്മറെ ടീമിലെത്തിക്കാനായി ശമ്പളം ഉള്പ്പെടെ വെട്ടിക്കുറയ്ക്കുന്നതിന്, താന് അടക്കമുള്ള ബാഴ്സ താരങ്ങള് തയ്യാറായിരുന്നതായി പിക്വെ വെളിപ്പെടുത്തി. ഇക്കാര്യം ക്ലബ്ബ് പ്രസിഡന്റുമായി നേരിട്ട് സംസാരിച്ചിരുന്നു.
പിഎസ്ജിയിലെ നെയ്മറുടെ ഉയര്ന്ന പ്രതിഫലം, ക്ലബ്ബ് മാറ്റത്തിന് തടസമാകരുതെന്നാണ് ബാഴ്സ താരങ്ങള് ആഗ്രഹിച്ചതെന്നും പിക്വെ പറഞ്ഞു. നെയ്മര് വൈകാതെ ബാഴ്സയില് തിരിച്ചെത്തുമെന്നാണ് പ്രതീക്ഷയെന്നും താരം പറഞ്ഞു.
നെയ്മറെ ടീമിലെത്തിക്കാന് കഴിയാത്തതില് നിരാശയുണ്ടെന്ന് ബാഴ്സ സൂപ്പര് താരം ലിയോണല് മെസിയും നേരത്തെ തുറന്നുപറഞ്ഞിരുന്നു. നെയ്മര്ക്ക് പിഎസ്ജിയുമായി 2022 വരെ കരാര് ഉണ്ടെങ്കിലും, അടുത്ത സീസണുകളിലും, നെയ്മര്ക്കായി ബാഴ്സ രംഗത്തെത്തുമെന്നാണ് സൂചന.